PILOTIMUA̒TA 7:20 - KITABI HABARI MOPIOHE

²⁰ Tei Musa wolei Haruna helohutu mao̒ wolo u pilomalenta lo Eeya. Totalu li olongia wau mongo pogaweelio, tei Haruna lomintaa̒a mola tunggudio wau lohumbadeo̒ taluhu lo Dutulaa Nil, yi taluhio lobolia̒i lowali duhu.

PILOTIMUA̒TA 7:20 ပူးပေါင်းရင်းမြစ်များ

OLUO MONGO OLONGIA 4:29

Tei Elisa loili mao̒ odelei Gehasi lapatao̒ loloi̒ya, “Aliheo̒! Hamaawa mao̒ tungguduu̒ wau lato ponao̒lo ode bele li Ibu botie. Diila mao̒ pohuheli mongohi salamu penu boli olo tatoonu taa odunggaamu todalalo. Wonu taa mongohi salamu olemu, diila mao̒ poboyu u momaalasi salamulio. Tou̒ meidungga mota, hua̒a podutua tungguduu̒ towawaao̒ lowalao̒ boito.”

JABURU 105:29

Dutulaa limongolio bilolio̒ Eeya lowali duhu, tilinggula ngoa̒amila uponulalio lopoowate.

JABURU 78:44

Duduu-tulaalo limongolio bilolio̒ Eeya lowali duhu, tilinggula timongolio diila loo̒ yilu taluhio.

PILOTIMUA̒TA 4:9

Wonu timongolio debo diipo olo mohuto palacaya to olemu eleponu maloo̒onto oluo lou̒ moo̒linggolabe botie, wau timongolio diila mohuto momandungi loi̒yamu, hamawa mao̒ taluhu ngoi̒di lonto dutulaa Nil wau huwata mola ode huta. Taluhu boito mamobolio̒ mowali duhu.”

PILOTIMUA̒TA 7:10

Yi malonao̒lo tei Musa wolei Haruna mola lotaalua woli olongia wau timongolio helohutu mao̒ wolo upilo malenta lo Allahu Taa̒ala. Tei Haruna lopo mahula mola tunggudio ode huta totalu li olongia wau mongo poweelio, lapatao̒ tunggudu boito lobolio̒ lowali tulidu.

PILOTIMUA̒TA 7:21

Totoo-lawaalo todelomo dutulaa boito yilate wau boolio mohutode daa̒, tilinggula taulo Masiri diila mowali mongilu taluhu boito. To ngoilanggubu huta lo Masiri oduhu.

PILOTIMUA̒TA 7:6

Tei Musa wolei Haruna helohutu mao̒ wolo u pilomalenta lo Eeya.

HABAKU 3:8

Yaa Eeya, wolo bo sababu deheto Eeya lomuluka daa̒? Wolo bo sababu duduu-tulaalo ulohutu Eeya lomukula? Tilae̒ya lo Eeya heengo odelo wadala wau kaleta lo popaatea, tou̒ umati lo Eeya yilohia lo Eeya ohohaama.

WAHI 8:8

Lapatao̒ malai̒kati oluolio lohiipo torompetilio, yi hitua-tuawua uleidaa̒ tutu u oontonga debo odelo hui̒de ulei̒-lei̒ta pilomahulio mola ode delomo deheto. Ngotayade totolu lodeheto lobolio̒lo mola lowali duhu,