PILOTIMUA̒TA 5:22 - KITABI HABARI MOPIOHE

²² Lapatao̒ tei Musa luli lotaalua wolo Eeya wau loloi̒ya, “Yaa Eeya, yilongola bangusa lo Isirai̒lu hepilohutu mai lo Eeya odito leetio boito? Yilongola Eeya longutusi mai watotia odia mai?

PILOTIMUA̒TA 5:22 ပူးပေါင်းရင်းမြစ်များ

BOHULO MONGO OLONGIA 19:10

Tei Elia lolametao̒, “Yaa Eeya, Allahu Taa̒ala Taa Laba-labaalo kawasa, watotia laito hemo kalaja bo ode Eeya lohihilao. Bo umati lo Isirai̒lu helo lambanga daantia limongolio wolo Eeya. Timongolio malo longgalao̒ memees-bawaalo Eeya wau helomate yila-yilateelo mao̒ mongo nabi lo Eeya. Bo watotia lohihilaolo talei tolaa, wau botia timongolio ohilaa momate olo watotia mate-mateelo mao̒!”

BOHULO MONGO OLONGIA 19:4

lapatao̒ to limbuta ode huta datahu wau luasi udelita ngotilonggadu ilo-ilolaanga wau lohuheli to walungo bungo lo ayu tuwau u mohimbungo. Teto tio malo tihuloo̒ wau ohilaa mateelo mao̒. “Watotia diilalo moo̒ tahangi, yaa Eeya,” ualio ode Eeya. Hamaalo nyawa lowatotia. “Watotia diila lebe mopiohe wolo loluuhuru lowatotia!”

JABURU 73:25

Tatoonu tamilikia lowatia tosologa ngopohia Eeya? Wewolio mao̒ lo Eeya diaaluo u ilohilaa lowatia todunia.

PILOTIMUA̒TA 17:4

Yi malo ngiibodulo mola tei Musa ode Eeya, ualio mao̒, “Wolo u musi pohutuo mao̒ lo watotia ode tau-tauwalo botie? Bilohilo timongolio ohilaa momai̒ lobotu olo watotia.”

YEREMIA 12:1

“Wonu watia mopodudulai palakala lowatia ode talu lo Eeya, yaa Eeya, tantuulo mao̒ mao̒bukuti deu̒ Eeyaalo tabanari. Bo watia ohilaa olo mohintu to Eeya sua̒li ua̒adili: Yilongola tumbao̒ taa udiila motulide hale tao̒haasili?

YEREMIA 20:7

Yaa Eeya, Eeya lomiyo olo watotia wau watotia mai̒lo piyowa. Eeya lebe molotolo wolo watotia wau malo potaa̒aluku olo watotia. Watotia hilenteo̒ lo timii̒du tau, hilinaalio monto dimodupo demola lolaango.

YEREMIA 4:10

Lapatao̒ watia loloi̒ya mao̒, “Yaa Eeya Taa Laba-labaalo molanggato, Eeya malo himbulo to taulo Yehuda wau ulipu lo Yerusalemu! Eeya lotahuda deu̒ mawoluo mai dame, lebe-lebe pomao̒ botia nyawa lamiaatia to aanjamu lo wamilo.”

HABAKU 2:3

Tuladeelo uito, sababu masaatia diipo wakutuulio. Bo saaa̒ti boito hua̒a meidungga, wau wolo u poilaalo-U̒ mai olemu tantu mamotoduo mai. Eleponu oontongonga mao̒ donggo mohiheo mai, bo yimailo wambao̒! Saaa̒ti boito tantu mamei dungga wau diila talohuduolo.

YIA̒APO 11:11

Yi maloloiya tio ode Eeya, “Ambunguolo yilongola Eeya lopoo̒suusa mai odie olo watotia? Ambunguolo wolo Eeya diila sanangi to watotia? Ambunguolo yilongola Eeya lohudu mai titihula ode ngoa̒amila tau boito to watotia?

YOSUA 7:7

Tei Yosua loloi̒ya ode Eeya, “Oo Allahu Taa̒ala Eeyaau̒! Pongoola lo Eeya modelo olo mongowatotia demai ngotuali lo Yordan botie? Wolo mawuduo lo Eeya mongowatotia ode tau-tauwalo Amori? Alihu mongowatotia mate? Lebe mopioheo̒ mongowatotia motibiluloa̒ mola teto wambai̒o, to ngotuali lo Yordan!

BOHULO SEMUEL 30:6

Tahidudua̒ olei Dauda siluukali daa̒ sababu timongolio maa iloolia lowalao̒ wau dile limongolio. Sababu uito timongolio mamomai̒ olei Dauda wolo botu. Oditolio tei Dauda todelomo ileepita daa̒, bo hilaalio luli piloo̒ lotoolai lo Eeya Allahu Taa̒alaalio.