PILOTIMUA̒TA 4:5 - KITABI HABARI MOPIOHE

⁵ Tahuda mao̒ lo Eeya, “Pohutua mao̒ odito alihu tau-tauwalo Isirai̒lu palacaya deu̒ Wau̒, Eeya, Allahu Taa̒ala nenemoya limongolio. Allahu Taa̒ala lei Abraham, Isihaka wolei Yako, malo pobilohei lobatanga to olemu.”

PILOTIMUA̒TA 4:5 ပူးပေါင်းရင်းမြစ်များ

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 17:1

Tou̒ tei Abram o umulu tio lopulaa tio lotaunu, Eeya lopo bilohei batanga-Lio wau lotahuda, “Wau̒lo Allahu Taa̒ala Taa Laba-labaalo kawasa. Podungohulo ola-U̒ wau pohutua mao̒ kahandaki-U̒ laito.

ILOOWALI 18:1

Eeya lopo bilohei batanga odelei Abraham totili lo bubuu-ngowaalo ayu aulia tambati potabiyalo to Mamre. Tou̒ boito dulahu mopatu daa̒, wau tei Abraham donggo hulo-huloa̒a tohuhebu lokemalio.

ILOOWALI 26:2

Sua̒li boito pilohutulio kalana Eeya malo pobilohei batanga to olio, wau helo tahuda, “Diila mao̒ ponao̒ ode Masiri; potibiluloo̒lo tolipu botie, debo odelo u mapilo malenta-U̒ mai olemu.

ILOOWALI 28:13

Wau totililio tihu-tihulo Eeya wau helo tahuda mai, “Wau̒-wau̒lo Eeya, Allahu Taa̒ala tahepujaa lei Abraham wau lei Isihaka. Wau̒ mamongohi mai olemu wau ode waliimu mola huta tambati upiloti balatamu botie.

ILOOWALI 48:15

Lapatao̒ uito bilalakatilio tei Yusu, ualio mao̒, “Allahu Taa̒ala, Tiolo Eeya, tahe pujaa lei Abraham wolei Isihaka, Tiolo tahe lodelo olau̒ dilumutu botia;

ILOOWALI 48:3

Ualei Yako odelei Yusu, “Allahu Taa̒ala Taa Laba-labaalo kawasa malo pobilohei batanga olau̒ to Lus, tohuta lo Kanaa̒n, wau malo balakati olau̒.”

BOHULO MONGO OLONGIA 18:36

Tou̒ leidungga wakutu mopodewo bake lolaango, ti Nabi Elia lohimbedeo̒ mesba boito tulusi lodua̒ mola, “Yaa Eeya, Allahu Taa̒ala tahe tuboo lei Abraham, Isihaka wolei Yako, poi̒laalo lomai masaatia botie deu̒ Eeyaalo Allahu Taa̒ala lo Isirai̒lu, watia wato lo Eeya. Poi̒laalo lomai olo deu̒ totoonulalo upilohutu lo watotia botie yito topalenta mai lo Eeya.

OLUO TAWARI 20:20

Loloombulio mola didimodupo daa̒, ulipu yilumualao̒ wau lonao̒ ode madala tohuta datahu wau luasi udelita totili lo Tekoa. Tou̒ timongolio ohilaa momonggato, tei Yosapat helongohi mao̒ tahuli botie olimongolio, “Ulipu lo Yehuda wau Yerusalemu! Potiyakini lomola to Eeya Allahu Taa̒ala limongoli, yi timongoli maa mambo moo̒taahangi. Tolimowalo potua monto mongo nabi limongoli, yi timongoli mamoo̒haama!”

PILOTIMUA̒TA 3:15

Pohabaria mao̒ olimongolio olo deu̒ Wau̒, Eeya, Allahu Taa̒ala nenemoya limongolio, Allahu Taa̒ala lei Abraham, Isihaka wolei Yako, talolao olemu ode limongolio. Wau̒lo Eeya, ui-uitolo tanggulu-U̒ u ohiheo-hiheolo mao̒. Ui-uitolo tanggulu-U̒ duo̒lo ngoa̒amila bangusa wawaalia mola.

PILOTIMUA̒TA 3:16

Ponao̒lo mola wau ambuwalo mao̒ ngoa̒amila tau̒wa lo Isirai̒lu. Pomalalumua mao̒ ode limongolio deu̒ Wau̒, Eeya, Allahu Taa̒ala linenemoya limongolio, Allahu Taa̒ala lei Abraham, Isihaka wolei Yako, malo pobilohei batanga olemu. Poo̒taa mao̒ olimongolio deu̒ Wau̒ malei dungga mai ode limongolio wau maloo̒onto woloolo mola timongolio hepilohutu lobangusa Masiri.

