RUT 1:17 - KITABI HABARI MOPIOHE

¹⁷ Penu boli tou̒toonu opatea limaama, teto olo watia ohilaa mate wau lobungolio. Potala Eeya mohukuumani mai olaatia mobuhe-buhetolo mao̒, wonu watia ohilaa mobua̒ya woli Maama, ngopohia opopate u mopobua̒ya mao̒ olanto!”

RUT 1:17 ပူးပေါင်းရင်းမြစ်များ

OLUO LO SAMUEL 15:21

Bo tei Itai lolametao̒, “Taa Molamahu, domi Eeya tatumu-tumulo wau domi nyawa li Tuani lowatotia, penu boli deu̒toonu ponao̒wa li Tunai lowatotia, watotia mamodudua̒ olo, eleponu motaalua lo opopate.”

OLUO LO SAMUEL 19:13

Tei Dauda olo lopoa̒hu olimongolio moloi̒ya mao̒ odelei Amasa odie, “Diila maayio̒ ngaalaa̒au̒? Tumulalo mai botia wau̒ momuduo̒ olemu mowali eyaanggu lo suludaduu̒ mobuulota wolei Yoab. Bolo potala Allahu Taa̒ala momate mai olau̒ mate-mateelo mao̒ wonu sua̒li boito diila pohutuwou̒!”

OLUO LO SAMUEL 3:35

Ilo-ilolaanga tau-tauwalo helo tolopani momiyo olei Dauda alihu molamela penu bo ngoi̒di, bo tio lotadia, “Bolo potala Allahu Taa̒ala momate mai olo watotia mate-matelo mao̒, wonu watotia molamela tou̒ dulahee diipo tumolopa mota!”

OLUO LO SAMUEL 3:9

Lebe mopioheo̒ watotia motulungi olei Dauda, tidiyolo mao̒ Eeya malodanti mai olo watotia mamohama bele biluloa̒ saaha li olongia botie lonto olei Saul wau waliilio mola, lapatao̒ mamomudua̒a olei Dauda mowali olongia to ngoilanggubu Isirai̒lu wau Yehuda. Pohileaala dua̒ Allahu Taa̒ala momate mai olo watotia mate-mateelo mao̒, wonu diila ponao̒ lo watotia danti lo Allahu Taa̒ala odelei Dauda boito!”

BOHULO MONGO OLONGIA 13:31

Lapatao̒ uali nabi panggola boito ode mongo walai̒o, “Wonu bolo wau̒ mate, lobunga mao̒ wau̒ tokuubulu botie totili linabi boito.

BOHULO MONGO OLONGIA 19:2

Yi ti Isebel lolao mola habari botie odelei Elia, “Pohileaala dua̒ dedeewaalo mohukuumani mai, tumbao̒ momate-mateelo mao̒ olaatia, wonu loombu mola to saa̒ati debo odelo utie watia diila mopohutu mao̒ olanto odelo ito helo pohutu mao̒ tomongo nabi Baal.”

BOHULO MONGO OLONGIA 2:23

Lapatao̒ loloi̒ya odito malo tadia tei Salomo domi Eeya, “Huliaalo mai watia odungga laa̒anati lo Eeya, wonu diila mohukuumani mate olei Adonia sababu hihiilelio boito!

BOHULO MONGO OLONGIA 20:10

“Ti Olongia lamiaatia mamolao mai dadaata daa̒ suludadu u mopoa̒ntulu mao̒ kotamu, tilinggula peaahuo̒ monto tutuhio lo kotamu boito mapoo̒ pulito limongolio bintao̒lio bo wolo uluu̒ limongolio. Tio lotadia alihu dedeewaalo mohukuumani mai, tumbao̒ momate olio mate-mateelo mao̒, wonu tio diila mopohutu mao̒ sua̒li boito!”

OLUO MONGO OLONGIA 6:31

Ti Olongia longiibode, “Todulahee botie olo tei Elisa musi mate. Huliaalo mao̒ Allahu Taa̒ala mamo hukuumani mai olaatia mobuhe-buheetolo mao̒ wonu watia diila momate-mateelo mao̒ olei Elisa!”

JABURU 45:10

To wolota lo mongobua tahi pomayawa tobele biluloa̒ saaha li olongia woluo mongo puusili li olongia. To olowala lotambati huhuloa̒ li olongia tihu-tihulo dile li olongia wolo dadai hulawa tutu.

WUNGGULI LOMONGO RASULU 11:23

Wau tou̒ tei Barnabas leidungga mola odito, wau loo̒onto woloolo mola Allahu Taa̒ala lobalakati tau-tauwala boito, tio leengahe daa̒. Lapatao̒ pilohilelio alihu timongolio tio̒otutua tatapu wau molotolo hilao modungohe to Eeya wolo lealeaatu lohilaa limongolio.

WUNGGULI LOMONGO RASULU 20:24

Bo watia diila pandungi wolo tutumulo watia botie, asali watia mowali mopoo̒ lapato tuugasi upilo malacaya mai li Isa Eeya olaatia wau asali watia tatapu wau molotolo hilao tunggula mate u mopo loladu Habari Mopiohe boito pasali odehu hilaa lo Allahu Taa̒ala.

RUT 1:16

Bo ti Rut lolametao̒, “Maama, diila mao̒ ahuli limaama watia mohualingo wau mololaa mao̒ oli Maama! Watia motohilaa modudua̒ oli Maama. Penu boli deu̒toonu ponao̒wa limaama, teto olo watia woluo. Penu boli tou̒toonu potibiluloa̒ limaama, teto olo watia ohilaa motibiluloa̒. Bangusa limaama, uito olo bangusa lowatia.

RUT 4:15

Moluhengumu taabua boito motolia̒nga daa̒ olemu. Tio malongohi mai olemu lebe lou̒ wolo u mowali wohi lowalao̒ mongo lolai̒ pitulota. Botia tio malongohi mai olo ngotaalio wombu talolai̒ olo olemu, tamaa mongohi sumangati bohu olemu, wau molaalao̒ olemu tou̒ yio̒ panggola mola.”

BOHULO SEMUEL 14:44

Ualei Saul mao̒ olio, “Pohileaala dua̒ wau̒ hukuumanio mai lo Allahu Taa̒ala wonu yio̒ diila hukuu-maniyola mate, Yonatan!”

BOHULO SEMUEL 20:13

Wonu tio oniyati mopotopotala olemu, tantu mapoo̒taau̒ mai olemu olo alihu yio̒ moo̒ poa̒ahu batangamu. Pohileaala dua̒ Eeya momate mai olau̒ mate-mateelo mao̒ wonu sua̒li boito diila o pohutuwou̒. Pohileaala dua̒ Eeya motulungi mai olemu debo odelo tio matilulu-ngiaalio mai olo!

BOHULO SEMUEL 25:22

Bolo potala Allahu Taa̒ala momate mai olau̒ mate-mateelo mao̒ wonu bolo diila pateeu̒ mate-mateelo mao̒ ngoa̒amila mongo lolai̒ tawoluo mola teto tou̒ dulahee diipo mobutu mai!”

BOHULO SEMUEL 3:17

Tei Eli lohintu mao̒, “Wolo u piloo̒taa mai lo Eeya olemu? Wunggulia mai ngoa̒amilalo olau̒. Wonu woluo hitua-tuawua u huliomu, tantulo mao̒ yio̒ hukuumanio lo Allahu Taa̒ala.”