RUT 3:10 - KITABI HABARI MOPIOHE

¹⁰ “Pohileaala dua̒ Eeya mobalakati mai olemu, walau̒uu̒,” ualei Boas. “Wonu pobandingio mola lou̒ wolo u mapilo hutumu ode tiilo moluhengumu, yi huhutuumu u masaatia botie mopoi̒laalo tolia̒nga ulebe udaa̒ poli. Yio̒ olo mowali mololohe dile tadonggo muda towolota lotaa kaya meaalo taa mosikini, bo yio̒ diila helohutu uito.

RUT 3:10 ပူးပေါင်းရင်းမြစ်များ

ILOOWALI 24:31

Lapatao̒ ualei Laban, “Tipaaa̒ taa u bilalakatia lo Eeya! Diila mao̒ potitolaa to bulemengio teewe. Toduwolo ode bele lamiaatia. Amiaatia malo pohetu mao̒ huali toli Paaa̒ wau olo tambati duo̒lo uu̒u-ntawaalo li Paaa̒.”

RUT 1:8

ti Nao̒mi loloi̒ya ode walao̒ moluhengio duulota boito, “Timongoli pohualingolo ode bele liilamu. Pohileaala dua̒ Eeya motuhatawa woli mongoli debo odelo timongoli olo mopio to olau̒ wau odeli mongolio tamailate boito.

RUT 2:11

Tei Boas lolametao̒, “Wau̒ maloo̒ dungohu pasali lou̒ totoonulalo hitua-tuawua u pilohutumu ode tiilo moluhengumu anggadu dilemu yilate. Otaawau̒ deu̒ yio̒ malo lolaa mai mongo dulaa̒mu wau lipumu u odia mai wau motibiluloa̒ tewe wolo tau-tauwala tadiipo otaawamu.

RUT 2:20

“Naa, tau boito ilaato tamodudulo wolanto lohilao,” uali Nao̒mi. “Tiolo tamusi momanta timihulao̒ to olanto. Pohileaala dua̒ Eeya mobalakati mai olio. Eeya laito moe̒ela mai danti-Lio, mopio ode tadonggo hitumula meaambo ode limongolio tamailate.”

RUT 2:4

Diila lohiheo lapatio mao̒ tei Boas leidungga mai lonto Betlehemu wau longohi mao̒ salamu ode tahi pongotolawa, “Pohileaala dua̒ Eeya woli mongoli,” ualio mao̒. Tahi pongotolawa helo lametao̒, “Pohileaala dua̒ Eeya mobalakati mai oli Paaa̒.”

RUT 3:9

“Tatoonu yio̒?” yilintulio mao̒. “Watia ti Rut, Paaa̒!” tametao̒ li Rut. “Ti Paaa̒ yito ilaato lamiaatia modudulo tamusi momanta timihulao̒ to tutumulo laatia. Bolo potaala ti Paaa̒ mohama mao̒ olaatia mowali dile li Paaa̒.”

BOHULO SEMUEL 15:13

Tou̒ tei Semuel lodunggaya wolei Saul, tei Saul malo loi̒ya olio, “Pohileaala dua̒ Eeya mobalakati mai oli Paaa̒! Watia malo ponao̒ palenta lo Eeya.”