PILOTIMUA̒TA 7:23 - KITABI HABARI MOPIOHE

²³ Tumbao̒ tio bo lohualinga mota ode bele biluloa̒ saaha li olongia lou̒ diila lomandungi penu boli ngoi̒di mao̒ ulotoduo boito.

PILOTIMUA̒TA 7:23 ပူးပေါင်းရင်းမြစ်များ

AYUBA 7:17

Yilongola manusia odito polohuna daa̒ to Eeya? Yilongola huhutuulio laito hepoo̒ tuotai lo Eeya?

JABURU 62:10

Manusia bo ngohiipo napasi, udaa̒ kikiio̒ tutuuwauwa diila ohalaga. Wonu timengoolo, timongolio mopatato moheelo, lebe moheelao̒ wolo ngopohiipo lo napasi.

PILOTIMUA̒TA 7:22

Bo tahi ahalia sihili lo Masiri helohutu odito olo wolo ilimi losihili limongolio, tilinggula ti olongia debo baa̒ngiyolo. Debo odelo u matilahuda mao̒ lo Eeya, ti olongia diila mohuto modungohe olei Musa wolei Haruna.

PILOTIMUA̒TA 7:24

Ngoa̒amila taulo Masiri longau̒dee huango to ngohilayaa̒ biihu dutulaa u mololohe taluhu yilumolo, sababu taluhu dutulaa boito diila mowali yilumolo.

PILOTIMUA̒TA 9:20

Dengolo lota towolota lo tahidihuma pantungo lipu moohe to tahuda lo Eeya. Timongolio helodelo mongo wato wau bibiahu limongolio tilumuwoto ode delomo bele alihu meililungo.

PILOTIMUA̒TA 9:21

Bo tawewo diila lomandungi poe̒ela boito wau helo lolaa mao̒ mongo wato wau bibiahi mongolio tohuta udatahu wau luasi.

POHUMAYA 22:17

Dungohilo, wau̒ mamo ngaajali mai olemu nasehati lotaa molinepo! Poo̒tuota mao̒ pongaajaliu̒.

POHUMAYA 24:32

Lapatao̒ piloo̒ tuotuu̒ wau wau̒ lotipoo̒yo wau lomikiilangi mola sua̒li boito, yi lotapuu̒ mai pongaajali botie:

POHUMAYA 28:14

Pohurumatilo Eeya laito, yi yio̒ masanangi tutu. Wonu yio̒ moluwali to Eeya, yio̒ moo̒toduo topotala.

POHUMAYA 29:1

Tatoonu taa tulusi baaa̒ngiolo wonu naseehatiyalo, tou̒ wakutu tuwau mamoa̒ntulu wau diilalo mowali poo̒piohulo.

YESAYA 26:11

Yaa Eeya, Eeya dapadapato mohukuumani mai musu lo Eeya, bo diila otaawa limongolio. Huliaalo mao̒ timongolio moolito daa moo̒onto ponu lo Eeya ode umati lo Eeya. Huliaalo mao̒ timongolio mopulito binasa lo hukuumani u pilodapato lo Eeya ode limongolio.

YESAYA 47:7

Yio̒ molantobu mamowali olongia taabua ohiheo-hiheolo mao̒, diila mongalati meaambo momikiilangi mola pulitio mao̒.

YEREMIA 36:24

Eleponu tei Elnatan, Delaya, wau tei Gemarya helo molohone daa̒ alihu ti olongia diila mao̒ momobu lilibu buku boito, tio debo diila lohuto lodungohe olimongolio. Mopio ti olongia boli tahidihuma pantungo lo pamalenta taloo̒ dungohe tuango buku boito diila lowali yiloohe meaalo lopobilohe ololee̒e limongolio.

YEREMIA 5:3

Tutuulio tutu u pohile lo Eeya wolo moo̒ohuu̒ yito otatapu wau molotolo hilao. Eeya helomate mai olimongoli bo timongoli diila pandungi. Eeya lopotoyopu mai olimongoli, bo timongoli diila mohuto aajaliyolo. Timongoli baaa̒ngiola, wau diila mohuto molilihu monto duduu-sawaalo limongoli.

YEHESKIEL 40:4

Talolai̒ boito loloi̒ya odelaatia, “Wuu manusia panaa, dungohilo mopio-piohuulo mao̒ wau poo̒tuotilo totoonulalo hitua-tuawua u pobilohuu̒ mai olemu, sababu woleetolo olo yio̒ dilelo mai odia. Poo̒taalo mao̒ ode bangusa lo Isirai̒lu ngoa̒amila umaa oontongamu.”

HABAKU 1:5

Lapatao̒ Eeya lotahuda mai ode umati-Lio, “Poo̒tuoti mao̒ babaa-ngusawalo totilimu, yi timongoli mamo linggolabe wau meitontongo. Sababu to jamanimu Wau̒ mamohutu mao̒ hitua-tuawua, udiila palacayawa limongoli wonu bo silitaalo olimongoli.

MALEAKHI 2:2

Pohulumatilo to Olau̒ wolo huhutuumu. Wonu timongoli diila mohuto modungohe tahudaa-U̒, timongoli malaa̒natiya-U̒. Ngoa̒amilalo u tilolimo limongoli odelo lijiki mamobolio̒ mowali laa̒nati. Tutuulio tutu, ngoa̒amila u mopiohe boito mailana̒aati-U̒, sababu timongolio diila lomandungi palentaa-U̒.

TINGULI 32:46

tei Musa loloi̒ya mao̒, “Poo̒tuotalo ngoa̒amila palenta uilohi mai lowatia ode limongoli todulahee botie. Pongaajalia mao̒ tomongo walai̒ mongoli, alihu timongolio wolo tatapu wau molotolo hilao moponao̒ ngoa̒amila butoo̒ lo Eeya.

BOHULO SEMUEL 4:20

Tou̒ tio mameembideo̒ mate, mongobua tahe lotulungi olio loloi̒ya mao̒, “Poo̒lotola mola hilaamu! Walau̒mu talolai̒!” Bo tio diila lolameto meaalo lopoo̒tuoto olimongolio.