PILOTIMUA̒TA 7:5 - KITABI HABARI MOPIOHE

⁵ Yi taulo Masiri mamotota mao̒ deu̒ Wau̒ botie Eeya, tou̒ Wau̒ mohukuumani mai olimongolio wau modelo Isirai̒lu lumualao̒ monto lipu limongolio.”

PILOTIMUA̒TA 7:5 ပူးပေါင်းရင်းမြစ်များ

JABURU 138:7

Tou̒ watotia ilodungga lou̒ suusa, Eeya helo miintengi tutumulo watotia. Eeya loluwali musu lo watotia tadonggo hemoluhu wolo neekati wau pilopoa̒ahu lo Eeya watotia wolo kawasa lo Eeya.

JABURU 9:16

Babaa-ngusawalo tadiila motota lo Eeya modehu ode delomo huango u ilau̒de limongolio lohihilao; timongolio otaala todelomo pajala limongolio lohihilao.

PILOTIMUA̒TA 10:2

wau alihu yio̒ moo̒ wungguli mao̒ towalao̒ wau wombumu woloolo mola Wau̒ mopoitohe bangusa lo Masiri wolo u moo̒linggolabe boito. Yi timongoli mamotota mao̒ deu̒ Wau̒lo Eeya.”

PILOTIMUA̒TA 10:7

Malo loi̒ya tahidihuma pantungo lipu odeli olongia, “Tunggula omolua tau boito musi mopoo̒suusu olanto? Poluliyalo mao̒ ngoa̒amila bangusa lo Isirai̒lu boito monao̒ u moi̒baadati ode Eeya, Allahu Taa̒ala limongolio. Bilohilo lipunto botie malo aantulu!”

PILOTIMUA̒TA 14:18

Yi taulo Masiri mamotota mao̒ deu̒ Wau̒lo Eeya.”

PILOTIMUA̒TA 14:4

Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.

PILOTIMUA̒TA 18:8

Tei Musa helo hungguli mao̒ ode tiyamo moluhengio totoonulalo upilohutu lo Eeya odeli olongia wau bangusa lo Masiri u lopoa̒ahu taulo Isirai̒lu. Tio olo lohungguli mao̒ olio pasali totoonulalo loe̒epita utilalua lo bangusa Isirai̒lu tohuungo dalalo, wau woloolo mola Eeya helo poa̒ahu mao̒ olimongolio.

PILOTIMUA̒TA 3:20

Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 6:1

Allahu Taa̒ala lotahuda mao̒ odelei Musa, tahudaa-Lio, “Wau̒lo Eeya.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 7:17

Sababu uito, Eeya lotahuda mai odie, ‘Monto wolo u de pohutuwo-U̒ mai, yio̒ mamotota mao̒ deu̒ Wau̒lo Eeya. Wolo tunggudu botie wau̒ mamo humbadeo̒ tudu lotaluhu dutulaa, wau taluhio mamobolio̒ mowali duhu.

PILOTIMUA̒TA 8:10

Tametao̒ li olongia boito, “Podua̒alo mola ode olau̒ loombu.” Ualei Musa, “Watotia mamohutu mao̒ wolo upohile li Tuani lo watotia. Yi ti Tuani lo watotia mamotota mao̒ deu̒ diaaluo Allahu Taa̒ala wewo debo odelo Eeya, Allahu Taa̒ala lo mongowatotia.

PILOTIMUA̒TA 8:19

tilinggula tahi ahalia losihili malo loi̒ya odeli olongia, “Utie huhutu lo Allahu Taa̒ala.” Bo ti olongia boito baa̒ngiyolo, wau debo odelo u matilahuda lo Eeya, ti olongia boito diila mohuto momandungi loi̒ya lei Musa wolei Haruna.

PILOTIMUA̒TA 8:22

Bo Wau̒ mamohutu mai ngopohia mao̒ lipu lo Gosyen, tambati upilo tibiluloa̒ lo umati-U̒. Mola teto diila tao̒lango, alihu otaawa mao̒ limongoli deu̒ Wau̒, Eeya, talohutu mai uito.

YEHESKIEL 25:17

Wau̒ mamo hukuumani mai olimongolio wolo mobuheeta daa̒ wau molopatai niyati-U̒ tunggula olulia lohilao. Wonu timongolio molaasa mao̒ omulukaa-U̒, mao̒taawa mao̒ limongolio deu̒ Wau̒ulo Eeya.”

YEHESKIEL 28:22

Potunggula mao̒ ode ulipulio, deu̒ Wau̒ Eeya Taa Laba-labaalo molanggato lotahuda mai ode limongolio, ‘Wau̒ botie musuumu, wuu Sidon. Tau-tauwalo mamomuji ola-U̒ sababu huhutuu-U̒ ode olemu. Tou̒ Wau̒ mohukuumani mai ulipumu, mao̒taawa mao̒ limongolio deu̒ Wau̒ulo Eeya tamantali.

YEHESKIEL 32:15

Wonu bolo Masiri powaliyo-U̒ huta luasi u delita wau moliilo, boli pobinasaa-U̒ ngoa̒amila tahi biluloa̒wa teto, yi mao̒taawa mao̒ limongolio deu̒ Wau̒ulo Eeya.

YEHESKIEL 36:23

Wau̒ mamopo bilohei omantali lo tanggulu-U̒ u udaa̒ boito, tanggulo u mapilopo kootolo limongoli to huungo babaa-ngusawalo, yi bolo otaawalo limongoli deu̒ Wau̒ Eeya. Wau̒, Eeya Taa Laba-labaalo molanggato malo tahuda mai. Wau̒ mamomake olimongoli u mopobiloheo̒ ode babaa-ngusawalo deu̒ Wau̒ botie mantali, Eeya Taa Laba-labaalo mantali.

YEHESKIEL 39:22

Tumulalo mao̒ tou̒ boito taulo Isirai̒lu mamotota deu̒ Wau̒ulo Eeya Allahu Taa̒ala limongolio.

YEHESKIEL 39:7

Bo to huungo taulo Isirai̒lu, mapoi̒laalo-U̒ mai tanggulu-U̒ u mantali, wau tanggulu-U̒ boito diilalo pokootoloolio. Yi bolo otaawalo mao̒ lo babaa-ngusawalo deu̒ Wau̒ulo Eeya, Allahu Taa̒ala u tamantali monto Isirai̒lu.”