PILOTIMUA̒TA 7:22 - KITABI HABARI MOPIOHE

²² Bo tahi ahalia sihili lo Masiri helohutu odito olo wolo ilimi losihili limongolio, tilinggula ti olongia debo baa̒ngiyolo. Debo odelo u matilahuda mao̒ lo Eeya, ti olongia diila mohuto modungohe olei Musa wolei Haruna.

PILOTIMUA̒TA 7:22 ပူးပေါင်းရင်းမြစ်များ

ILOOWALI 41:8

Didimodupio mola ti olongia malolaasa balisa, sababu uito pilei̒ tiangio mai ngoa̒amila tamoo-siihiria wau tahi o ilimua to Masiri. Lapatao̒ sililitaalio mao̒ tohiilopio ode limongolio, bo diaaluo penu boli ngotaa mao̒ taloo̒ tombangao̒ boliilio.

PILOTIMUA̒TA 7:11

Kalana uito ti olongia olo malei̒ tiangai tau-taulio o ilimia wau tahi ahalia lo sihililio, tulusi timongolio helohutu mao̒ odito olo wolo ilimi lo sihili limongolio.

PILOTIMUA̒TA 7:13

Eleponu odito ti olongia debo baa̒ngiyolo wau diila mohuto momandungi loi̒ya lei Musa wolei Haruna, debo odelo u matilahuda lo Eeya.

PILOTIMUA̒TA 7:21

Totoo-lawaalo todelomo dutulaa boito yilate wau boolio mohutode daa̒, tilinggula taulo Masiri diila mowali mongilu taluhu boito. To ngoilanggubu huta lo Masiri oduhu.

PILOTIMUA̒TA 7:23

Tumbao̒ tio bo lohualinga mota ode bele biluloa̒ saaha li olongia lou̒ diila lomandungi penu boli ngoi̒di mao̒ ulotoduo boito.

YEREMIA 27:18

Wonu timongoli memangi otutu nabi, wau malo lolimo tahuli lonto ola-U̒, tantuulo mao̒ timongoli botia mei̒ tuulungi mai ola-U̒, Eeya Taa Laba-labaalo kawasa, alihu babaa-langiyalo udonggo woluo to Bele-U̒ wau tobele biluloa̒ saaha li olongia to Yerusalemu diila bintao̒lio mota ode Babel.

2 TIMOTIUS 3:8

Odelo woloololio mola tei Yanes wolei Yambres loluwali olei Musa tou̒ muloololio mai, odito olo tau-tauwala boito moluwali pongaajali lo Allahu Taa̒ala. Pikiilangi limongolio maloluusa, wau iimani limongolio malo ahumo.