PILOTIMUA̒TA 9:17 - KITABI HABARI MOPIOHE

¹⁷ Eleponu odito, yio̒ debo donggo ohilao molanggato olo wau diila mohuto mongohi umati-U̒ monao̒.

PILOTIMUA̒TA 9:17 ပူးပေါင်းရင်းမြစ်များ

AYUBA 40:9

Wolo yio̒ molotolo debo odelo Wau̒? Tingga mowali sualamu moti-bulonggodu debo odelo suala-U̒?

AYUBA 9:4

Allahu Taa̒ala boito aaripu daa̒ wau okawasa; tatoonu tamoo̒ taahangi moluwali to Eeya?

PILOTIMUA̒TA 9:16

Bo timongoli hiluliya-U̒ mao̒ tumu-tumulo, alihu Wau̒ mowali mopo bilohei okokawasaa-U̒ to olemu, tilinggula tanggulu-U̒ mowali polu-polutuo̒ to ngoilanggubu dunia.

PILOTIMUA̒TA 9:18

Loombu dumodupo, to saaa̒ti u tutuuwauwa Wau̒ mamopo dungga mai didi esi u moo̒tihela hapato, debo odelo udiipo pee̒enta mao̒ helo toduo to Masiri tou̒ muloololio mai tunggula botia.

YESAYA 10:15

Bo Eeya lotahuda, “Tingga mowali bulingo mopomangga batanga totaa u mopomake olio? Wolo halahadi lebe ohuna wolo daa̒ taa u mopohuna olio? Diila ayu pongokoo̒ tamomintaa̒ tau, bo taulo tamomintaa̒ ayu pongokoo̒.”

YESAYA 26:11

Yaa Eeya, Eeya dapadapato mohukuumani mai musu lo Eeya, bo diila otaawa limongolio. Huliaalo mao̒ timongolio moolito daa moo̒onto ponu lo Eeya ode umati lo Eeya. Huliaalo mao̒ timongolio mopulito binasa lo hukuumani u pilodapato lo Eeya ode limongolio.

YESAYA 37:29

wau Wau̒ maloo̒ dungohe pasali lo oyiyingo wau osombongimu boito. Botia pilohuli-U̒ aito to wulingumu wau lesi to tunggilumu, alihu yio̒ dedeo̒o-U̒ mohualingo molibaya dalalo u pilolibayamu tou̒ odia mai.”

YESAYA 45:9

Matopotala taa u mobaatata wolo Talopowali olio; tio debo odelo ulongo moluwali taa u lohutu olio. Wolo huta modudangia mohintu to tamoohutua ulongo, “Yio̒ donggo hemongola?” Wolo ulongo mohile wolo moo̒ohuu̒ deu̒ tamoohutua olio diila o ahaliilio?

YEHESKIEL 28:6

Eeya Taa Laba-labaalo molanggato lotahuda mai, “Wuu Tirus, sababu yio̒ hemolantobu batangamu tutuuwauwa debo odelo Allahu Taa̒ala, yi Wau̒ mamolao suludadu deli talaba-labaalo palangi mai moluhu olemu. Timongolio mamo ngantulu ngoa̒amila odudaa̒ u malotapumu sababu hikimati wau pongototamu.

DANIALI 5:20

Bo tou̒ tio lowali sombongi, baaa̒ngiola wau parangiola, tio yilinggilio lonto tambati huhuloa̒ li olongia lo yilaidialio tilinggula tio iloolia lo odudaa̒alio.

WUNGGULI LOMONGO RASULU 12:23

Tou̒ boitolo malai̒kati lo Eeya lolambali olei Herodes, sababu tio diila mohulumati Allahu Taa̒ala. Tei Herodes iliilaa loluwanti tulusi yilate.

1 KORINTUS 10:22

Meaalo ito ohilaa mohutu to Eeya mohiihia? Wolo ito lebe molotolo wolo Eeya?