PILOTIMUA̒TA 8:26 - KITABI HABARI MOPIOHE

²⁶ “Opiohelio diila,” tametao̒ lei Musa, “sababu taulo Masiri mamolaasa mongongoto lohilao wonu moo̒onto mao̒ dewo lamiaatia boito, wau tantuulo mao̒ amiaatia mapai̒yalio lobotu tunggula mate.

PILOTIMUA̒TA 8:26 ပူးပေါင်းရင်းမြစ်များ

ILOOWALI 43:32

Tei Yusu lolamela tomeja tuwau uwiwi-wiwi, wau mongo wutatio tomeja uwewo. Tau-tauwalo Masiri tawoluo teto lolamela tomeja uwewo poli, sababu timongolio molaasa hina wonu molamela pee̒-pee̒enta wolo taulo Ibrani.

ILOOWALI 46:34

polelea mao̒ olio deu̒ timongoli botie tamoo-laalawa bibiahe donggo kikiio̒lo mai, tutuuwauwa debo odelo loluuhuru limongoli. Lou̒ odito tio mamopoa̒hu olimongoli motibiluloa̒ tomadala Gosyen.” Tei Yusu loloi̒ya mao̒ sua̒li boito sababu taulo Masiri molaasa hina u moa̒awota wolo mongo diiti.

OLUO MONGO OLONGIA 23:13

Wau olo memees-bawaalo to wimbihu tiimuru lo Yerusalemu, to ambahu huliaalio lo Huludu Ololeeto hepilo najisilio. Memees-bawaalo boito hepilo tihuli Olongia Salomo u polubowalo dedeewaalo u moo̒jijio̒ – deu̒yito-yito Asytoret dewi bangusa lo Sidon, Kamos dewa bangusa lo Moab, wau Milkom dewa bangusa Amon.

ESRA 9:1

Lapatao̒ ngoa̒amila boito piloponao̒ dengolo lota tahimuloa ulipu bangusa lo Isirai̒lu lonao̒ mai ode olau̒. Timongolio lopoo̒taao̒ deu̒ ulipu lo Isirai̒lu, leituoto mongo iimamu, wau tau-tauwalo Lewi tadiila helo halahu lonto babaa-ngusawalo tahi biluloa̒wa totili mao̒ leeto, deu̒yito-yito bangusa lo Amon, Moab, Masiri, Kanaa̒n, Het, Peris, Yebus wau Amori. Tumbao̒ mongo iimamu wau tau-tauwalo Lewi helohutu odito olo. Timongolio ngoa̒amila helohutu toonula huhutu kootoro u hepilohutu lo babaa-ngusawalo boito.

PILOTIMUA̒TA 3:18

Umati-U̒ mamo dungohe loi̒yamu. Lapatao̒ yio̒ pee̒-pee̒enta wolo mongo tau̒wa lo Isirai̒lu musi monao̒ mola motaalua woli olongia lo Masiri wau moloi̒ya mao̒ olio: ‘Eeya, Allahu Taa̒ala taulo Ibrani malei dungga mai lopobilohe batanga to olamiaatia. Botia poluasia mai amiaatia monao̒ ngoilaminga tolo hui lononao̒ ode huta udatahu wau luasi udelita u mopodewo bake ode Eeya, Allahu Taa̒ala lamiaatia.’ ”

PILOTIMUA̒TA 8:8

Ti olongia lei̒ tiangai olei Musa wolei Haruna, wau loloi̒ya mao̒, “Podua̒alo mola ode Eeya alihu Tio mopodiaa̒a mao̒ tutuu-mbiheyalo botie, yi wau̒ mamongohi mai bangusaamu monao̒ u mopodewo bake ode Eeya.”

YESAYA 44:19

Tamoohutua bui̒ boito malo diila lomikiilangi mola, “Ayu boito ngotayade tilumbilau̒, wau dui̒tio pilomakeu̒ u lolapo roti wau lomanggangi tapu duo̒lo ua̒alou̒. Lapatao̒ labito ayu boito pilowaliu̒ bui̒. Oditolio botia wau̒ molubo ayu ngoputu!”