RUT 1:16 - KITABI HABARI MOPIOHE

¹⁶ Bo ti Rut lolametao̒, “Maama, diila mao̒ ahuli limaama watia mohualingo wau mololaa mao̒ oli Maama! Watia motohilaa modudua̒ oli Maama. Penu boli deu̒toonu ponao̒wa limaama, teto olo watia woluo. Penu boli tou̒toonu potibiluloa̒ limaama, teto olo watia ohilaa motibiluloa̒. Bangusa limaama, uito olo bangusa lowatia.

RUT 1:16 ပူးပေါင်းရင်းမြစ်များ

OLUO LO SAMUEL 15:21

Bo tei Itai lolametao̒, “Taa Molamahu, domi Eeya tatumu-tumulo wau domi nyawa li Tuani lowatotia, penu boli deu̒toonu ponao̒wa li Tunai lowatotia, watotia mamodudua̒ olo, eleponu motaalua lo opopate.”

JABURU 45:10

To wolota lo mongobua tahi pomayawa tobele biluloa̒ saaha li olongia woluo mongo puusili li olongia. To olowala lotambati huhuloa̒ li olongia tihu-tihulo dile li olongia wolo dadai hulawa tutu.

POHUMAYA 17:17

Sahabati ngota laito tatapu wau molotolo hilao to sahabati, bo ngotaalio lo wutato modudua̒ momanta usuusa.

YESAYA 14:1

Eeya mamomonu Isirai̒lu umati-Lio, wau muli molulaoto olimongolio mowali milikii-Lio. Eeya mamuli mopotambati olimongolio tolipu limongolio lohihilao. Tau deli mamonao̒ mai wau moheehea̒ woli mongolio.

DANIALI 2:47

Ti olongia loloi̒ya mao̒, “Otutu, Daniali, Allahu Taa̒alamu boito udaa̒ tutu to wolota lo totoonulalo Allahu Taa̒ala. Tio yito takawa-kawaasa tou̒ totoonulalo olongia, wau momuo̒ mai totoonulalo hitua-tuawua u milakusudu hetuuo̒lo. Otaawau̒ sua̒li boito sababu mailo mambowamu lotombangai boliilo hitua-tuawua u milakusudu hetuuo̒lo botie.”

DANIALI 3:29

Sababu uito wau̒ lomalentao̒ deu̒ timii̒du tau lonto bangusa, suku bangsua meaalo penu boli bahasa toonu wambai̒o, tamoloi̒ya u mohina to Allahu Taa̒ala tahe tuboo lei Sadrakh, Mesakh wolei Abednego, mao̒lo-olootolo wau belelio mapo lohubuwolo wau powaliyolo huntua lo tuode. Sababu diaaluo dewa tamowali mohutu wolo u mapilohutu lo Allahu Taa̒ala boito.”

DANIALI 4:37

Oditolio botia wau̒, Nebukadnejar, momuji, mopolaia̒ wau mopolamahu Olongia lo Sologa. Totoonulalo huhutuu-Lio otutu wau aadili, wau Tio mambo mopodupapa taa u motihutu sombongi.

HOSEA 13:4

Eeya lotahuda mai, “Wau̒ulo Eeya Allahu Taa̒alamu, talodelo olimongoli yilumualai lonto Masiri. Timongoli diila o Allahu Taa̒ala ngopohia Wau̒. Wau̒ulo tatuwa-tuwaulo tamoo-poa̒ahua olemu.

JAKARIA 8:23

To duduu-laheyaalo boito mopulu lota tadeli mamonao̒ mai ode ngotaalio lo Yahudi wau moloi̒ya, ‘Ami olo ohilaa opae̒eda debo odelo timongoli; sababu ami loo̒dungohe deu̒ Allahu Taa̒ala lobalakati olimongoli.’ ” Eeya Taa Laba-labaalo kawasa malo tahuda.

MATIUSI 8:19

Lapatao̒ ngotaalio guru lo agama lonao̒ mai ode o-Lio wau loloi̒ya, “Paaa̒ Guru, watia ohilaa modudua̒ li Paaa̒ boli ode utoonu!”

YAHYA 13:37

“Eeya, yilongola watotia diila mowali modudua̒ to Eeya botia?” yilintu mao̒ lei Petrus poli, “Watotia iloheela lohilao mate wolo Eeya!”

WUNGGULI LOMONGO RASULU 21:13

Bo tio lolametao̒, “Wolo hunalio Wutato humoyongo debo odelo utie tilinggula moo̒ aantulu hilaa lowatia? Watia madapa-dapato diila bo umola wau̒polio teto, bo penu boli mateelo mao̒ olo watia dapadapato sababu ti Isa Eeya.”

1 TESALONIKA 1:9

Ngoa̒amila tau boito hemobisala pasali woloolo mola timongoli lololimo olamiaatia tou̒ amiaatia omoo̒omolu lonao̒ mai ode limongoli. Timongolio helo bisala tomimbihu woloolo mola timongoli lololaa mao̒ totoonulalo balaahala wau lonao̒ mai ode Allahu Taa̒ala tuwa-tuwaulo tatumu-tumulo u motiwato to o-Lio.

YOSUA 24:18

Wau tou̒ ito tulumuwotai ode lipu botie, Eeya lopolahi taulo Amori tahi biluloa̒wa tewe. Oditolio, amiaatia ohilaa motiwato to Eeya, sababu Tioolo Allahu Taa̒alanto!”

WAHI 14:4

Timongolio boito tau-tauwalo tadebo hiberesia debo odelo tadiipo motota lo mongobua sababu diila loa̒awota wolo mongobua. Timongolio lodudua̒ Walao̒ Himba boito ode utoonulalo mao̒ ponao̒walio. Towolota lo ngoilanggubu umati lomanusia, timongoliolo tamaa yilopato odelo dewo u bohulio ode Allahu Taa̒ala wau ode Walao̒ Himba.

RUT 1:15

Yi malo loi̒ya ti Nao̒mi olio, “Rut, bilohilo! Wipahumu malo hualinga ode bangusaalio wau ode dedee-waalio. Ponao̒lo yio̒ olo, naa, dudui̒lo mota tio mohualingo!”

RUT 1:17

Penu boli tou̒toonu opatea limaama, teto olo watia ohilaa mate wau lobungolio. Potala Eeya mohukuumani mai olaatia mobuhe-buhetolo mao̒, wonu watia ohilaa mobua̒ya woli Maama, ngopohia opopate u mopobua̒ya mao̒ olanto!”

RUT 2:6

Manduru boito lolametao̒, “Tio taabua bangusa lo Moab taboheli leidungga mai woli Nao̒mi lonto lipu lo Moab.

RUT 4:15

Moluhengumu taabua boito motolia̒nga daa̒ olemu. Tio malongohi mai olemu lebe lou̒ wolo u mowali wohi lowalao̒ mongo lolai̒ pitulota. Botia tio malongohi mai olo ngotaalio wombu talolai̒ olo olemu, tamaa mongohi sumangati bohu olemu, wau molaalao̒ olemu tou̒ yio̒ panggola mola.”