PILOTIMUA̒TA 9:28 - KITABI HABARI MOPIOHE

²⁸ Podua̒alo mola ode Eeya; malo eenggade dudutolo lami kalana bulonggodu wau didi esi botie. Wau̒ mamo poluli mao̒ olimongoli monao̒. Timongoli diilalo potibiluloa̒ tewe.”

PILOTIMUA̒TA 9:28 ပူးပေါင်းရင်းမြစ်များ

BOHULO MONGO OLONGIA 13:6

Lapatao̒ malo loi̒ya ti Olongia Yerobeam odeli nabi boito, “Tulungia mao̒ modua̒ mola ode Eeya Allahu Taa̒alaamu ode olau̒. Pohilea mola ponu-Lio u mopoo̒luli mai polotodu lo uluu̒uu̒!” Ti Nabi boito olo lodua̒ mola ode Eeya, lapatao̒ maloluli polotodu lo uluu̒ li olongia.

PILOTIMUA̒TA 10:17

Ambungua mai dusaau̒ u pee̒enta botie, wau podua̒alo mola ode Eeya Allahu Taa̒ala limongoli, alihu Tio momintaa̒ao̒ monto olau̒ hukuumani umoo̒pate botie.”

PILOTIMUA̒TA 10:24

Lapatao̒ ti olongia lei̒ tiangai olei Musa wau loloi̒ya mao̒, “Timongoli mowali monao̒lo moi̒baadati to Eeyaamu. Mongobua wau tau̒kekeei̒ mowali moduduo̒. Bo sapi, himba, wau batademu diila mao̒ deloa.”

PILOTIMUA̒TA 10:8

Yi tei Musa wolei Haruna luli pilei̒ tiangio mai lotaalua woli olongia. Uali olongia olimongolio, “Timongoli mowalilo monao̒ u moi̒baadati to Allahu Taa̒ala Eeyaamu. Bo tatoonu wambaio̒ towolota limongoli tamaa monao̒?”

PILOTIMUA̒TA 11:1

Eeya lotahuda odelei Musa, “Wau̒ mamuli mopowoluo mai baala tilahuo̒ tuwau odeli olongia lo Masiri wau ulipulio. Lapatao̒ uito, tio mamo pululi mao̒ olimongoli monao̒. Tumbao̒ timongoli ngoa̒amila maa polontulolio monteea.

PILOTIMUA̒TA 8:25

Lapatao̒ ti olongia malei̒ tiangai olei Musa wolei Haruna, tulusi loloi̒ya mao̒, “Ponao̒lo u mopodewo bake ode Allahu Taa̒ala limongoli, bo tolipu botie wambao̒.”

PILOTIMUA̒TA 8:28

Uali olongia, “Mopiohulo, maluasiya-U̒ mai timongoli monao̒ ode huta udatahu wau luasi udelita mopodewo bake ode Eeya, Allahu Taa̒ala limongoli, asali timongoli diila monao̒ molamingo. Eelai dua̒ailo mai wau̒!”

PILOTIMUA̒TA 8:4

Tutuu-mbiheyalo boito matumayango wau momia̒to olemu, ngoa̒amila tahidihuma pantungo lipu wau ulipu.’ ”

PILOTIMUA̒TA 8:8

Ti olongia lei̒ tiangai olei Musa wolei Haruna, wau loloi̒ya mao̒, “Podua̒alo mola ode Eeya alihu Tio mopodiaa̒a mao̒ tutuu-mbiheyalo botie, yi wau̒ mamongohi mai bangusaamu monao̒ u mopodewo bake ode Eeya.”

YEREMIA 21:2

“Pohileaalo mai potuhata monto Eeya ode olanto, sababu tei Nebukadnejar olongia lo Babel wolo pasuukanilio donggo hemomala kotaanto. Otanu Eeya mamo powoluo mai u moo̒linggolabu ode olanto, wau momakusao̒ olei Nebukadnejar mopotouli mota pasuukanilio.”

YIA̒APO 21:7

Lapatao̒ bangusa boito malo dudulao̒ odelei Musa wau loloi̒ya, “Amiaatia mailodusa sababu helobiihu to Eeya wau olemu. Podua̒alo mola ode Eeya alihu tutuu-liduwaalo botie mohalaheo̒ monto olami.” Yi tei Musa malodua̒ mao̒ tobangusa boito.

WUNGGULI LOMONGO RASULU 8:24

Lapatao̒ tei Simon loloi̒ya mao̒ odelei Petrus wolei Yahya, “Tulungia mai u mohile mola ode Eeya alihu diaaluo penu boli tuwau mao̒ u heloi̒ya lomongo wutato boito motoduo mai olaatia.”

BOHULO SEMUEL 12:19

Lapatao̒ malo loi̒ya timongolio odelei Semuel, “Tulungia mai, Paaa̒, podua̒alo mola duo̒lo olamiaatia botie ode Eeya Allahu Taa̒ala li Paaa̒, alihu amiaatia diila tamate. Botia amiaatia malongalati deu̒ ngopohia dusa lamiaatia omoo̒omolu, amiaatia maluli ilodusa sababu helohile olongia ngota.”