PILOTIMUA̒TA 8:4 - KITABI HABARI MOPIOHE

⁴ Tutuu-mbiheyalo boito matumayango wau momia̒to olemu, ngoa̒amila tahidihuma pantungo lipu wau ulipu.’ ”

PILOTIMUA̒TA 8:4 ပူးပေါင်းရင်းမြစ်များ

BOHULO MONGO OLONGIA 13:6

Lapatao̒ malo loi̒ya ti Olongia Yerobeam odeli nabi boito, “Tulungia mao̒ modua̒ mola ode Eeya Allahu Taa̒alaamu ode olau̒. Pohilea mola ponu-Lio u mopoo̒luli mai polotodu lo uluu̒uu̒!” Ti Nabi boito olo lodua̒ mola ode Eeya, lapatao̒ maloluli polotodu lo uluu̒ li olongia.

JABURU 107:40

Eeya lopodupapa tahi kawaasawa limongolio, wau lopoa̒hu olimongolio helonao̒ ode utoonulalo mao̒ tohuta datahu wau diu̒to luasi udelita udiila odalaalio.

PILOTIMUA̒TA 10:17

Ambungua mai dusaau̒ u pee̒enta botie, wau podua̒alo mola ode Eeya Allahu Taa̒ala limongoli, alihu Tio momintaa̒ao̒ monto olau̒ hukuumani umoo̒pate botie.”

PILOTIMUA̒TA 8:24

Eeya helopo dungga mai lango u dadaata daa̒ ode bele biluloa̒ saaha li olongia wau ode bebee-leyaalo lo tahidihuma pantungo lipu. Ngoilanggubu lipu lo Masiri helo dutolaa daa̒ sababu lalaa-ngowaalo boito.

PILOTIMUA̒TA 8:3

Dutulaa Nil mamopolu mai wolo tumbihe, tilinggula bibii-natangiyala boito lumualai monto taluhu wau tumuwotai ode bele biluloa̒ saaha li olongiaamu, ode delomo huwali potuluhelo wau tambati potuluhemu, ode delomo bebee-leyaalo lo tahidihuma pantungo lipu wau ulipu, tumbao̒ ode delomo tambati pomanggangiyalo roti wau papaa-njiyaalo.

PILOTIMUA̒TA 8:5

Eeya lotahuda odelei Musa, “Ahuli mao̒ tei Haruna mopowudu mola tunggudio odeitaato duduu-tulaalo, polibaya lo taluhu wau kukuu-lamuwalo alihu tutuu-mbiheyalo lumenetai wau mopoo̒polu huta lo Masiri.”

PILOTIMUA̒TA 9:28

Podua̒alo mola ode Eeya; malo eenggade dudutolo lami kalana bulonggodu wau didi esi botie. Wau̒ mamo poluli mao̒ olimongoli monao̒. Timongoli diilalo potibiluloa̒ tewe.”

YESAYA 19:11

Otutu abaloolo mongo tau̒wa lokota Joan! Tau lo Masiri tamolinepo daa̒ mongohi nasehati to tamohulodu! Buheli tutu timongolio moloi̒ya odeli olongia deu̒ timongolio wali mai lotau-tauwalo molinepo wau mongo olongia to jamani muloololio mai daa̒!

YESAYA 19:22

Eeya mamomate bangusa lo Masiri, bo lapatio mao̒ Eeya mamo poo̒luli olimongolio. Timongolio mamuli mohualinga ode Eeya, wau Eeya mamodungohe dua̒ limongolio wau mopoo̒luli olimongolio.

YESAYA 23:9

Eeya Taa Laba-labaalo kawasa, Eeyaalo tamohama putuusani boito. Eeya lolantu u mopoo̒ pulito osombongi lo ulipulio to ngoa̒amila tilapulo u malotapu limongolio, wau mopodupapa tau-tauwala tahuru-hurumati to dunia.

DANIALI 4:37

Oditolio botia wau̒, Nebukadnejar, momuji, mopolaia̒ wau mopolamahu Olongia lo Sologa. Totoonulalo huhutuu-Lio otutu wau aadili, wau Tio mambo mopodupapa taa u motihutu sombongi.

YIA̒APO 21:7

Lapatao̒ bangusa boito malo dudulao̒ odelei Musa wau loloi̒ya, “Amiaatia mailodusa sababu helobiihu to Eeya wau olemu. Podua̒alo mola ode Eeya alihu tutuu-liduwaalo botie mohalaheo̒ monto olami.” Yi tei Musa malodua̒ mao̒ tobangusa boito.