ROMA 4:3 - KITABI HABARI MOPIOHE

³ Todelomo Kitabi tulatulade, “Tei Abraham palacaya to Allahu Taa̒ala, wau sababu opopalacayalio botie tio tilolimo lo Allahu Taa̒ala odelo taa u moe̒engahe hilaa lo Allahu Taa̒ala.”

ROMA 4:3 ပူးပေါင်းရင်းမြစ်များ

ILOOWALI 15:6

Tei Abram palacaya to Eeya, wau sababu uito Eeya lololimo olio odelo taa u moe̒engahe hilaa-Lio.

YAKOBUS 2:23

Uito lotuuu̒de wolo ayati lo Kitabi botie, “Tei Abraham palacaya to Allahu Taa̒ala, wau sababu iimanilio boito Allahu Taa̒ala lololimo olio odelo taa lohutu kahandaki lo Allahu Taa̒ala.” Uito sababuulio tei Abraham ilunte, “Sahabati lo Allahu Taa̒ala.”

ROMA 4:9

Wolo loi̒ya potisanangi tutu botie bo pilopo dulungo wambao̒ ode tahe lodudua̒ wuu̒du lotuuna? Meaalo olo ode tau-tauwalo tadiila helo dudua̒ wuu̒du lotuuna? Mailoi̒ya lami tou̒ dipolulio mai, deu̒ tei Abraham tilolimo Allahu Taa̒ala odelo taloo̒ sanangi hilaa-Lio, sababu tei Abraham palacaya to Allahu Taa̒ala.

ROMA 4:5

Bo woluo tadiila motiwunela tokela-kelalio lohihilao; tio mopo palacaya batangalio ode Allahu Taa̒ala tamoponasa mai tao̒dusa molopato monto totalalio. Dadaasari to palacayalio boitolo Allahu Taa̒ala mololimo tau boito odelo tamoo̒ sanangi hilaa lo Allahu Taa̒ala.

ROMA 4:11

Tio tiluunalio lapatio mao̒, wau tuunalio boito bo odelo tuoto deu̒ Allahu Taa̒ala malo lolimo olio odelo taloo̒ sanangi hilaa lo Allahu Taa̒ala, sababu palacaya to Allahu Taa̒ala. Tio tilolimo Allahu Taa̒ala tou̒ tio dipo lodudua̒ wuu̒du lotuuna. Wau tei Abraham lowali tiyamo delo pohuli lorohani ode ngoa̒amila taa palacaya to Allahu Taa̒ala, wau u sababuulio matilolimo Allahu Taa̒ala odelo taloo̒ sanangi hilaa-Lio, eleponu timongolio diila lodudua̒ wuu̒du lotuuna.

JABURU 106:31

Huhutu boito ilaanggapu odelo huhutu u mopiohu ode olio, wau toloe̒elalo u ohiheo-hiheolo mao̒.

ROMA 11:2

Diila! Allahu Taa̒ala diila lolapi umati-Lio tamaa tilulao-Tio tumulalo mai bohulio. Otaawa lo Mongo wutato wolo u tulatulade todelomo Kitabi tomimbihu olei Elia, tou̒ tio lopodulohu sua̒li lo Isirai̒lu ode Allahu Taa̒ala. Tei Elia loloi̒ya,

ROMA 10:11

Todelomo Kitabi tulatulade, “Taa palacaya diila tapo kikiio̒lio tohilao.”

ROMA 9:17

Sababu todelomo Kitabi tulatulade, “Allahu Taa̒ala lotahuda odeli olongia lo Masiri, Wau̒ mopowali olemu olongia wolo makusudu bo tuwau botie wambao̒, deu̒ito-yito alihu wolemu, Wau̒ mopo bilohei okokawasa-U̒ wau mohutu tanggulu-U̒ masa-masahulu to ngoilanggubu dunia.”

MARKUSI 12:10

Timongoli tantuulio malo pobaca ayati odie todelomo Kitabi, ‘Botu udiila ilopomakea lo papaa-niyaalo hudungu malowali botu ulaba-labaalo mopiohu.

YAKOBUS 4:5

Diila mao̒ polantobu deu̒ Kitabi lou̒ diila o alaasani moloi̒ya, “To delomo batangaanto Allahu Taa̒ala lopo tambati mai rohu umoo̒ohuu̒ otohilaalio.”

YESAYA 8:20

Tameta mao̒ odie, “Dungohilo pongaajali lo Eeya! Taa udiila mobisala motuhatawa wolo pongaajali boito, diila o halaapani.”

MATIUSI 20:9

Tulusi malonao̒ mai tahi pokalajawa tumulalo mao̒ tahelo kalaja lonto jamu lima lolaango. Timongolio ngota-ngota helo lolimo doi talaa̒ ngopita.