RUT 2:12 - KITABI HABARI MOPIOHE

¹² Pohileaala dua̒ Eeya momaalasi mai totoonulalo opiohumu. Pohileaala dua̒ tolimomu wolo u paatuti wohi mai lo Eeya, Allahu Taa̒ala lo Isirai̒lu ode olemu sababu yio̒ malonao̒ mai u lotiduo̒la to Olio!”

RUT 2:12 ပူးပေါင်းရင်းမြစ်များ

JABURU 17:8

Taalaalo mai watotia debo odelo botu lomato lo Eeya, tuua̒alo watotia towalungo polipio̒ Eeya

JABURU 19:11

Butoo̒ Eeya lebe ohalaga wolo hulawa tutu, lebe moolingo wolo hula lotiia̒ tutu.

JABURU 36:7

Opopiohu lo Eeya tilimimbulu molanggato debo odelo langgato hui̒du, wau oa̒adili lo Eeya debo odelo delomio lo auhe daa̒; manusia wau binatangi he tilaala lo Eeya, yaa Eeya.

JABURU 57:1

Duo̒lo diriheni lopolemboa̒ tamoolahua. Lodudua̒a lahu: Diila mao̒ pobinasaawa. Jaburu lei Dauda, tou̒ tio tilumetea̒ ode delomo gowa u lopoo̒ lamingo batanga lonto olei Saulu.

JABURU 58:11

Moo̒onto taa moleeto hukuu-maniyolo, taa juujuru motiwengahu, wau mongulo oa̒atio todelomo duhu lotaa lomaahe parenta.

JABURU 61:4

Sababu Eeyaalo tamoo-duo̒lawa olo watotia, biintengi u motoheto duo̒lo musu lowatotia.

JABURU 63:7

Tou̒ motibalata mola to tambati potuluhelo, watotia hemoe̒ela mola to Eeya; ilo-iloonua watotia helo tipoo̒oyo hemo mikiilangi mola to Eeya,

JABURU 91:4

Eeya mamolau̒bei olemu wolo polipi-I̒o, tilinggula yio̒ aamani todelomo wolungo Eeya; otatapu wau molotolo hilao lo Eeya debo odelo porisai u moduo̒lai olemu.

POHUMAYA 11:18

Ou̒untungi lotaa moleeto yito ou̒untungi u paaluti, ou̒untungi lotaa hipohutua u mopiohe yito ou̒untungi u tutuulio tutu.

POHUMAYA 23:18

alihu dulahumu momooli mowali pongakualo, wau halaapanimu diila mooli.

YEREMIA 31:16

Pohuheliyalo hiyongumu wau pohengua mao̒ ponumu! Diila palacuma tolopanimu upilohutu wolo tio̒opatea daa̒ ode mongo walau̒mu. Ode olemu mawoluo mai pahala, mongo walau̒mu mohualingai monto lipu lolaawani.

MATIUSI 23:37

“Yerusalemu, Yerusalemu! Mongo nabi pilatemu yila-yilateelo mao̒. Mongo utolia lo Allahu Taa̒ala hepilai̒mu lobotu tunggula yilate. Demaa poo̒ongolo Wau̒ ohilaa momuduo̒ ngoa̒amila tuango lipumu odelo tiilo maluo̒ modaha walai̒o to walungo polipii̒o, bo timongoli diila mohuto!

MATIUSI 5:12

Mongo nabi tahitumula tou̒ dipo-dipolulio mai limongoli maa ilalinayalio olo debo odelo uito. Potiwengahulo wau potisanangilo, sababu udaa̒ pahala tosologa upilopo dapato lo Allahu Taa̒ala olimongoli.”

MATIUSI 6:1

“Eelai mao̒, diila pohutua limongoli u pilopo wajibu lo agama totalu lotaa dadaata alihu oontonga lotau. Wonu timongoli mohutu u odito, yi timongoli diila tawohia lo Allahu Taa̒ala limongoli wuupa monto sologa.

LUKASI 6:35

Musiilio diila odito! Timongoli bolii̒o mao̒ musi motolia̒ngo musuumu wau mohutu u mopiohu toli mongolio. Timongoli musi mopobulotao̒, wau diila mao̒ pohalapu muli powalingolio mai. Wonu odito, wuupamu mau̒daa̒ wau timongoli mamowali mongo walao̒ Allahu Taa̒ala Taa Laba-labaalo molanggato. Sababu Allahu Taa̒ala mopiohe hilaa ode taa diila motota mongohi sukuru, wau ode taa moleeto olo.

