PILOTIMUA̒TA 6:13 - KITABI HABARI MOPIOHE

¹³ Uti-utieelo silasila lei Musa wolei Haruna: tei Ruben, walae̒e Yako tamohuhula daa̒, owalao̒ mongo lolai̒ wopatota: tei Heno, Palu, Hejron, wolei Karmi. Timongolio boito nenemoya lo kakaa-wumuwalo todelomo suku Ruben.

PILOTIMUA̒TA 6:13 ပူးပေါင်းရင်းမြစ်များ

JABURU 91:11

Allahu Taa̒ala mopoa̒hu malai̒kati-Lio modaha olemu, u moduo̒lai olemu penu ode utoonu ponao̒wamu.

PILOTIMUA̒TA 6:12

Odi-odieelo mola Eeya helolao olei Musa wolei Haruna ode bangusa lo Isirai̒lu wau odeli olongia lo Masiri deu̒ timongolio tilugasia lo Eeya u modelo bangusa lo Isirai̒lu lumualao̒ monto Masiri.

PILOTIMUA̒TA 6:14

Tei Simeon wau dilelio ngota lo Kanaa̒n owalao̒ mongo lolai̒ wolomota: tei Yemuel, Yamin, Ohad, Yakhin, Johar, wolei Saul. Timongolio boito nenemoya lo kakaa-wumuwalo todelomo suku Simeon.

PILOTIMUA̒TA 6:26

Timongolio duulota mola lotaalua woli olongia lo Masiri alihu tio molopata taulo Isirai̒lu.

YIA̒APO 27:19

Ahuli mao̒ tio timihula totalu li Iimamu Eleajar wau ngoilanggubu umati. Totalu limongolio ngoa̒amila yio̒ musi mopo malalumu mao̒ deu̒ tei Yosua yito tamobuulota wolemu.

YIA̒APO 27:23

Lapatao̒ tio lopodutu uluu̒lio toitaato lunggongee Yosua wau lopo malalumu mao̒ deu̒ tei Yosua yito tamobuulota wolio, debo odelo u tilahuda mai lo Eeya to olio.

MATIUSI 4:6

Lapatao̒ Ibilisi loloi̒ya mao̒ o-Lio, “Yio̒ botie Walao̒ Allahu Taa̒ala, diila odito? Wonu odito potidehulo mola ode walungo; sababu todelomo kitabi woluo tulatulade odie, ‘Allahu Taa̒ala mamopoa̒hu mai mamaa-lai̒kati-Lio moduo̒la ole-Mu, timongolio mamo langgomo ole-Mu wolo uluu̒ limongolio, alihu oa̒atu-Mu diila meiteduo̒ tobotu.’ ”

TINGULI 31:14

Lapatao̒ Eeya lotahuda mai odelei Musa, “Tutumulumu diilalo mohiheo. Oditolio, tiangaalo mai tei Yosua wau delowa mota tio ode Kema-U̒, alihu Wau̒ mowali mongohi popoo-tuhatawalo to olio.” Yi malonao̒ tei Musa wolei Yosua ode Kema lo Eeya,

1 TIMOTIUS 1:18

Timotius, walau̒uu̒! Tuugasi botie pomalacayau̒ mai olemu, u moe̒ela mola tahuli lo Allahu Taa̒ala upilo tunggulai lomongo nabi todelomo jamaa̒ tomimbihu batangamu. Mamusi tahuli boito mowali tomeu̒ olemu todelomo polo hipate u mopiohe.

1 TIMOTIUS 5:21

Totalu lo Allahu Taa̒ala, Isa Almasi, wau mamaa-lai̒katiyalo tai̒lo tulaota, pohileu̒ tio̒otutua alihu yio̒ modudua̒ totoonulalo potuhata botie lou̒ diila olantobu penu boli olo tatoonu, lou̒ diila motiwamba-wambao̒.

1 TIMOTIUS 6:13

Wau botia totalu lo Allahu Taa̒ala talongohi mai nyawa ode totoonulalo u hitua-tuawua, wau totalu li Isa Almasi talongohi sakusi u otutu tolei Pontius Pilatus, pohileu̒ utie monto olemu:

1 TIMOTIUS 6:17

To tau-tauwalo tahi kayawa todunia botie, mamusi pohilemu mao̒ alihu timongolio diila mao̒ sombongi wau diila mao̒ poharapu tou̒ babaa-langiyalo udiila tatapu – debo odelo sua̒liilio wolo okokaya. Timongolio musi motiwunela to Allahu Taa̒ala talongohi mai totoonulalo u hitua-tuawua olanto lou̒ laba-labaalo daatalio alihu olaasanto mao̒.

2 TIMOTIUS 2:4

Pajule ngota tadonggo otuugasi, diila tamotolo pusingi batangalio wolo uu̒u-luusanilio lohihilao, sababu tio ohilaa mopo sanangi hilaa li eeyanggulio.

2 TIMOTIUS 4:1

Ti Isa Almasi mamuli meidungga mai ode dunia botie u momutoo̒ tau-tauwalo tahitumula wau tamailate; wau Tio mamei dungga u momalenta odelo Olongia. Masababu uito pohileu̒ lou̒ tio̒otutua olemu totalu lo Allahu Taa̒ala wau li Isa Almasi: