PILOTIMUA̒TA 4:31 - KITABI HABARI MOPIOHE

³¹ Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

PILOTIMUA̒TA 4:31 ပူးပေါင်းရင်းမြစ်များ

ILOOWALI 17:3

Lapatao̒ malo sujudulo mola tei Abram tulusi Allahu Taa̒ala lotahuda,

ILOOWALI 24:26

Yi sujudulo mola wato boito lolubo Eeya.

ILOOWALI 29:32

Ti Lea maa ilombodaa̒ tulusi lopotutu mai walao̒ talolai̒ ngota. Ualio mao̒, “Eeya maloo̒onto mai osuusa lowatia, wau botia dile lowatia mamo tolia̒ngo olaatia.” Lapatao̒ iluntelio mao̒ walai̒o boito Ruben.

ILOOWALI 50:24

Ualio mao̒ ode mongo wutatio, “Opopate lowatia malembidei, bo Allahu Taa̒ala tantu mamolaalao̒ olimongoli wau modelo olimongoli lumualao̒ monto lipu botie, ode lipu u mapilo danti-Lio mai wolo tadia odelei Abraham, Isihaka wolei Yako.”

BOHULO TAWARI 29:20

Lapatio mao̒ lodua̒ mola odito, tei Dauda loloi̒ya mao̒ totaa dadaata tahi ambua teto, “Pujialo mola Eeya Allahu Taa̒ala limongoli!” Yi ngoa̒amila tau boito hipomuji-mujia mola Eeya Allahu Taa̒ala tahe tuboo loluuhuru limongolio. Lapatao̒ timongolio losujudu lomola u lohurumati Eeya wau olongia.

OLUO TAWARI 20:18

Yi losujudu lomola ti Olongia Yosapat. Ngoilanggubu ulipu lodudua̒ olio losujudu helolubu to Eeya.

OLUO TAWARI 32:8

Tio bo hemo pongaku olootolo manusia, bo ito o Eeya Allahu Taa̒alanto u momanatu mai wau motuuhua to ambahu olanto.” Loo̒dungohe loi̒ya li olongia limongolio boito, ulipu malowali buheli mola.

OLUO TAWARI 7:3

Tou̒ ulipu lo Isirai̒lu loo̒onto tulu lotuhutai lonto hulungo wau tinelo owolua lo Eeya lopolu lomola to Bele lo Eeya, yi timongolio leidumulo lomola to wumbato tulusi lolubo wau helomuji lomola Allahu Taa̒ala, sababu Eeya mopiohu wau ponu-Lio ohiheo-hiheolo mao̒ diila opulitio.

NEHEMIA 8:6

Tei Esra loloi̒ya mao̒, “Pujialo mola Eeya, Allahu Taa̒ala taa udaa̒!” Ngoilanggubu ulipu helo mintaa̒a mola uluu̒lio lola-langgotolo mao̒ wau lolameto, “Amin, amin!” Tulusi timongolio losujudu lomola helolubo Allahu Taa̒ala.

AYUBA 1:20

Lapatao̒ tilimihula mola tei Ayuba wau helo ngaidinga pakeyangilio tuotio limilimi. Tio longuluheo̒ lunggongio, tulusi losujudu

PILOTIMUA̒TA 12:27

Timongoli musi molametao̒, ‘Utie bake lo Paska u mohulumati Eeya, sababu bele lotau-tauwalo Isirai̒lu to Masiri yilaode-Lio mao̒, tou̒ Tio helomate mateelo mao̒ mongo walao̒ talolai̒ mohuhula daa̒ lo Masiri, wau ito piloluli-Lio mao̒ hitumula!’ ” Yi loti bonggohuu̒lo mola tau-tauwalo Isirai̒lu wau helolubo.

PILOTIMUA̒TA 14:31

Tou̒ taulo Isirai̒lu loo̒onto mao̒ woloolo mola Eeya uwolo kawasaa-Lio daa̒ loo̒laahe taulo Masiri, timongolio helo linggolabe uleidaa̒ tilinggula palacaya to Olio wau to olei Musa wato-Lio boito.

