RUT 3:14 - KITABI HABARI MOPIOHE

¹⁴ Yi malo tuluhulo ti Rut teto totili lo oa̒ato lei Boas. Loombulio mola molaliyonu daa̒ ti Rut malo bongu alihu tio diila oontonga lotau. Sababu tei Boas diila mohuto penu boli ngotaa mao̒ tamotota deu̒ ti Rut malonao̒ mai ode tambati boito.

RUT 3:14 ပူးပေါင်းရင်းမြစ်များ

TAMOO-HUTUBAWA 7:1

Moo̒tapu tanggulo mopiohu lebe mopiohu lou̒ winulo openi molnggato; wau dulahu opopate lebe mopiohu wolo dulahu ilowali mai.

ROMA 12:17

Wonu tau mohutu u moleeto olimongoli, diila mao̒ pomalasi lou̒ moleeto. Pohutua mao̒ wolo uhe anggapuo mopiohe lotaa ngoa̒amila.

ROMA 14:16

Uito sababuulio diila mao̒ polulia wolo u mopiohe olimongoli, anggapuo lotaa wewo diila mopiohu.

1 KORINTUS 10:32

Potitumulolo odito rupalio tilinggula Wutato diila moo̒sababu taawewo mohutu dusa; wolo timongolio taulo Yahudi meaalo tadiila Yahudi, meaalo jamaa̒ lo Allahu Taa̒ala.

2 KORINTUS 8:21

Amiaatia ohilaa mokalaja lou̒ juujulu diila bo totalu lo Eeya, bo totalu lomanusia olo.

1 TESALONIKA 5:22

Tolai mao̒ totoonulalo u moleeto.

1 PETRUS 2:12

Pii̒li limongoli towolota lotaa udiila motota lo Allahu Taa̒ala mamusi mopiohe daa̒, tilinggula wonubolo timongolio mopitana olimongoli odelo taa moleeto, timongolio debo musi motolo akuwo huhutumu u mopiohe, tilinggula timongolio mamomuji Allahu Taa̒ala todulahe podungga-Lio mai.

RUT 3:15

Yi malo loi̒ya tei Boas odeli Rut, “Yinggila mao̒ salendangimu wau bua̒delo mola tewe.” Yi ti Rut malo hinggi salendangilio wau bilua̒dio mola. Tei Boas helo luangao̒ ode salendangi boito tanu dulo puulo kilo pale. Lapatao̒ bilintai̒o mola ode yitaato binggungo li Rut. Lapatao̒ uito tei Boas lonao̒ ode kota.