PILOTIMUA̒TA 6:1 - KITABI HABARI MOPIOHE

¹ Allahu Taa̒ala lotahuda mao̒ odelei Musa, tahudaa-Lio, “Wau̒lo Eeya.

PILOTIMUA̒TA 6:1 ပူးပေါင်းရင်းမြစ်များ

OLUO MONGO OLONGIA 7:19

Wau tou̒ boito polowila tahe pomantu toli olongia hihilao boito malo loi̒ya, “Ualita! Uito diila pongalo aakali, eleponu tou̒ botieelo Eeya mopo tuhutai didi polodu monto hulungo!” Lapatao̒ tilametao̒ lei Elisa, “De yio̒ mamoo̒onto sua̒li boito motoduo mai, bo yio̒ diila tamoo̒ lamitao̒ ua̒alo boito penu boli ngoi̒di mao̒.”

OLUO MONGO OLONGIA 7:2

Polowila tahe pomantu li batanga hihilao toli olongia lolametao̒, “Ualita! Uito diila pongalo aakali, eleponu to saa̒ati botieelo Eeya mopotuhutai didi daa̒ monto hulungo!” “De yio̒ mamoo̒onto mao̒ sua̒li boito motoduo mai, bo yio̒ diila tamoo̒ lamitao̒ ua̒alo boito penu boli ngoi̒di mao̒,” tametao̒ lei Elisa.

OLUO TAWARI 20:17

Timongoli diila palalu motuuhua todelomo popaatea botie. Ponao̒lo ode tambati u matilantu ode limongoli wau yimailo mota teto. Timongoli mamoo̒onto deu̒ Eeya mamongohi mai olimongoli u moo̒haama!”

JABURU 12:5

tahemo loi̒ya, “Ami okawasa wolo dila lami! Penu boli wolo wambai̒o mowali loi̒ya lami, wau diaaluo tamowali molanggu olami!”

JABURU 12:6

Tahuda lo Eeya, “Taa mosikini dileehe wau taa modutolo mopoilaalo suusa. Yi botiaalo olo Wau̒ monao̒ mai mongohi otantaramu u hewooloolo limongolio.”

JABURU 136:12

wolo uluu̒ motoheto wau molotolo boli buheli daa̒; ponu lo Eeya ohiheo-hiheolo mao̒ diila opulitio.

JABURU 89:13

Eeyaalo talo powali mai tilaya wau huliaalio, Hui̒dee Tabor wau Hermon helo tingalaa̒ mola leengahu to Eeya.

PILOTIMUA̒TA 11:1

Eeya lotahuda odelei Musa, “Wau̒ mamuli mopowoluo mai baala tilahuo̒ tuwau odeli olongia lo Masiri wau ulipulio. Lapatao̒ uito, tio mamo pululi mao̒ olimongoli monao̒. Tumbao̒ timongoli ngoa̒amila maa polontulolio monteea.

PILOTIMUA̒TA 12:31

Tou̒ hui boitolo ti olongia lei̒ tiangai olei Musa wolei Haruna wau loloi̒ya mao̒, “Ponao̒lo monteea, timongoli ngoa̒amila! Tolailo mao̒ lipuu̒! Pona̒olo molubo Allahu Taa̒alamu debo odelo u pilohile limongoli.

PILOTIMUA̒TA 12:33

Taulo Masiri helo huntulo taulo Isirai̒lu alihu hua̒a mololaa mao̒ lipu boito. Uali mongolio, “Ami ngoa̒amila maamate wonu timongoli diila hua̒a monao̒!”

PILOTIMUA̒TA 12:39

Timongolio helo manggangi roti diila oragi lou̒ maa iluulau udilelo mai limongolio lonto Masiri. Timongolio hepilo loontulio lonteeto wolo tame-tamea̒ daa̒, tilinggula diilalo ilohiyango lopodapato tomeu̒.

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:16

Uu̒udu boito mowali poe̒ela ode olanto debo odelo tuoto u tilihuto to uluu̒ meaalo to bayanto. Lou̒ odito ito madebo poe̒elalio deu̒ Eeya malo polualao̒ olanto lonto Masiri wolo kawasa uleidaa̒.”

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 13:9

Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒.

PILOTIMUA̒TA 14:13

Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli.

PILOTIMUA̒TA 15:6

Olootolu-Mu malo moo̒linggolabe, yaa Eeya, pilohutu-Mu mao̒ musu lopulito loa̒antulu.

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

PILOTIMUA̒TA 7:5

Yi taulo Masiri mamotota mao̒ deu̒ Wau̒ botie Eeya, tou̒ Wau̒ mohukuumani mai olimongolio wau modelo Isirai̒lu lumualao̒ monto lipu limongolio.”

YESAYA 63:12

Tou̒toonu Eeya tapee̒-pee̒enta wolei Musa wolo uluu̒-Lio u molotolo boli buheli daa̒, wau lomutaa̒a taluhu totalu limongolio alihu tanggu-Lio meimasahuru ohiheo-hiheolo mao̒?

YIA̒APO 11:23

Tametai lo Eeya, “Yilongola okokuwasaa-U̒ ee̒enggade? Yio̒ mahua̒a moo̒onto mao̒ wolo upilo tahuda-U̒ mai boito otutu motoduo meaalo diila!”

YIA̒APO 23:23

Diaaluo ngisimu umongaa to olei Yako diaaluo sihiri u olotolo duo̒lo Isirai̒lu. Pasali lo bangusa boito tau mamoloi̒ya, ‘Bilohi mao̒ moo̒linggolabe upilohutu mai lo Allahu Taa̒ala!’

WUNGGULI LOMONGO RASULU 13:17

Allahu Taa̒ala lobangusa Isirai̒lu malo lulaoto linene moyaanto, wau lohutu mai bangusa botie bangusa udaa̒ tou̒ timongolio hibiluloa̒wa to Masiri debo odelo tau deli. Lapatao̒ wolo kawasa uleidaa̒ lo Allahu Taa̒ala lodelo olimongolio yilumualo lonto Masiri.

TINGULI 32:39

Bilohilo, Wau̒ Allahu Taa̒ala Taa Tuwa-tuwaulo, diaaluo Allahu Taa̒ala ngopohia Wau̒. Wau̒ momate-mateelo mao̒ wau mopotumulo, momali wau mopoo̒luli mao̒. Wonu Wau̒ mopohutu mai, diaaluo penu boli ngotaa mao̒ tamowali moluwali.

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.