RUT 2:14 - KITABI HABARI MOPIOHE

¹⁴ Tou̒ mawakutuulio u molamelo, tei Boas loloi̒ya mao̒ odeli Rut, “Toduwolo molamelo. Utie sausulio.” Yi ti Rut olo malo lamelo pee̒-pee̒enta wolo tahi pongotolawa. Tei Boas olo longohi mao̒ ila pilanggangi to olio, wau ti Rut helo lamelo tilinggula lobutuhu. Tou̒ mailapato lolamelo, woluo labitio.

RUT 2:14 ပူးပေါင်းရင်းမြစ်များ

OLUO LO SAMUEL 17:28

Timongolio helodelo manggo, bilenga, wau kaatulu odelei Dauda wau tahidudua̒ olio, wau olo pale, jelai, labu, pale biluti, kasa meela, kasa meela hulinta hula lotiia̒, keju, hulango susu wau demohelu ngolo himba. Otaawa limongolio deu̒ tei Dauda wau tahidudua̒ olio donggo pola-polaango, mototoa̒ngo wau moongolo sababu nonao̒ limongolio tohuta datahu u luasi daa̒ wau delita.

JABURU 23:5

Eeya lopodapato potihunggu ode olau̒ totalu lolaawaniu̒. Eeya lolutulo olau̒ odelo tamu huru-hurumati. Eeya lohinta olau̒ minuumani mopiohu ulaba-labaalo daata.

YESAYA 32:8

Bo taa u luuhuru budilio molanjana susuu-aliyaalo u luuhuru wau mohutu mao̒ u luuhuru olo.

YESAYA 58:7

Tayadelo ua̒alomu wolo taa u hipolaanga, tolimowalo tau-tauwalo tahe iloloihia to belemu. Wohiyalo pakeyangi totaa hilaalawa, wau diila mao̒ potoulia wutatumu tapalalu tulungiaalo.

MATIUSI 14:20

Timongolio ngoa̒amila lolamelo lobubuu-tuhulo mao̒. Lapatao̒ uito tahidudua̒ li Isa malo himoa̒a lebe lou̒ aalo boito; woluo mopulaa dulo kalanji hipolua.

TINGULI 11:15

wau huo̒yoto duo̒lo bibiahi mongoli. Ngoa̒amila ua̒alo upalaluo limongoli mamei dapato ode limongoli.

TINGULI 8:10

Timongoli mamolamela tunggula olulia lohilao, wau mosukuru ode Eeya Allahu Taa̒ala limongoli duo̒lo huta molomiodu uilohi-Lio mai olimongoli.”

RUT 2:13

Ti Rut lolametao̒, “Ti Paaa̒ mopiohe daa̒ to olaatia, eleponu watia diila motutuu-wauwa wolo tahipo kalajawa toli Paaa̒. Opiohu hilaa li Paaa̒ malo moo̒palonga hilaa lowatia.”

RUT 2:15

Lapatao̒ ti Rut luli lonao̒ mota lomuluto pale. Tou̒ tio malonao̒, tei Boas loloi̒ya mao̒ ode tahe pei̒ otoolalio, “Wonu tio momuluto pale umahi tihuuta, polulia mao̒. Diila mao̒ poo̒olita tio meaalo moingo olio. Opiohelio timongoli wolo sangaja momahutao̒ ngoi̒di-ngoi̒di monto umahi tihu-tihuuta boito, wau mopodulahu mola ode olio alihu pulutolio.”

RUT 2:18

Lapatao̒ tio lohualinga ode kota wolo lodelo tilapulo u pilulutio boito wau lopo biloheo̒ ode tiilo moluhengio ngoolo mao̒ daatalio u mapilulutio mai. Wau tio olo longohi mao̒ ode tiilo moluhengio boito ua̒alo udiila lowali piloo̒ pulitio tou̒ lolamelo.

BOHULO SEMUEL 17:17

Tou̒ dulahee tuwau tei Isai loloi̒ya mao̒ odelei Dauda, “Hamaawa mao̒ mopuulo kilo binte tilenehu wolo mopuulo botu roti botie, wau delowalo mota ode mongo hulangumu to pilo tikemawa lo suludadu.

BOHULO SEMUEL 25:18

Lapatao̒ ti Abigail hua̒a lohama mao̒ roti dulo hetuto, wau bututu lowalito mohelu duluo hipolua lotaluhu angguru, limo himba pilanggangi, mopulaa pitu lokilo pale tilinanga, ngohetuto pangge hungo lo angguru mohengu wau dulo hetuto kuukisi lo ara. Ngoa̒amilalo boito hediletohio toitaato kolodailio.