PILOTIMUA̒TA 5:21 - KITABI HABARI MOPIOHE

²¹ Ualo mongo manduru boito, “Otaawa lo Eeya huhutumu! Tio mamo hukumani mai olimongoli! Timongoliilo taloo̒ sababu olamiaatia yilonuo̒ li olongia wolo mongo pogaweelio, tilinggula timongolio ohilaa momate olamiaatia mate-mateelo mao̒.”

PILOTIMUA̒TA 5:21 ပူးပေါင်းရင်းမြစ်များ

ILOOWALI 16:5

Lapatao̒ ti Sarai loloi̒ya mao̒ olei Abram, “Watia malohudu mai ti Hagar wato lo watia to olemu, wau anggadu ilotaawalio deu̒ tio maa ilombodaa̒, tio diilalo momaduli olaatia. Uito totalaamu. Hinta Eeya momutuusani mai palakala botie to wolotanto duulota.”

ILOOWALI 31:53

Allahu Taa̒ala tahe pujaa lei Abraham wau hepujaa li paapau̒ Nahor mamowali hakimu to wolotanto.” Lapatao̒ tei Yako malotadia domi Allahu Taa̒ala tahe tuboo lei Isihaka, tiyamolio, u moe̒elao̒ dantilio.

ILOOWALI 34:30

Tei Yako loloi̒ya mao̒ odelei Simeon wolei Lewi, “Timongoli malo poo̒suusa olau̒. Botia taulo Kanaa̒n wau taulo Peris wau ngoa̒amila tuango lipu botie mamolonua̒ olau̒. Taunto diila dadaata; wonu tuango lipu boito ngoa̒amila moheehea̒ wau moluhu olau̒, yi ngoa̒amila ngalaa̒anto mapo binasaalio.”

OLUO LO SAMUEL 10:6

Lapatao̒ taulo Amon malo ngalati deu̒ huhutu limongolio boito heloo̒ sababu olei Dauda lomuusua woli mongolio. Sababu uito timongolio malo seuwa dulo pulu lolihu lota pajule lo Siria tahi biluloa̒wa to Bet-Rehob wau Joba, wau olo mopulaa dulolihu lota pajule lonto Tob, boli olongia lipu lo Maakha wolo ngolihu lota tahidudua̒ olio.

BOHULO TAWARI 19:6

Lapatao̒ ti Olongia Hanun wau tau-tauwalo Amon longalati mao̒ deu̒ huhutu limongolio boito maloo̒ sababu olei Dauda lomuusua woli mongolio. Sababu uito timongolio lolao mola tolo pulaa pato lihu lokilo talaa̒ ode madala Mesopotamia Yitaato, wau ode Maakha wau Joba to Siria mola loseuwa tolo pulaa dulo lihu kaleta lo popaatea wau suludadu owadala. Yi malonao̒ mai suludadu li olongia Maakha wolo kaleta lo popaatea hesileuwa boito wau lotikema totili lo Medeba. Taulo Amon olo lonao̒ mai lonto ngoa̒amila kota limongolio mai lopaatea.

PILOTIMUA̒TA 14:11

Uali mongolio odelei Musa, “Wolo to Masiri diaaluo kuubulu, tilinggula yio̒ malodelo mai olami alihu ami mate totambati botie? Bilohilo mao̒ akibati lo huhutuumu boito!

PILOTIMUA̒TA 15:24

Yi tau-tauwalo boito helo hungoto odelei Musa wau lohintu mao̒, “Wolo u mailumonto?”

PILOTIMUA̒TA 16:2

To huta udatahu wau luasi udelita boito timongolio ngoa̒amila helo hungoto tolei Musa wolei Haruna.

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

PILOTIMUA̒TA 5:20

Tou̒ timongolio yilumualao̒ lonto bele biluloa̒ saaha li olongia, timongolio lodunggaya wolei Musa wau lei Haruna tadonggo hemohima olimongolio.

PILOTIMUA̒TA 6:9

Lapatao̒ Eeya lotahuda mai odelei Musa,

TAMOO-HUTUBAWA 10:1

Milate lo lango moo̒hutodu ngobuutulu winulo moonu, ngoi̒di oohulodu moe̒enggi hikimati u lailaio̒.

YESAYA 30:6

Odieelo mola tahuli lo Eeya tomimbihu bibii-natangiyalo u hipoo̒yonga tohuta huliaalio, “Mongo utolia helo detohe kolodai wau unta limongolio wolo papaa-laseniyalo, lapatao̒ lolibaya tomadala u polupolu lou̒ moo̒topotala u pilotitolawa losinga, tulide obisa wau naha opolio̒. Papaa-laseniyala boito pilopodewo limongolio ode bangusa tuwau tadiila loo̒tuulungi olimongolio.

YOEL 2:20

Pasuukani lobulita monto tilayo mahuhuuwo-U̒, ngotayadu lanengo-U̒ ode huta ohungayo u luasi daa̒. Ode Lau Mati wuntula-U̒ baliisani totalulio, ode Lau Tenga potouli-U̒ baliisani to wulealio. Mimii-lateelio mamoboolo. Timongolio pobinasaa-U̒ sababu malo posikisa olimongoli.

YIA̒APO 14:22

deu̒ monto tau-tauwala botie diaaluo penu boli ngotaa mao̒ tadonggo tumu-tumulo u tumuwota ode lipu umapilo danti-U̒ odeli nenemoya limongolio. Sababu timongolio diila mohuto modungohe ola-U̒, wau mololaalaaita hemo himontala ola-U̒. Lebe-lebe pomao̒ timongolio maloo̒onto tinelu-U̒ u ilumilato, wau momoo̒o-linggolabeyalo u pilohutu-U̒ to Masiri wau tohuta datahu wau luasi udelita.

YIA̒APO 14:3

Pongola Eeya modelo olanto ode lipu boito? De ito mate todelomo popaatea wau mongo dilento wau mongo walao̒onto tawalolio. Diila malebe mopioheo̒ ito muli mohualinga mola wambai̒o ode Masiri!”

BOHULO SEMUEL 13:4

Ode ngoilanggubu bangusa lo Isirai̒lu piloo̒taalio deu̒ tei Saul malomate yila-yilateelo mao̒ eyaanggu lo Pilistin boito wau deu̒ taulo Pilistin molonuo̒ daa̒ to taulo Isirai̒lu. Sababu uito ulipu malo dudua̒ titiango u mopanggala wolei Saul to Gilgal.

BOHULO SEMUEL 27:12

Bo tei Akhis momalacaya olei Dauda wau todelomo hilaalio hemokiilangi mola, “Tio odito yilonuo̒ lo bangusaalio lohihilao, tilinggula tio bolo pakusa lowali watou̒ ngotupa lo tutumulio.”