PILOTIMUA̒TA 40:34 - KITABI HABARI MOPIOHE

³⁴ Lapatao̒ lolaahei heengo lohenggube Kema lo Eeya boito, wau Kema boito lopolu lomola wolo tilango owoluwo lo Eeya.

PILOTIMUA̒TA 40:34 ပူးပေါင်းရင်းမြစ်များ

OLUO LO SAMUEL 7:6

Tumulalo mao̒ bangusa lo Isirai̒lu bilebasiya-U̒ mai lonto Masiri tunggula botia, diipo pee̒enta mao̒ Wau̒ litibiluloa̒ todelomo bele ngowale, bo laito hemonao̒ ode utoonulalo mao̒ wau helo tibiluloa̒ todelomo kema ngowale.

OLUO TAWARI 7:2

tilinggula mongo iimamu diila lowali tilumuwotao̒.

JABURU 26:8

Ilohilaa lo watotia Bele lo Eeya, yaa Eeya, tambati piloti biluloa̒ lo Eeya wolo polupolu lo odudaa̒.

PILOTIMUA̒TA 14:24

Tou̒ dulahee mamobutu mai Eeya lomilohei lonto wolihi tulu wau wolihi heengo ode suludadu lo Masiri wau helopo pupuuyoo̒to.

PILOTIMUA̒TA 16:10

Tou̒ tei Haruna donggo hemobisala mao̒ ode limongolio ngoa̒amila, timongolio helo milohe mota ode huta udatahu wau luasi udelita wau debolo tinelo Eeya maa iloontonga mola todelomo heengo.

PILOTIMUA̒TA 25:8

Ahuli mao̒ bangusa boito mopo tihulo kema tuwau ode Olau̒, alihu Wau̒ mowali motibiluloa̒ tohuungi mongolio.

PILOTIMUA̒TA 29:43

Teto Wau̒ mamo dunggaya wolo bangusa lo Isirai̒lu, wau tinelo owoluwo-U̒ mamo powali mao̒ tambati boito mantali.

PILOTIMUA̒TA 33:9

Tou̒ tei Musa tumuwotao̒, molaahei wolihi heengo wau mohuheli tohuhebu kema. Lonto heenga boito Eeya lotahuda mai odelei Musa.

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YESAYA 6:4

Suala limongolio loo̒ lotau̒lo wumbato Bele lo Eeya, wau Bele lo Eeya boito lohihilao lopolu lopoloo̒.

YEHESKIEL 10:4

Tinelo molilingga u tuotio owoluo lo Eeya lotinelai lonto mamaa-lai̒katiyalo opolipio̒ boito wau lolimbata ode huhebu potuwotalo Bele lo Eeya, tilinggula palepelio lowali lobaango-baangolo mao̒.

IMAAMATI 16:2

tahudaa-Lio, “Potunggula mao̒ odelei Haruna wutatumu, deu̒ bo tou̒ wakutu utantu-tantu tio mowali tumuwotao̒ ode Huwali Leidaa̒ Laba Mantali ubilua̒ lopodehu, sababu teteetolo Wau̒ mamopo bilohei batanga-U̒ todelomo heengo toitaato tau̒bu lo Bulua Daantia. Wonu tei Haruna molambanga palenta boito, yi tio maamate.

HAGAI 2:7

Ngoa̒amila bangusa maporamee-U̒ wau halata upango limongolio madeloo mai odia, tilinggula Belee-U̒ mamopolu wolo okokaya limongolio.

HAGAI 2:9

Belee-U̒ u bohu malebe moo̒heelami wolo u muloololio mai, wau teewe Wau̒ mamongohi dame wau omaa̒mulu ode bangusaa-U̒.” Eeya Taa Laba-labaalo kawasa malo tahuda.

YIA̒APO 7:89

Timii̒du tei Musa tumuwotao̒ ode delomo Kema lo Eeya u mobisala wolo Eeya, tio modungoheo̒ suala lo Eeya u hemotahuda mai ode olio monto yitaato tau̒bu Bulua Daantia towolota lo oluo bui̒ lo malaikati opolipio̒.

ROMA 9:4

Timongolio yito umati tai̒lo tuluoto wau Allahu Taa̒ala lopowali olimongolio mongo wala-I̒o lohihilao, wau lopoi̒laalo kawasa-Lio olimongolio. Tio lohutu daantia woli mongolio wau longohi olimongolio butoo̒ lo agama. Allahu Taa̒ala lopoo̒taa olimongolio woloolo mola timongolio musi motabia wau timongolio olo malo lolimo totoonulalo danti-Lio.

WAHI 15:8

Yi Bele lo Allahu Taa̒ala boito lopolu wolo poloo̒ lonto odudaa̒ wau kawasa lo Allahu Taa̒ala. Wau ngotilonggadu opitu baala udilelo lo opitu malai̒kati boito diipo lopulito, yi diaaluo penu boli ngotaa mao̒ tamoo̒ tuwoto ode delomo Bele lo Allahu Taa̒ala.

WAHI 21:3

Lapatao̒ watia loo̒dungohe suala lonto tambati huhuloa̒ li olongia boito longiibode wolo loo̒ohuu̒, “Botia tambati biluloa̒ lo Allahu Taa̒ala yito pee̒-pee̒enta wolo manusia! Tio matumumulo woli mongolio wau timongolio mamowali umati-Lio. Allahu Taa̒ala lohihilao mawoluo mai woli mongolio wau mowali Allahu Taa̒ala limongolio.