PILOTIMUA̒TA 7:19 - KITABI HABARI MOPIOHE

¹⁹ Eeya lotahuda odelei Musa, “Ahulilo mao̒ tei Haruna mohama tunggudio wau momintaa̒a mola odeitaato lo ngoa̒amila dutulaa, wau u polibaya lo taluhu, kukuu-lamuwalo to Masiri. Taluhio mamowali duhu, wau to ngoilanggubu lipu mawoluo mai duhu, tumbao̒ todelomo dodoo-lomuwaalo ayu wau totoo-mbeyaalo botu.”

PILOTIMUA̒TA 7:19 ပူးပေါင်းရင်းမြစ်များ

ILOOWALI 1:10

Allahu Taa̒ala lolanggula huta boito “Tudulio”, wau yimoi̒o lo taluhu boito tilanggula-Lio “Deheto”. Wau Allahu Taa̒ala sanangi loo̒onto sua̒li boito.

OLUO MONGO OLONGIA 4:29

Tei Elisa loili mao̒ odelei Gehasi lapatao̒ loloi̒ya, “Aliheo̒! Hamaawa mao̒ tungguduu̒ wau lato ponao̒lo ode bele li Ibu botie. Diila mao̒ pohuheli mongohi salamu penu boli olo tatoonu taa odunggaamu todalalo. Wonu taa mongohi salamu olemu, diila mao̒ poboyu u momaalasi salamulio. Tou̒ meidungga mota, hua̒a podutua tungguduu̒ towawaao̒ lowalao̒ boito.”

PILOTIMUA̒TA 10:12

Lapatao̒ Eeya lotahuda odelei Musa, “Bintaaa̒ mola uluu̒mu odeitaato huta lo Masiri. Bubuu-litaalo maa tumombotai wau mongaa totoonulalo pilomulo u donggo olabitio lapatio mao̒ didi esi.”

PILOTIMUA̒TA 10:21

Eeya lotahuda odelei Musa, “Bintaaa̒ mola uluu̒mu odeitaato, yi huta lo Masiri mawanggube mai lo modio̒loma tutu.”

PILOTIMUA̒TA 14:16

Bintaaa̒ mola tunggudumu wau pohayaa̒ mota odeitaato deheto. Yi taluhu mamobutao̒ duluo wau taulo Isirai̒lu mowali mobalango deheto lou̒ monao̒ totudu lou̒ mohengu.

PILOTIMUA̒TA 14:21

Lapatao̒ tei Musa lomintaaa̒ mola uluu̒lio odeitaato deheto, wau Eeya lohutu mai dupoto tiimuru lohiipa loo̒ohuu̒ daa̒ tilinggula taluhu deheto tilumouli. Ilo-iloonua dupoto boito hihiipo, wau lomolio̒ deheto lowali lohengu.

PILOTIMUA̒TA 14:26

Tahuda lo Eeya odelei Musa, “Bintaaa̒ mola uluu̒mu odeitaato deheto, yi taluhu muli monguli mai, wau mopoa̒humo taulo Masiri, kakaa-retaalio wau jojoo-kiilio.”

PILOTIMUA̒TA 4:9

Wonu timongolio debo diipo olo mohuto palacaya to olemu eleponu maloo̒onto oluo lou̒ moo̒linggolabe botie, wau timongolio diila mohuto momandungi loi̒yamu, hamawa mao̒ taluhu ngoi̒di lonto dutulaa Nil wau huwata mola ode huta. Taluhu boito mamobolio̒ mowali duhu.”

PILOTIMUA̒TA 8:16

Eeya lotahuda odelei Musa, “Ahuli mao̒ tei Haruna momolota mola huta wolo tunggudio, yi to ngoilanggubu lipu lo Masiri peaahuo̒ mamo bolio̒ mowali lamuo̒.”

PILOTIMUA̒TA 9:33

Lapatao̒ tei Musa lololaa mao̒ oli olongia wau lonao̒ ode bulemengo kota; mola teto tio lomintaaa̒ mola uluu̒lio u lodua̒ ode Eeya. Tou̒ boitolo mola malo huheli bulonggodu, didi esi wau didi.

YESAYA 5:25

Eeya muluka to bangusaa-Lio. Eeya malo podapato u mohukuumani olimongolio. Huhuu-ideyaalo mamolotau̒lo; mimii-lateyaalo mopupuulati lomao̒ debo odelo puputo to dadaa-lalaalo. Bo Eeya donggo muluka wau debo mamo hukuumani mai.

HABAKU 3:8

Yaa Eeya, wolo bo sababu deheto Eeya lomuluka daa̒? Wolo bo sababu duduu-tulaalo ulohutu Eeya lomukula? Tilae̒ya lo Eeya heengo odelo wadala wau kaleta lo popaatea, tou̒ umati lo Eeya yilohia lo Eeya ohohaama.