PILOTIMUA̒TA 4:22 - KITABI HABARI MOPIOHE

²² Lapatao̒ polelea mao̒ odeli olongia boito deu̒ Wau̒, Eeya, lolahuli mai odie: ‘Isirai̒lu yito walau̒u-U̒ tamohuhula daa̒,

PILOTIMUA̒TA 4:22 ပူးပေါင်းရင်းမြစ်များ

JABURU 89:27

Tio mamoloi̒ya ode Olau̒, ‘Eeyaalo ti Paapau̒, Allahu Taa̒alau̒, tamoo-duo̒laawa wau tamoo-poa̒ahua olau̒.’

PILOTIMUA̒TA 6:11

Bo tei Musa lolametao̒, “Taulo Isirai̒lu lohihilao diila mohuto modungohe olo watotia. Diila pongalo aakali ti olongia lo Masiri modungohe taa u diila motota mobisala debo odelo watotia?”

PILOTIMUA̒TA 7:16

Polelea mao̒ odeli olongia boito: Eeya, Allahu Taa̒ala taulo Ibrani, talolao mai olaatia u mopo tunggulai odeli Tuani lo watotia alihu mopoluasi mao̒ umati-Lio monao̒ u moi̒baadati to Olio tohuta udatahu wau luasi udelita. Bo tunggula botia ti Tuani lo watotia diila mohuto modungohu.

YESAYA 63:16

Wolo diila Eeya ti Paapa lamiaatia? Tei Abraham wolei Yako diila motota olamiaatia. Bo Eeya yaa Eeya, deu̒yito-yito ti Paapa lamiaatia, Tamoo-poa̒ahua olamiaatia tumulalo muloololio mai daa̒.

YESAYA 64:8

Bo Eeya, yaa Eeya, deu̒yito-yito ti Paapa lamiaatia, amiaatia huta modudangia, wau Eeya talo powali mai olamiaatia; amiaatia ngoa̒amila yito huhutu uluu̒ lo Eeya.

YEREMIA 2:14

“Isirai̒lu diila wato diila olo wali mai lowato. Bo yilongola tio malowali mangusa lotuwaliilio?

YEREMIA 31:9

Timogolio monao̒ wolo ponu hehe-heheeto, liyango-U̒ wau podulungu-U̒ timongolio. Dileloo-U̒ timongolio lolibaya tataa-mbatiyalo u dadaata taluhio, loli dalalo paya-payadu to tambati u diila meiteduo̒. Duo̒lo Isirai̒lu, Wau̒ debo odelo tiyamo; Epraim yito walau̒u-U̒ talolai̒ tamohuhula daa̒.”

HOSEA 11:1

Eeya lotahuda mai, “Wau̒ lomonu Isirai̒lu anggadu tio donggo ukikiia̒i, tiliyangu-U̒ walau̒u-U̒ boito yilumualo lonto Masiri.

MALEAKHI 1:6

Eeya Taa Laba-labaalo kawasa lotahuda ode mongo iimamu, “Walao̒ ngota mohulumati oliyamolio wau wato ngota mohulumati oli tuanilio. Wau̒ botie ti Paapamu; yilongola timongoli diila mohulumati ola-U̒? Wau̒ botie tituanimu; yilongola timongoli diila moohe ola-U̒? Timongoli mohina ola-U̒, bo timongoli mohintu, ‘Wolo dudelo woloolo mola mongowatotia mohina to Eeya?’

MATIUSI 2:15

Timongolio malo tibiluloa̒ mola teto tunggula tei Herodes yilate. Odi-odieelo mola malo toduo wolo u tilahuda lo Eeya lotimbulude tomongo nabii-Lio, odie, “Tio motianga Walau̒u-U̒ monto Masiri.”

ROMA 9:4

Timongolio yito umati tai̒lo tuluoto wau Allahu Taa̒ala lopowali olimongolio mongo wala-I̒o lohihilao, wau lopoi̒laalo kawasa-Lio olimongolio. Tio lohutu daantia woli mongolio wau longohi olimongolio butoo̒ lo agama. Allahu Taa̒ala lopoo̒taa olimongolio woloolo mola timongolio musi motabia wau timongolio olo malo lolimo totoonulalo danti-Lio.

2 KORINTUS 6:18

Wau̒ mamowali ti Paapamu, wau timongoli mamowali mongo walau̒u-U̒, odieelo mola tahuda lo Eeya Taa Laba-labaalo kawasa.”

TINGULI 14:1

“Timongoli yito umati lo Eeya Allahu Taa̒ala limongoli. Oditolio tou̒ timongoli motilimi duo̒lo taamate, diila mao̒ palia batanga limongoli meaalo monguluhe to ambahu tau̒ lo lunggongumu debo odelo hepohutuo lo babaa-ngusawalo wewo.

TINGULI 32:6

Wolo mao̒dito timongoli momaalasi opopiohu Eeya, wuu tau-tauwalo hihuulode wau diila o aakali? Diila maa Tio ti Paapamu, talopowali olemu, tahe lopowali olimongoli bangusa tuwau?

IBRANI 12:23

Timongoli modudua̒ tuwaulio lo dudunggaya ulame daa̒ – dudunggaya lomongo walao̒ Allahu Taa̒ala tamohuhula daa̒, u tataa-nggulio leidupatali todelomo sologa. Timongoli monao̒ mai motaalua lo Allahu Taa̒ala, Hakimu lo ngoilanggubu umati lomanusia. Timongoli motaalua wolo roroo-huwaalo lotau-tauwalo tamopiohu, tamaa pilowali wimu-wimumuto tutu.

YAKOBUS 1:18

Tou̒ hilaa-Lio lohihilao Tio lopowali mai olanto mongo wala-I̒o lotimbulude to tahudaa-Lio u otutu. Tio lohutu mai uito alihu ito moo̒tapu tambati ulaba-labaalo mopiohu towolota lo ngoa̒amila mahaluku u pilowali-Lio.