PILOTIMUA̒TA 40:13 - KITABI HABARI MOPIOHE

¹³ Popakea mao̒ pakeyangi iimamu olei Haruna, wau yilamahe mao̒ lowinulo alihu tio pohetuwolo u momaya ola-U̒ odelo iimamu.

PILOTIMUA̒TA 40:13 ပူးပေါင်းရင်းမြစ်များ

PILOTIMUA̒TA 28:41

Popohulia mao̒ pakeyangi boito to olei Haruna wutatumu wau mongo walai̒o. Winuli mao̒ timongolio wolo winulo jaitun; woleeto timongolio pomantaliyolo wau pohetuwolo u momaya ola-U̒ odelo iimamu.

PILOTIMUA̒TA 29:7

Lapatao̒ hamawa mao̒ winulo upacala, poloohe mola toitaato lunggongio wau winuli mao̒ tio.

PILOTIMUA̒TA 40:14

Lapatao̒ ahuli mao̒ mongo walai̒o mohimbideo̒, wau popakea mao̒ kameja toli mongolio.

YESAYA 61:1

Kawasa lo Eeya Taa Laba-labaalo molanggato woluo to olaatia; Eeya lolulaoto wau lolao olaatia u modelo habari mopiohu totaa mosikini wau mopoo̒luli taa u loa̒antulu daa̒ hilaalio; u mopo malalumu totaa tataahangi deu̒ timongolio hua̒a lopatolio, wau totau-tauwalo todelomo tutupa deu̒ timongolio malopatolio.

IMAAMATI 7:35

Monto ua̒alo u podewolo ode Eeya, tayade ui-uitolo u yilohilio odelei Haruna wau mongo walai̒o todulahee timongolio pilopo mantaliilio lowali iimamu.

IMAAMATI 7:36

Todulahee boito Eeya lomalentao̒ bangusa lo Isirai̒lu alihu monto dewo limongolio, tayade boito duo̒lo mongo iimamu. Wuu̒du botie musi dungohe mao̒ lo bangusa Isirai̒lu u ohiheo-hiheolo mao̒.

IMAAMATI 8:13

Lapatao̒ tio lopoa̒hu mongo walae̒e Haruna lodudulai ode talu. Pilopo pakelio mao̒ olimongolio kameja wau bintolo wohuta. Lapatao̒ dilutuwalio sulubani to lunggongi mongolio debo odelo upilo malentao̒ lo Eeya to olio.

YAHYA 17:19

U polohuna daa̒ olimongolio, Watia mohudu mola batanga odelo tolomudu miliki li Paapa, alihu timongolio olo mowali tolomodu miliki li Paapa moli obobanali.

YAHYA 3:34

Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

IBRANI 10:10

Ti Isa Almasi malohutu wolo u kilahandaki lo Allahu Taa̒ala wau lopodewo batanga-Lio odelo bake. Wolo dewo boito, u pilohutu-Lio bo pee̒enta wamabai̒o u ohiheo-hiheolo mao̒, ito ngoa̒amila pilobelesi lonto dusa.

IBRANI 10:29

Malo lebe mobuuhetao̒ hukuumani u musi podehuwolo totaa u hemo dutadutaa̒ Walao̒ Allahu Taa̒ala. Tau boito hemo nganggapu hina duhu daantia lo Allahu Taa̒ala, deu̒ito-yito opopate li Almasi tamo poo̒belesi monto dusa. Tio mohina Rohu tamoongohia odehu hilao̒.

1 YAHYA 2:20

Bo timongoli malo lolimo Rohullah u tiluwatai̒ dadaata daa̒ li Isa Almasi wau uito sababuulio timongoli ngoa̒amilalo motota lo pongaajali u otutu.

1 YAHYA 2:27

Bo tomimbihu olimongoli lohihilao, ti Almasi malo luwatai dadaata daa̒ Rohu-Lio olimongoli. Wau ngotilonggadu Rohu-Lio woluo toli mongoli, diila palalu woluo taawewo mongaajali olimongoli. Sababu Rohu-Lio mongaajali olimongoli pasali lo totoonulalo u hitua-tuawua; wau wolo u pilo ngaajali-Lio boito otutu, diila bo yimbulo. Sababu uito, mamusi timongoli modungohe tou̒ wolo u pilo ngaajali mai lo Rohu boito, wau mamusi timongoli debo tumutumulo motituwau woli Almasi.