PILOTIMUA̒TA 9:22 - KITABI HABARI MOPIOHE

²² Lapatao̒ Eeya lotahuda odelei Musa, “Bintaa̒ mola uluu̒mu odeitaato, wau didi esi mamo tuhutai ode ngoilanggubu huta lo Masiri. Didi boito mamei dungga ode manusia, bibiahu wau totoonulalo pilomulo to halabolu.”

PILOTIMUA̒TA 9:22 ပူးပေါင်းရင်းမြစ်များ

PILOTIMUA̒TA 10:21

Eeya lotahuda odelei Musa, “Bintaaa̒ mola uluu̒mu odeitaato, yi huta lo Masiri mawanggube mai lo modio̒loma tutu.”

PILOTIMUA̒TA 7:19

Eeya lotahuda odelei Musa, “Ahulilo mao̒ tei Haruna mohama tunggudio wau momintaa̒a mola odeitaato lo ngoa̒amila dutulaa, wau u polibaya lo taluhu, kukuu-lamuwalo to Masiri. Taluhio mamowali duhu, wau to ngoilanggubu lipu mawoluo mai duhu, tumbao̒ todelomo dodoo-lomuwaalo ayu wau totoo-mbeyaalo botu.”

PILOTIMUA̒TA 8:16

Eeya lotahuda odelei Musa, “Ahuli mao̒ tei Haruna momolota mola huta wolo tunggudio, yi to ngoilanggubu lipu lo Masiri peaahuo̒ mamo bolio̒ mowali lamuo̒.”

PILOTIMUA̒TA 8:5

Eeya lotahuda odelei Musa, “Ahuli mao̒ tei Haruna mopowudu mola tunggudio odeitaato duduu-tulaalo, polibaya lo taluhu wau kukuu-lamuwalo alihu tutuu-mbiheyalo lumenetai wau mopoo̒polu huta lo Masiri.”

PILOTIMUA̒TA 9:21

Bo tawewo diila lomandungi poe̒ela boito wau helo lolaa mao̒ mongo wato wau bibiahi mongolio tohuta udatahu wau luasi.

YOSUA 10:11

Tou̒ tau-tauwalo Amori donggo hituhuta mola binggi lo hui̒dee boito sababu lopolahi batanga lonto suludadu lo Isirai̒lu, Eeya malo podehu mai didi esi u duduulaa̒ lonto hulungo ode yitaati mongolio ngohilayao̒ dalalo demola Ajeka. Tailate tilemba lodidi esi boito lebe dadaata daa̒ wolo upilate taulo Isirai̒lu yila-yilateelo mao̒.

WAHI 16:21

Didi daa̒ lo esi, u tinggai ngobuheeto limo lopuulo kilo garamu, lodehu mai lonto hulungo lolemba totau-tauwalo. Yi timongolio helo laa̒anati Allahu Taa̒ala sababu baala lodidi esi ulaba-labaalo daa̒ boito.