PILOTIMUA̒TA 4:8 - KITABI HABARI MOPIOHE

⁸ Tahuda mao̒ lo Eeya, “Wonu timongolio diila mohuto palacaya olemu, meaalo diila yakini lapatao̒ loo̒onto mao̒ u moo̒linggolabe u bohulio, yi u moo̒linggolabe botie mamohutu mao̒ olimongolio palacaya.

PILOTIMUA̒TA 4:8 ပူးပေါင်းရင်းမြစ်များ

OLUO MONGO OLONGIA 5:7

Tou̒ ti olongia lo Isirai̒lu lopobaca mao̒ tuladee boito yi tio malo ngai-ngaidinga pakeyangilio sababu molawala, sambela loi̒-loi̒ya, “Topotala, wolo sababuulio ti olongia lo Siria boito mohile olau̒ mopoo̒luli mao̒ totau botie? Wau̒ diila Allahu Taa̒ala tao̒kawasa u mopotumulo meaalo mopopate tau! Tantulo mao̒ ti olongia lo Siria boito bo mihintinga olau̒!”

AYUBA 5:18

Sababu Allahu Taa̒ala tamopo ngongoto, Tio olo tamo hunemo. Wau uluu̒-Lio u momate, olo muli moponguli.

PILOTIMUA̒TA 4:28

Tei Musa helo hunggili mao̒ odelei Haruna ngoa̒amila u pilotahuda mai lo Eeya to olio tou̒ tio luli pilei̒ walinga-Lio mola ode Masiri, wau olo pasali lou̒ ngoa̒amila u moo̒linggolabe umusi pohutuolio.

PILOTIMUA̒TA 4:7

Lapatao̒ Eeya lotahuda mao̒, “Muli potuwota mola uluu̒mu ode delomo boo̒mu.” Tei Musa lohutu mao̒ odito, wau tou̒ tio luli lopolualai, uluu̒ boito maloluli.

PILOTIMUA̒TA 4:9

Wonu timongolio debo diipo olo mohuto palacaya to olemu eleponu maloo̒onto oluo lou̒ moo̒linggolabe botie, wau timongolio diila mohuto momandungi loi̒yamu, hamawa mao̒ taluhu ngoi̒di lonto dutulaa Nil wau huwata mola ode huta. Taluhu boito mamobolio̒ mowali duhu.”

YESAYA 28:10

Diila pongalo aakali tio mongaajali olanto hurupu ngohurupu, tahe ngotahe, kalima ngokalima.”

YAHYA 12:37

Eleponu madadaata u moo̒linggolabe hepilohutu li Isa totalu limongolio, timongolio debo diila palacaya o-Lio.

TINGULI 32:39

Bilohilo, Wau̒ Allahu Taa̒ala Taa Tuwa-tuwaulo, diaaluo Allahu Taa̒ala ngopohia Wau̒. Wau̒ momate-mateelo mao̒ wau mopotumulo, momali wau mopoo̒luli mao̒. Wonu Wau̒ mopohutu mai, diaaluo penu boli ngotaa mao̒ tamowali moluwali.

MONGO HAKIMU 6:17

Tametao̒ lei Gideon, “Wonu watotia otu-otutuulo mao̒ aahudu lo Eeya, ambunguolo ntali wohia mai tuota tuwau deu̒ memangi Eeyaalo talongohi mai palenta boito ode watotia.