PILOTIMUA̒TA 9:14 - KITABI HABARI MOPIOHE

¹⁴ Pee̒enta botie Wau̒ mamopo dungga mai baala diila bo to tahidihuma pantungo lipu wau ulipu wambao̒, boto olemu olo alihu otaawamu mao̒ deu̒ diaaluo tamo ngilabotao̒ ola-U̒ to ngoilanggubu dunia.

PILOTIMUA̒TA 9:14 ပူးပေါင်းရင်းမြစ်များ

OLUO LO SAMUEL 7:22

Eeya otutu udaa̒, yaa Eeya Allahu Taa̒ala! Bo Eeyaalo Allahu Taa̒ala, diaaluo tamo tutuuwauwa wolo Eeya. Aambunguolo otaawa lo mongowatotia sua̒li boito sababu mapiloo̒taa mai lo Eeya anggadu muloololio mai.

BOHULO MONGO OLONGIA 8:38

pohileaala dua̒ Eeya modungohe dua̒ limongolio. Wonu towolota umati lo Eeya Isirailu woluo uwolo suukali lohilao wau modua̒ mola ode Eeya sambela mopotalu mai lo uluu̒lio ode bele poi̒baadatialo botie,

BOHULO TAWARI 17:20

Bo Eeyaalo Allahu Taa̒ala, diaaluo tamo tutuuwauwa wolo Eeya. Otaawa lo mongowatotia sua̒li boito sababu mapiloo̒taa mai lo Eeya anggadu muloololio mai.

JABURU 86:8

Yaa Eeya, diaaluo pujaaa̒ni debo odelo Eeya, diaaluo tamohutu wolo u pilohutu mai lo Eeya.

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 8:10

Tametao̒ li olongia boito, “Podua̒alo mola ode olau̒ loombu.” Ualei Musa, “Watotia mamohutu mao̒ wolo upohile li Tuani lo watotia. Yi ti Tuani lo watotia mamotota mao̒ deu̒ diaaluo Allahu Taa̒ala wewo debo odelo Eeya, Allahu Taa̒ala lo mongowatotia.

PILOTIMUA̒TA 8:6

Yi tei Haruna malo powudu mola tunggudio odeitaato lo ngoa̒amila taluhu, tulusi tutuu-mbiheyalo yilumenetai lopoo̒polu lomola ngoilanggubu lipu.

PILOTIMUA̒TA 9:15

Humayaalio Wau̒ mohuto mohukuumani olemu wau ulipumu wolo ngongoto, tantuulo mao̒ timongoli mabilinasa sama-samaata.

YESAYA 45:5

Wau̒ulo Eeya, diaaluo wewolio, Wau̒ Allahu Taa̒ala Taa Laba-labaalo tuwau. Yio̒ mailohiya-U̒ tingolo, eleponu yio̒ diila moo̒onuhe ola-U̒.

YESAYA 46:9

Eelailo mola totoonulalo u lotoduo to jamani muloololio mai; akuilo deu̒ Wau̒ Allahu Taa̒ala, wau diaaluo wewolio, Wau̒ Allahu Taa̒ala, wau diaaluo tadebo odelo Wau̒.

YEREMIA 10:6

Eeya tamolamahu, Eeya diila obandingilio, tanggulo Eeya udaa̒ wau polupolu lo kawasa.

YEREMIA 10:7

Tatoonu humayaalio tadiila mohuto osaalea lo tumumulo to Eeya, olongia lo totoonulalo bangusa? Otutu, Eeya paatuti daa̒ hurumatiolo. Monto ngoa̒amila tamotota towolota lo babaa-ngusawalo wau monto ngoa̒amila mongo olongia limongolio, diaaluo penu boli ngotaa mao̒ tamowali potutuu-wauwola wolo batanga lo Eeya, yaa Eeya.

YEREMIA 19:8

Wau̒ mamopo dungga mai baala u moo̒tihela hapato ode yitaato kota botie tilinggula timii̒du taa u lumaodeo̒ teto maa ooheaalo wau timihela hapato.

DANIALI 5:21

Tio pilopolahi lonto ulipu lomanusia wau aakalilio lowali debo odelo aakali lo binatangi. Tio tilumumulo wolo kolodai lo oa̒ayua, yilongaa huo̒yota debo odelo sapi wau lotuluhe to tanalapa u huo̒huo̒o tilinggula bilata lo wambulo. Pulitio mao̒ tio lomasisi deu̒ Allahu Taa̒ala Taa Laba-labaalo molanggato okawasa to yilaidia lomanusia wau yilaidia boito yilohilio ode titaalo tita wambai̒o tatilulao-Tio.

IMAAMATI 26:18

Wonu lapatio mao̒ moo̒toduo ngoa̒amila hukuumani boito timongoli debo diipo olo modungohe ola-U̒, hukuumani limongoli maduhenga-U̒ mai poo̒opitu piu̒wa.

IMAAMATI 26:21

Wonu timongoli debo donggo tulusi moluwali ola-U̒ wau diila mohuto modungohe ola-U̒, yi hukuumani limongoli mamuli duhenga-U̒ mai poo̒opitu piu̒wa.

IMAAMATI 26:28

yi wolo muluka Wau̒ mamomate olimongoli, wau mohukuumani mai olimongoli poo̒opitu piu̒wa lebe mobuheetao̒ wolo umailaku mola.

MIKHA 6:13

Botia Wau̒ molumula molotaa̒ wau mongantulu olimongoli sababu duduu-saamu.

TINGULI 3:24

Yaa Eeyaa Taa Laba-labaalo molanggato, otaawa lowatotia deu̒ upilo bilohei lo Eeya olo watotia botie boheli debo odelo huhuu-tuwaalo Eeya uleidaa̒ wau moo̒linggolabe. Diaaa̒ ila wewo tohulungo meaalo todunia tadebo odelo Eeya u moo̒ hutu susuu-aliyaalo upolu-polutuo̒.

TINGULI 4:35

Ngoa̒amila boito pilobilohei lo Eeya ode limongoli u mopobukuti mao̒ deu̒ bo Eeya boito Allahu Taa̒ala, wau diaaluo taweewo.

WAHI 18:8

Sababu sua̒li boitolo, yi todelomo dulahio tuwau wambai̒o tio mao̒dungga mai lobaala – ngongoto, osuusa, wau polobiti. Wau tio mapobuwolio wolo tulu, sababu okawasaalo Eeya Allahu Taa̒ala tamo mutoo̒ olio boito.”

WAHI 22:18

Ode timii̒du taa u modungoheo̒ loloo-iyaala lo nubuwati todelomo buku botie, watia, Yahya u mopoe̒elai utie: wonu tau moduhengao̒ hitua-tuawua to loloo-iyaala lo nubuwati botie, yi Allahu Taa̒ala mamo duhengai hukuumani ode tau boito wolo babaa-lawaalo upilo bayahei todelomo buku botie.

BOHULO SEMUEL 4:8

Matopotala tutu! Tatoonu tamopoa̒ahu olanto monto dedeewaalo u molotola boito? Diila madedee-waalo boito olo tahe lomate yila-yilateelo mao̒ taulo Masiri to huta hungayo u luasi daa̒ muloololio mai?