PILOTIMUA̒TA 6:2 - KITABI HABARI MOPIOHE

² Wau̒ helo pobiloheo̒ batanga odelei Abraham, Isihaka wolei Yako odelo Allahu Taa̒ala Taa Laba-labaalo kawasa, bo Wau̒ diila lopoo̒taa mao̒ batanga ode limongolio wolo tanggulo ‘Eeya’.

PILOTIMUA̒TA 6:2 ပူးပေါင်းရင်းမြစ်များ

ILOOWALI 15:7

Lapatao̒ Eeya luli lotahuda olio, “Wau̒lo Eeya tamalodelo olemu yilumulai lonto lipu lo Ur to Babilonia, u mongohi mai huta botie to olemu mowali milikiimu.”

PILOTIMUA̒TA 12:12

Tou̒ hui boito Wau̒ mamo lontale mota ngoilanggubu huta lo Masiri, wau momate mateelo mao̒ walao̒ talolai̒ mohuhula daa, mopio manusia, meaalo binatangi. Wau̒ mamo hukuumani mao̒ ngoa̒amila dewa to Masiri, sababu Wau̒lo Eeya.

PILOTIMUA̒TA 14:18

Yi taulo Masiri mamotota mao̒ deu̒ Wau̒lo Eeya.”

PILOTIMUA̒TA 15:3

Eeya yito tamoo-hipatea tamolotolo boli buheli daa̒, Eeya, boi-boitolo tanggu-Lio.

PILOTIMUA̒TA 17:1

Lapatao̒ ngoilanggubu umati lo Isirai̒lu lololaa mao̒ huta udatahu wau luasi udelita Sin wau limbatao̒ limbatao̒ lonto tambati tuwau ode tambati uwewo debo odelo pilo malentao̒ lo Eeya. To wakutu tuwau timongolio lotitikema to Rapidim, bo mota teto diaalu taluhu u yilumolo.

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 3:14

Tahuda lo Allahu Taa̒ala, “Wau̒ yito WAU̒ WOLUO. Uti-utieelo umusi polelemu mao̒ tobangusa lo Isirai̒lu, Tio tai̒lunte WAU̒ WOLUO, tamalolao mai olaatia ode limongoli.

PILOTIMUA̒TA 3:15

Pohabaria mao̒ olimongolio olo deu̒ Wau̒, Eeya, Allahu Taa̒ala nenemoya limongolio, Allahu Taa̒ala lei Abraham, Isihaka wolei Yako, talolao olemu ode limongolio. Wau̒lo Eeya, ui-uitolo tanggulu-U̒ u ohiheo-hiheolo mao̒. Ui-uitolo tanggulu-U̒ duo̒lo ngoa̒amila bangusa wawaalia mola.

PILOTIMUA̒TA 6:29

Bo tei Musa lolameto, “Yaa Eeya, otaawa lo Eeya deu̒ watotia diila motota mobisala. Diila pongalo aakali ti olongia mohuto modungohe olo watotia?”

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 6:8

Ngoa̒amila tahuli lo Eeya boito pilopo tunggulao̒ lei Musa ode bangusa lo Isirai̒lu, bo timongolio diila mohuto momandungi olei Musa, sababu polowato udiila omanusia boito malohutu olimongolio heilooli halapani.

YESAYA 42:8

Wau̒ulo Eeya, uitolo tanggulu-U̒; odudaa̒a-U̒ diila tawohi-U̒ penu boli olo tatoonu; omasaahuru-U̒ diila tawuduo-U̒ ode bui̒.

YESAYA 43:11

Wau̒ lohihilaolo Eeya, ngopohia Wau̒ diaaluo tamopoa̒ahu mai.

YESAYA 43:15

Wau̒ulo Eeya, Allahu Taa̒alamu tamantali, Olongiaamu, talo powali mai olemu, wuu Isirai̒lu!”

YESAYA 44:6

Uti-utieelo tahuda mai lo Eeya Taa Laba-labaalo kawasa, Olongia wau tamoo-duo̒lawa Isirai̒lu, “Wau̒ Allahu Taa̒ala Taa Laba-labaalo tuwau, tabohulio wau tapulitio.

YEREMIA 9:24

Tatoonu tao̒hilaa motiwengahu pasali lou̒ hitua-tuawua, maamusi motiwengahu deu̒ tio motota wau mongalati ola-U̒; deu̒ otaawalio Wau̒ momonu u ohiheo-hiheolo mao̒ wau Wau̒ mopotihula butoo̒ boli ua̒adili todunia. Ngoa̒amilalo boito moposanangi hilaa-U̒. Wau̒, Eeya talo tahuda mai uito.”

YEHESKIEL 20:5

Potunggula mota wolo upilo tahudaa-U̒ mai botie. Wau̒ malo lulaoto Isirai̒lu wau lomintaa̒ tadia ode limongolio. To Masiri, Wau̒ lopobiloheo̒ batanga ode limongolio wau lotahuda, ‘Wau̒ulo Eeya Allahu Taa̒ala limongoli.’

MALEAKHI 3:6

“Wau̒ulo Eeya, wau Wau̒ diila mobolio̒. Sababu uito timongoli, wali mai lei Yako, diila pobinasaalo.