PILOTIMUA̒TA 8:14 - KITABI HABARI MOPIOHE

¹⁴ Taulo Masiri helo himoa̒a pate lo tutuu-mbiheyalo boito dilumutu bolo hihuntu-huntualo mao̒ tilinggula ngoilanggubu lipu boboolo mohutodu.

PILOTIMUA̒TA 8:14 ပူးပေါင်းရင်းမြစ်များ

BOHULO MONGO OLONGIA 18:26

Yi timongolio loluotao̒ sapi tuwau wau lopo dapato mao̒. Lapatao̒ uito timongolio malodua̒ ode Baa̒l tumulalo mao̒ dumodupo demola ngoputu lodulahu sambela hiwuwaatia̒, “Tameta mai ami, Baal!” Timongolio helohutu uito sambela tulusi hemongelu-ngelungo topalito mesba limongolio. Bo diaaluo totametio mai sama-samaata.

BOHULO MONGO OLONGIA 18:29

Odi-odieelo mola timongolio mololaalaaita tunggula lolaangio debo odelo tai̒lo tuanga lolati. Bo diaaluo talo lametai, diaaluo talo poo̒tuotao̒.

PILOTIMUA̒TA 7:21

Totoo-lawaalo todelomo dutulaa boito yilate wau boolio mohutode daa̒, tilinggula taulo Masiri diila mowali mongilu taluhu boito. To ngoilanggubu huta lo Masiri oduhu.

PILOTIMUA̒TA 8:13

Eeya malo dungohe hihiile lei Musa, wau tutuu-mbiheyalo uwoluo to bebeeleaalo, to papaa-ngowalo wau to hahaa-laboluwalo yilate ngoa̒amila.

PILOTIMUA̒TA 8:15

Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo Eeya, ti olongia diila mohuto momaduli loi̒ya lei Musa wolei Haruna.

PILOTIMUA̒TA 8:24

Eeya helopo dungga mai lango u dadaata daa̒ ode bele biluloa̒ saaha li olongia wau ode bebee-leyaalo lo tahidihuma pantungo lipu. Ngoilanggubu lipu lo Masiri helo dutolaa daa̒ sababu lalaa-ngowaalo boito.

PILOTIMUA̒TA 9:11

Tahi ahalia lo siihili diila mowali motaalua mao̒ wolei Musa kalana ngangaa-waa̒alo mao̒ limongolio polupolu lobohe debo odelo tau-tauwalo Masiri wewolio.

YESAYA 19:11

Otutu abaloolo mongo tau̒wa lokota Joan! Tau lo Masiri tamolinepo daa̒ mongohi nasehati to tamohulodu! Buheli tutu timongolio moloi̒ya odeli olongia deu̒ timongolio wali mai lotau-tauwalo molinepo wau mongo olongia to jamani muloololio mai daa̒!

YESAYA 34:2

Eeya muluka to ngoa̒amila bangusa wau totoonulalo pasuukani limongolio.

YEHESKIEL 39:11

Eeya lotahuda mai, “Wonubolo ngoa̒amila boito motoduo mai, Wau̒ mamohudu mai odelei Gog huta polobungalo to Isirai̒lu to Lumbaya Pobalangalo u dudutuulio to ambahu tiimuru lo Lau Mati. Teteetolo tei Gog wau ngoa̒amila suludadulio malobungolo, wau lumbaya boito mau̒nteelio ‘Lumbaya Pasuukani lo Gog’.

YOEL 2:20

Pasuukani lobulita monto tilayo mahuhuuwo-U̒, ngotayadu lanengo-U̒ ode huta ohungayo u luasi daa̒. Ode Lau Mati wuntula-U̒ baliisani totalulio, ode Lau Tenga potouli-U̒ baliisani to wulealio. Mimii-lateelio mamoboolo. Timongolio pobinasaa-U̒ sababu malo posikisa olimongoli.