KOLOSE 2:18

Diila mao̒ polulia batanga limongoli popoluhio lotaa u diila tio̒otutua motidupapa lobatanga wau tamolubo mamaa-lai̒katiyalo. Tau boito batingga wolo pipii-kilangilio tomimbihu dunia wau u tolomodu hemo pomangga-mangga bibii-bibiilohio,

2 TIMOTIUS 1:18

Wau otaawamu deu̒ to Epesus tio poo̒-poo̒daata lotulungi olau̒. Pohileaala dua̒ Eeya mopo bilohei odehu hilao olio todulahe Eeya momutoa̒i ngoilanggubu umati lomanusia.

2 TIMOTIUS 4:8

Wau masaatia wuupa lo ohohaama hemohima olau̒. To Dulahe Kiama, Eeya, Hakimu taa̒adili boito mamohudu mai wuupa boito olau̒, sababu wau̒ tumutumula lopiiohe wolo Allahu Taa̒ala. Wau diila bo wau̒ wambao̒ tamaa mololimo wuupa boito, bo olo ngoa̒amila tahi wimawa podudungga mai lo Eeya wolo hiwoloola daa̒.

IBRANI 11:26

Tei Musa molaasa deu̒ lebe ohalaga daa̒ u moo̒tapu polohina domi ti Olongia Tamoo-poa̒hua upilo danti mai lo Allahu Taa̒ala boito wolo moo̒tapu ngoa̒amila halata lipu lo Masiri, sababu tei Musa hemo halapu wuupa todulahe momooli.

IBRANI 11:6

Diila o iimani, diaaluo penu boli ngotaa mao̒ tamowali mopo sanangi hilaa lo Allahu Taa̒ala. Sababu tamonao̒ mai ode Allahu Taa̒ala musi palacaya deu̒ Allahu Taa̒ala woluo, wau deu̒ Allahu Taa̒ala momalasi mai totaa u hemololohe o-Lio.

IBRANI 6:10

Allahu Taa̒ala diila bo Allahu Taa̒ala tadiila aadili. Tio diila molipato wolo u kilalaja limongoli de o-Lio, wau tolia̒ngo upilo biloheo̒ limongoli o-Lio tou̒ lotulungi mongo wutato ngoi̒imani, omoo̒omolu wau botia.

RUT 1:16

Bo ti Rut lolametao̒, “Maama, diila mao̒ ahuli limaama watia mohualingo wau mololaa mao̒ oli Maama! Watia motohilaa modudua̒ oli Maama. Penu boli deu̒toonu ponao̒wa limaama, teto olo watia woluo. Penu boli tou̒toonu potibiluloa̒ limaama, teto olo watia ohilaa motibiluloa̒. Bangusa limaama, uito olo bangusa lowatia.

RUT 2:11

Tei Boas lolametao̒, “Wau̒ maloo̒ dungohu pasali lou̒ totoonulalo hitua-tuawua u pilohutumu ode tiilo moluhengumu anggadu dilemu yilate. Otaawau̒ deu̒ yio̒ malo lolaa mai mongo dulaa̒mu wau lipumu u odia mai wau motibiluloa̒ tewe wolo tau-tauwala tadiipo otaawamu.

RUT 2:13

Ti Rut lolametao̒, “Ti Paaa̒ mopiohe daa̒ to olaatia, eleponu watia diila motutuu-wauwa wolo tahipo kalajawa toli Paaa̒. Opiohu hilaa li Paaa̒ malo moo̒palonga hilaa lowatia.”

RUT 4:15

Moluhengumu taabua boito motolia̒nga daa̒ olemu. Tio malongohi mai olemu lebe lou̒ wolo u mowali wohi lowalao̒ mongo lolai̒ pitulota. Botia tio malongohi mai olo ngotaalio wombu talolai̒ olo olemu, tamaa mongohi sumangati bohu olemu, wau molaalao̒ olemu tou̒ yio̒ panggola mola.”

BOHULO SEMUEL 24:19

Ololeetuu̒ to olemu matilontulimu lou̒ mopiohu. To dulahee botie yio̒ malo poi̒laalo deu̒ yio̒ opatuju u mopiohe to olau̒, sababu yio̒ diila lomate olau̒ yila-yilateelo mao̒, eleponu Eeya malohudu mao̒ olau̒ ode olemu.

BOHULO SEMUEL 24:20

Molawata daa̒ tahingota-ngotaawa modunggaya wolo musulio bo piloluliilio mao̒ tumu tumulo! Oditolio, pohileaala dua̒ Eeya mobalakati mai olemu masababu huhuutumu u mopiohe ode olau̒ todulahee botie!