PILOTIMUA̒TA 9:15 - KITABI HABARI MOPIOHE

¹⁵ Humayaalio Wau̒ mohuto mohukuumani olemu wau ulipumu wolo ngongoto, tantuulo mao̒ timongoli mabilinasa sama-samaata.

PILOTIMUA̒TA 9:15 ပူးပေါင်းရင်းမြစ်များ

OLUO LO SAMUEL 7:23

To ngoilanggubu dunia diaaluo bangusa debo odelo bangusa lo Isirai̒lu. Bangusa lo Isirai̒lu tuwa-tuwaulio bangusa tamaa yilopatai lo Eeya lonto polowato u lowali umati-Mu lohihilao. Ngoa̒amila huhutu leidaa̒ wau moo̒linggolabu u pilohutu mai lo Eeya odeli mongolio, helohutu mao̒ tanggulo Eeya masa-masaahuru to ngoilanggubu dunia. Babaa-ngusawalo wewo wolo dedee-waalo limongolio mapilo polahi lo Eeya tou̒ umati-Mu lomaju helopaatea.

BOHULO MONGO OLONGIA 13:34

Huhutuulio u moleeto boito heloo̒ sababu waliilio mola tilopotala wau loa̒antulu sama-samaata.

OLUO MONGO OLONGIA 17:36

Pohurumatilo ola-U̒, Eeya, tamalodelo wau lopolualai olimongoli lonto Masiri wolo kawasa; poluboolo ola-U̒ wau podewowalo bake ode Olau̒.

OLUO MONGO OLONGIA 19:35

Tou̒ huilo boito Malai̒kati lo Eeya lonao̒ mai ode kema taulo Asyur, wau helomate yila yilateelo mao̒ ngohetuto walu lopulaa limo lolihu lota pajule. Loloombulio mola didimodupo mimii-lateyaalo limongolio bolo hipule-pulepeyalo mao̒.

PILOTIMUA̒TA 14:28

Taluhu deheto luli longuli mai wau malo lau̒ubeo̒ kakaa-letaalo, jojoo-kiyaalo, wau ngoa̒amila suludadu lo Masiri tahemo hilapita taulo Isirai̒lu ode huungo deheto, tilinggula timongolio ngoa̒amila yilate.

PILOTIMUA̒TA 3:20

Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 9:14

Pee̒enta botie Wau̒ mamopo dungga mai baala diila bo to tahidihuma pantungo lipu wau ulipu wambao̒, boto olemu olo alihu otaawamu mao̒ deu̒ diaaluo tamo ngilabotao̒ ola-U̒ to ngoilanggubu dunia.

PILOTIMUA̒TA 9:16

Bo timongoli hiluliya-U̒ mao̒ tumu-tumulo, alihu Wau̒ mowali mopo bilohei okokawasaa-U̒ to olemu, tilinggula tanggulu-U̒ mowali polu-polutuo̒ to ngoilanggubu dunia.

PILOTIMUA̒TA 9:3

Wau̒ mamopo dungga mai wembelo u moo̒tihela hapato to ngoa̒amila bibiahumu, wadala, kolodai, unta, sapi, himba wau batademu.

PILOTIMUA̒TA 9:6

Loloombulio mola Eeya helohutu mai debo odelo umaa tilahuda-Lio. Ngoa̒amila bibiahu bangusa lo Masiri yilate, bo monto bibiahu bangusa lo Isirai̒lu penu boli tuwau mao̒ diaaluo u yilate.

POHUMAYA 2:22

Bo taa moleeto wau odusa mapomahulo ode bulemengio lo Allahu Taa̒ala monto lipu boito, debo odelo huo̒yoto bilunggato monto huta.