RUT 3:13 - KITABI HABARI MOPIOHE

¹³ Hui botie yio̒ potitolaa pomao̒ tewe. Loombu dumodupo de maa yintuwou̒ mao̒ olio wolo tio mohuto moponao̒ banta titihulio boito olemu meaalo diila. Wonu tio mohuto, mopiohulo; bo wonu tio diila mohuto, yi wau̒ modantia mai domi Allahu Taa̒ala Taa tumutumulo, wau̒ mamoponao̒ banta titihuluu̒ boito. Botia potuluhu pomao̒ tewe tunggula dumodupo.”

RUT 3:13 ပူးပေါင်းရင်းမြစ်များ

YEREMIA 12:16

Wonu timongolio wolo lealeaatu lohilao mohuto mololimo agama lo umati-U̒ wau mohuto motadia wolo moloi̒ya, ‘Domi Eeya tatumu-tumulo,’ – debo odelo muloololio mai timongolio helo ngaajali umati-U̒ lotadia domi Baal – timongolio olo mamei tuwoto umati-U̒ wau mowali maa̒amulu.

YEREMIA 4:2

Wonu timongoli motadia domi tanggulu-U̒ wau timongoli tumumula motulidu hale aadili wau otutu, yi totoonulalo bangusa maa momolohone ola-U̒ alihu balakatiya-U̒ timongolio, wau timongolio mamomuji ola-U̒.”

2 KORINTUS 1:23

Allahu Taa̒ala sakusi lowatia – sababu otaawa-Lio tuango hilaa lowatia – deu̒ watia diila lomata lonao̒ ode Korintus, sababu watia diila mohuto mopo suukali hilaa limongoli.

IBRANI 6:16

Wonu tau motadia, tio motadia totanggulo taa wewo talebe molaia̒ wolio, yi tadia boito mopoo̒ pulitao̒ totoonulalo batata.

MONGO HAKIMU 8:19

“Uito yito mongo wutatuu̒ wau mongo walao̒ limaamau̒,” ualei Gideon, “Humayaalio timongoli diila lomate yilateelo mao̒ olimongolio, yi tutuulio tutu wau̒ diila tamomate-mateelo mao̒ olimongoli olo.”

RUT 2:20

“Naa, tau boito ilaato tamodudulo wolanto lohilao,” uali Nao̒mi. “Tiolo tamusi momanta timihulao̒ to olanto. Pohileaala dua̒ Eeya mobalakati mai olio. Eeya laito moe̒ela mai danti-Lio, mopio ode tadonggo hitumula meaambo ode limongolio tamailate.”

RUT 3:12

Memangi otutu, wau̒ tamusi momanta timihulao̒ to tutumulumu, sababu wau̒ yito ilaatumu tamodudulo. Bo donggo woluo poli ngotaalio wewo tamusi momanta timihulao̒ to tutumulumu. Wau tio yito ilaato talebe modudulo wolau̒.

RUT 4:5

Lapatao̒ ualei Boas, “Mopiohulo wonu odito. Bo, wonu yio̒ tamotali huta boito monto oli Nao̒mi, yi yio̒ olo musi mohama oli Rut, taabua lo Moab, janda lowalai̒ Nao̒mi tamailate boito. Sababu, huta boito musi debo mowali miliki lo wali mola taa u mailate boito.”

RUT 4:6

Tametao̒ lotau boito, “Wonu odito, yi watia diila mambo. Botia mopiohulo watia molopata haku lowatia odelo taa bohulio tawajibu motali huta boito. Diila ohunalio watia motali mao̒ sababu huta boito tantu diila tamowali haku lo wali mola laatia. Lebe mopiohe itolo wambao̒ tamotali mao̒.”