PILOTIMUA̒TA 19:8

Timongolio ngoa̒amila wolo pee̒entalo mao̒ lolameta, “Amiaatia mohuto mohutu mao̒ totoonulalo upilo tahuda mai lo Eeya,” wau totameta boito pilo tunggulao̒ lei Musa ode Eeya. Lapatao̒ tahuda lo Eeya odelei Musa, “Wau̒ mamei dungga mai ode olemu lilu-lilunga todelomo heengo u mohulodu; tau-tauwalo mamo dungohe ola-U̒ motahuda mai ode olemu, wau tumulalo mao̒ tou̒ boito timongolio malaito palacaya to olemu.

PILOTIMUA̒TA 2:25

Tio loo̒onto tau-tauwalo Isirai̒lu pilowatolio, yi Tio lolantu mao̒ u motulungi mai olimongolio.

PILOTIMUA̒TA 3:16

Ponao̒lo mola wau ambuwalo mao̒ ngoa̒amila tau̒wa lo Isirai̒lu. Pomalalumua mao̒ ode limongolio deu̒ Wau̒, Eeya, Allahu Taa̒ala linenemoya limongolio, Allahu Taa̒ala lei Abraham, Isihaka wolei Yako, malo pobilohei batanga olemu. Poo̒taa mao̒ olimongolio deu̒ Wau̒ malei dungga mai ode limongolio wau maloo̒onto woloolo mola timongolio hepilohutu lobangusa Masiri.

PILOTIMUA̒TA 3:18

Umati-U̒ mamo dungohe loi̒yamu. Lapatao̒ yio̒ pee̒-pee̒enta wolo mongo tau̒wa lo Isirai̒lu musi monao̒ mola motaalua woli olongia lo Masiri wau moloi̒ya mao̒ olio: ‘Eeya, Allahu Taa̒ala taulo Ibrani malei dungga mai lopobilohe batanga to olamiaatia. Botia poluasia mai amiaatia monao̒ ngoilaminga tolo hui lononao̒ ode huta udatahu wau luasi udelita u mopodewo bake ode Eeya, Allahu Taa̒ala lamiaatia.’ ”

PILOTIMUA̒TA 3:7

Lapatao̒ Eeya lotahuda mai, “Wau̒ maloo̒onto polo dutolo lo umati-U̒ to Masiri, wau malo dunggohe olimongolio hiwaatia̒ mei̒ lopata monto tau-tauwalo tahi podeehea olimongolio. Tutuulio mao̒ tutu, otaawa-U̒ ngoa̒amila polo dutolo limongolio.

PILOTIMUA̒TA 33:10

Tou̒ taulo Isirai̒lu loo̒onto mota wolihi heenga tohuhebu Kema lo Eeya, timongolio ngoa̒amila tilimihulo wau losujudu tohuhebu kema ngota-ngota.

PILOTIMUA̒TA 34:8

Saaa̒tilo boito tei Musa losujudu lolubo.

PILOTIMUA̒TA 4:5

Tahuda mao̒ lo Eeya, “Pohutua mao̒ odito alihu tau-tauwalo Isirai̒lu palacaya deu̒ Wau̒, Eeya, Allahu Taa̒ala nenemoya limongolio. Allahu Taa̒ala lei Abraham, Isihaka wolei Yako, malo pobilohei lobatanga to olemu.”

JEPANYA 2:7

Ulipu lo Yehuda tamoo̒ lopato, mamo tibiluloa̒ tomadalamu boito. Timongolio mamo himbala mao̒ bibiahe tohuta boito, wau tou̒ hui timongolio mamotuluhe to bebee-leyaalo taulo Askelon. Sababu Eeya, Allahu Taa̒ala limongolio mamoduo̒la olimongolio poli wau mopowali olimongolio muli maa̒mulu.

LUKASI 1:68

“Dulo ito momuji mola to Eeya, Allahu Taa̒ala bangusa lo Isirai̒lu! Tio malei dungga mai lotulungi umati-Lio wau lopobebasi olimongolio.

LUKASI 8:13

Bili u lobiihuta to hibotu-botua debo odelo taa u towakutu lodungohe habari boito, lololimo wolo hilaa sanangi. Bo habari boito diila longuwaa̒to todelomo hilaa limongolio. Timongolio palacaya bo ngopee̒ mola. Wau tou̒ yimontala meidungga timongolio momaahu.

RUT 1:6

Dengolo wakutu mola lapatio mao̒ ti Nao̒mi loo̒dungohe deu̒ Eeya malo balakati umati lo Isirai̒lu wolo tilapulo sembo u mopiohe. Sababu uito ti Nao̒mi wolo walao̒ moluhengio duulota lotidapato u mololaa mao̒ Moab.