PILOTIMUA̒TA 8:15 - KITABI HABARI MOPIOHE

¹⁵ Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo Eeya, ti olongia diila mohuto momaduli loi̒ya lei Musa wolei Haruna.

PILOTIMUA̒TA 8:15 ပူးပေါင်းရင်းမြစ်များ

PILOTIMUA̒TA 14:5

Tou̒ ti olongia lo Masiri, loo̒dungohe deu̒ bangusa lo Isirai̒lu malolahi, tio wau tahidihima pantungo lipulio loleee̒ wau helo loi̒ya, “Wolo umapo hutuwonto? Yilongola hepilo lulinto tau-tauwalo Isirai̒lu boito lonao̒ tilinggula ito iloolio lomongo wato?”

PILOTIMUA̒TA 4:21

Eeya lotahuda mai odelei Musa, “Wau̒ malongohi mai kawasa to olemu u mohutu totoonulalo moo̒linggolabe. Oditolio de wonu yio̒ malo hualinga mola ode Masiri, pohutua mao̒ totoonulalo u moo̒linggolabe boito totalu li olongia lo Masiri. Bo Wau̒ mamohutu olio baa̒ngiyolo, tilinggula tio diila mohuto mongohi bangusa boito monao̒.

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

PILOTIMUA̒TA 8:14

Taulo Masiri helo himoa̒a pate lo tutuu-mbiheyalo boito dilumutu bolo hihuntu-huntualo mao̒ tilinggula ngoilanggubu lipu boboolo mohutodu.

PILOTIMUA̒TA 8:16

Eeya lotahuda odelei Musa, “Ahuli mao̒ tei Haruna momolota mola huta wolo tunggudio, yi to ngoilanggubu lipu lo Masiri peaahuo̒ mamo bolio̒ mowali lamuo̒.”

PILOTIMUA̒TA 8:28

Uali olongia, “Mopiohulo, maluasiya-U̒ mai timongoli monao̒ ode huta udatahu wau luasi udelita mopodewo bake ode Eeya, Allahu Taa̒ala limongoli, asali timongoli diila monao̒ molamingo. Eelai dua̒ailo mai wau̒!”

PILOTIMUA̒TA 8:29

Tametao̒ lei Musa, “Lapatio mao̒ watia monao̒, watia hua̒a modua̒ mola ode Eeya alihu loombu lalaa-muo̒waalo boito mololaa mao̒ oli Tuani lo watotia, tahidihuma pantungo lipu wau ulipu. Bo diila mao̒ pohimbulo olamiaatia poli, wau diila mao̒ pomubula to bangusa lo Isirai̒lu monao̒ u mopodewo bake ode Eeya.”

PILOTIMUA̒TA 8:32

Bo pee̒enta botie olo ti olongia debo baa̒ngiyolo wau diila lopoluasi bangusa boito lonao̒.

PILOTIMUA̒TA 8:8

Ti olongia lei̒ tiangai olei Musa wolei Haruna, wau loloi̒ya mao̒, “Podua̒alo mola ode Eeya alihu Tio mopodiaa̒a mao̒ tutuu-mbiheyalo botie, yi wau̒ mamongohi mai bangusaamu monao̒ u mopodewo bake ode Eeya.”

POHUMAYA 26:11

Debo odelo apula muli monguli ode tuo̒lio, odito olo taa mohulodu u monguli oohulodio.

POHUMAYA 29:1

Tatoonu taa tulusi baaa̒ngiolo wonu naseehatiyalo, tou̒ wakutu tuwau mamoa̒ntulu wau diilalo mowali poo̒piohulo.

TAMOO-HUTUBAWA 8:11

Yilongola odito gaambangi tau mohutu u moleeto? Sababu hukuumani diila hua̒a yilohi mai.

YESAYA 26:10

Penu boli taa moleeto pohutuolo wolo mopiohu, tio olo diila mopoo̒olaato wolo otutu. Penu boli tolipu lobutoo̒ olo tio mohutu diila juujulu, wau diila mohuto motolongaku kawasa lo Eeya.

HOSEA 6:4

Bo Eeya lotahuda mai, “Wuu Isirai̒lu wau Yehuda! Wau̒ musi mohutu mai wolo wolemu? Tolia̒ngumu daa̒ ola-U̒ hua̒a yilooli debo odelo heengo monto batawa ulaya-layango meaalo wambulo tou̒ dumodupo.

IBRANI 3:15

Uti-utieelo u tulatulade todelomo Kitabi, “Wonu todulahe botie timongoli modungohe suala lo Allahu Taa̒ala, timongoli diila mao̒ potibaa̒ngi, debo odelo loluhurumu, tou̒ timongolio lomalakala to Allahu Taa̒ala.”

IBRANI 3:8

timongoli diila mao̒ potibaa̒ngi, debo odelo loluhurumu, tou̒ timongolio lomalakala to Allahu Taa̒ala wau lotesi Allahu Taa̒ala tohuta hungayo u luasi daa̒.

WAHI 16:9

Manusia pilobu lopatulio ulaba-labaalo, wau timongolio helo laa̒anati tanggulo Allahu Taa̒ala, tao̒kawasa to babaa-lawaalo boito. Eleponu odito, timongolio diila lohuto lolilihu lonto duduu-sawaalo limongolio wau diila lohuto lomuji odudaa̒ lo Allahu Taa̒ala.

BOHULO SEMUEL 6:12

Sasaa-piyaalo boito lato lonao̒ ode mantahu Bet-Semes; binatangi boito mbolo-mboloo̒ sambela hinao̒wa tulusi, diila helo basepi ode oloihi meaalo ode olowala lonto dalala daa̒. Olimo lota olongia lo Pilistin helo duduo̒ tulusi demola sipatana lo Bet-Semes.

BOHULO SEMUEL 6:3

Lapatao̒ tametao̒ limongolio, “Bulua Daantia Allahu Taa̒ala lo Isirai̒lu boito diila mao̒ powalingonto bo odito wambai̒o, bo musi tunuhela lo paraseni u potolotalo dusa limongoli. Lou̒ odito timongoli mapoo̒luli lo Eeya, wau demaa otaawa mao̒ limongoli yilongola Allahu Taa̒ala lo Isirai̒lu boito mololaalaaita hemo hukuumani mai olimongoli.”

BOHULO SEMUEL 6:6

Wolo hunalio timongoli motibaaa̒ngi debo odelo olongia wau taulo Masiri muloololio mai? Diila mao̒ lipata woloolo mola Allahu Taa̒ala helopoi-poitohei olimongolio, tilinguula timongolio loliliihu wau taulo Isirai̒lu boito piloluli limongolio lololaa mao̒ Masiri.

BOHULO SEMUEL 6:9

Poo̒tuota mao̒ dalalio; wonu Bulua Daantia boito deloolio ode mantahu lipulio lohihilao, deu̒yito-yito kota Bet-Semes, uito boliilio deu̒ Allahu Taa̒ala taulo Isirai̒lulo tamalo podungga mai baala ulaba-labaalo boito ode olanto. Bo wonu goloba boito diila motidulunga mola odito, yi maa otaawanto deu̒ musiba boito diila monto Allahu Taa̒ala lo Isirai̒lu, bo lolaahunga mai wambai̒o.”