PILOTIMUA̒TA 3:18

Umati-U̒ mamo dungohe loi̒yamu. Lapatao̒ yio̒ pee̒-pee̒enta wolo mongo tau̒wa lo Isirai̒lu musi monao̒ mola motaalua woli olongia lo Masiri wau moloi̒ya mao̒ olio: ‘Eeya, Allahu Taa̒ala taulo Ibrani malei dungga mai lopobilohe batanga to olamiaatia. Botia poluasia mai amiaatia monao̒ ngoilaminga tolo hui lononao̒ ode huta udatahu wau luasi udelita u mopodewo bake ode Eeya, Allahu Taa̒ala lamiaatia.’ ”

PILOTIMUA̒TA 3:4

Eeya loo̒onto olei Musa lohimbideo̒ ode tambati boito, yi Tio longiibodei lonto huungo diu̒to boito, “Musa! Musa!” “Watotia mai teea,” tuaheo̒ lei Musa.

PILOTIMUA̒TA 3:6

Wau̒ botie Allahu Taa̒ala linenemoyamu, Allahu Taa̒ala lei Abraham, Isihaka wolei Yako.” Yi tei Musa malo lau̒beo̒ bayalio, sababu tio moohe momilohe Allahu Taa̒ala.

PILOTIMUA̒TA 4:1

Lapatao̒ tei Musa lolametao̒ ode Eeya, “Bo woloolo mola wonu humaya tau-tauwalo Isirai̒lu diila mohuto palacaya wau diila mohuto momandungi loi̒ya lo watotia? Wolo u musi pohutuo lo watotia wonu humaya timongolio moloi̒ya mai deu̒ Eeya diila lopo bilohei lobatanga ode watotia?”

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

PILOTIMUA̒TA 4:4

Eeya lotahuda odelei Musa, “Pohimbideo̒ ode tulidee boito wau dihuma mao̒ patahio.” Tei Musa malo himbideo̒ wau loheu̒upao̒ tulidee boito u hua̒a luli lobolio̒ lowali tunggudu todelomo uluu̒ lei Musa.

YESAYA 7:9

Isirai̒lu diila lebe molotola wolo Samaria, tiilo lokotaalio, wau Samaria diila lebe molotola woli Olongia Pekah. Wonu timongoli diila tio̒otuta yakini to Olau̒, tantuulo mao̒ timongoli diila moo̒ taahangi.”

YEREMIA 31:3

lonto molamingo Wau̒ lopobilohei batanga-U̒ ode limongolio. Wuu umati lo Isirai̒lu, tumulalo muloololio mai Wau̒ laito hemomonu mai olimongoli, wau mololaalaaita mola Wau̒ madebo hemopo bilohei deu̒ Wau̒ laito momonu olimongoli.

YAHYA 11:15

Bo Wau̒ sanangi olo deu̒ Wau̒ diaaluo mola teto, sababu lebe mopioheo̒ olimongoli, alihu timongoli moo̒ palacaya. Duloolo ito monao̒ mota botia odelei Lajarus.”

YAHYA 11:42

Otaawa lowatia ti Paapa laito modungohei olaatia, bo watia moloi̒ya mao̒ utie, ode tau-tauwalo tawoluo teea; alihu timongolio palacaya deu̒ boti Paapalo talolao mai olaatia.”

YAHYA 20:27

Lapatao̒ ti Isa lotahuda odelei Tomas, “Bilohilo mai uluu̒u-U̒, wau podutua mai tingoongoa lo uluu̒mu teea. Wudua mai uluu̒mu wau podutua to tutua̒lobe-U̒. Diila mao̒ polingu poli, bo pomalacayalo!”

YAHYA 20:31

Bo ngoa̒amilalo botie tiluladio mai, alihu timongoli palacaya deu̒ ti Isa yito Olongia Tamoo-poa̒ahua, Walao̒ Allahu Taa̒ala, wau sababu palacaya to o-Lio, timongoli mamoo̒tapu tutumulo.

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

WUNGGULI LOMONGO RASULU 7:2

Tei Stepanus lolametao̒, “Mongo wutato wau mongo tiyamo! Nte dungohi mai watia! Tou̒ dipolulio mai tinene moyaanto Abraham lolimbata ode Haran, tou̒ tio donggo bilubiluloa̒ to Mesopotamia, Allahu Taa̒ala talailaio̒ dungga-dungga mai ode olio

IBRANI 11:16

Bo malo ilaalo, timongolio mooloolo lipu tuwau ulebe mopioheo̒, deu̒ito-yito lipu u tosologa. Uitolo sababuulio Allahu Taa̒ala diila moolito wonu timongolio mongunte o-Lio Allahu Taa̒ala limongolio, sababu Allahu Taa̒ala malo podapato kota tuwau olimongolio.