PILOTIMUA̒TA 7:13 - KITABI HABARI MOPIOHE

¹³ Eleponu odito ti olongia debo baa̒ngiyolo wau diila mohuto momandungi loi̒ya lei Musa wolei Haruna, debo odelo u matilahuda lo Eeya.

PILOTIMUA̒TA 7:13 ပူးပေါင်းရင်းမြစ်များ

OLUO TAWARI 36:13

Ti Olongia Nebukadnejar malo makusa olei Jedekia u lotadia mola domi Allahu Taa̒ala deu̒ tio matatapu wau molotolo hilao to olei Nebukadnejar. Bo lapatio mao̒ tei Jedekia helo mintaa̒a tingolo to olei Nebukadnejar. Tei Jedekia baaa̒ngiolo to Eeya, Allahu Taa̒ala lo Isirai̒lu. Tio diila lohuto lololaa duduu-saalio wau diila lohuto lohualinga ode Eeya.

PILOTIMUA̒TA 10:1

Eeya lotahuda odelei Musa, “Ponao̒lo mola motaalua woli olongia. Wau̒ malo powali mao̒ olio wau tahidihuma pantungo lipulio baa̒ngiyolo alihu Wau̒ mowali mohutu u moo̒linggolabe tohuungi mongolio,

PILOTIMUA̒TA 10:20

Bo Eeya malo powali mao̒ oli olongia baa̒ngiyolo, wau tio debo diila lopoluli taulo Isirai̒lu lonao̒.

PILOTIMUA̒TA 10:27

Eeya helo powali mao̒ oli olongia baa̒ngiyolo tilinggula tio debo diila mohuto mongohi bangusa lo Isirai̒lu monao̒.

PILOTIMUA̒TA 14:17

Taulo Masiri mapo waliyo-U̒ baa̒ndiyolo tilinggula timongolio mohilapita tulusi taulo Isirai̒lu, wau Wau̒ mamopo biloheo̒ okokawasaa-U̒ toli olongia lo Masiri, pasukanilio, kakaa-letaalo boli mongo jokilio.

PILOTIMUA̒TA 4:21

Eeya lotahuda mai odelei Musa, “Wau̒ malongohi mai kawasa to olemu u mohutu totoonulalo moo̒linggolabe. Oditolio de wonu yio̒ malo hualinga mola ode Masiri, pohutua mao̒ totoonulalo u moo̒linggolabe boito totalu li olongia lo Masiri. Bo Wau̒ mamohutu olio baa̒ngiyolo, tilinggula tio diila mohuto mongohi bangusa boito monao̒.

PILOTIMUA̒TA 7:12

Timongolio helo pomahula mola tunggudu limongolio ode huta wau tutuu-ngguduwalo boito lobolio̒ lowali tulidu. Bo tunggudu lei Haruna helo loloolao̒ tunggudu limongolio.

PILOTIMUA̒TA 7:14

Lapatao̒ Eeya lotahuda odelei Musa, “Olongia boito baa̒ngiyolo daa̒; tio debo diila mohuto mongohi bangusa lo Isirai̒lu monao̒.

PILOTIMUA̒TA 7:22

Bo tahi ahalia sihili lo Masiri helohutu odito olo wolo ilimi losihili limongolio, tilinggula ti olongia debo baa̒ngiyolo. Debo odelo u matilahuda mao̒ lo Eeya, ti olongia diila mohuto modungohe olei Musa wolei Haruna.

PILOTIMUA̒TA 8:11

Tio mamopo lopatai mai oli Tuani lo watotia, tahidihuma pantungo lipu wau ulipu monto tutuu-mbiheyalo boito. Madiduu̒ poli tumbihe to bebee-leyaala, ngopohia to Dutulaa Nil.”

PILOTIMUA̒TA 8:15

Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo Eeya, ti olongia diila mohuto momaduli loi̒ya lei Musa wolei Haruna.

PILOTIMUA̒TA 8:19

tilinggula tahi ahalia losihili malo loi̒ya odeli olongia, “Utie huhutu lo Allahu Taa̒ala.” Bo ti olongia boito baa̒ngiyolo, wau debo odelo u matilahuda lo Eeya, ti olongia boito diila mohuto momandungi loi̒ya lei Musa wolei Haruna.

PILOTIMUA̒TA 8:28

Uali olongia, “Mopiohulo, maluasiya-U̒ mai timongoli monao̒ ode huta udatahu wau luasi udelita mopodewo bake ode Eeya, Allahu Taa̒ala limongoli, asali timongoli diila monao̒ molamingo. Eelai dua̒ailo mai wau̒!”

PILOTIMUA̒TA 9:12

Bo Eeya helohutu mao̒ oli olongia baa̒ngiyolo, wau debo odelo u matilahuda lo Eeya, ti olongia diila mohuto momandungi loi̒ya lei Musa wolei Haruna.

PILOTIMUA̒TA 9:35

Debo odelo umaa tilahuda lo Eeya lotimbulude olei Musa, ti olongia diila lohuto lopoluli mao̒ taulo Isirai̒lu lonao̒.

PILOTIMUA̒TA 9:7

Ti olongio helohintu mao̒ umalo toduo mai boito, lapatao̒ sililitaalio mao̒ olio deu̒ lonto bibiahu taulo Isirai̒lu diaaluo penu boli tuwau mao̒ u yilate. Bo ti olongia debo baa̒ngiyolo wau diila mohuto mopoluli mao̒ bangusa boito monao̒.

ROMA 1:28

Masababu manusia diila molaasa palalu moo̒onuhe to Allahu Taa̒ala, yi hiluliaalo mao̒ lo Allahu Taa̒ala pikiilangi limongolio lowali lolusa, tilinggula timongolio helohutu susuu-aliyaalo udiila opohutuo limongolio.

ROMA 2:5

Bo timongoli baaa̒ngiola wau diila mohuto molomelo. Masababu uito timongoli lohihilaolo talohutu hukuumani limongoli heo̒duhenga mola buheetio to Dulahe Kiama, wonu Allahu Taa̒ala mopoilaalo mai mulukaa-Lio wau mopodehu hukuumani u aadili.

TINGULI 2:30

Bo ti Olongia Sihon diila longohi olanto lolibaya tolipulio boito. Eeya Allahu Taa̒ala limongoli helohutu mao̒ olio baa̒ngiyolo wau moluwalo hilaa alihu ito mowali mopoo̒laaheo̒ olio. Lipulio donggo hulohuloa̒a olanto tunggula botia.

IBRANI 3:13

Oditolio, alihu diaaluo penu boli ngotaa mao̒ to wolotamu u oimbulowa lodusa, tilinggula motehengi to Allahu Taa̒ala, mamusi timongoli monanaa-sehatia timii̒du dulahu ngotilonggadu ito donggo tumutumulo todelomo jamani u ilunte “Dulahe Botie” todelomo Kitabi.

BOHULO SEMUEL 6:6

Wolo hunalio timongoli motibaaa̒ngi debo odelo olongia wau taulo Masiri muloololio mai? Diila mao̒ lipata woloolo mola Allahu Taa̒ala helopoi-poitohei olimongolio, tilinguula timongolio loliliihu wau taulo Isirai̒lu boito piloluli limongolio lololaa mao̒ Masiri.