PILOTIMUA̒TA 39:30 - KITABI HABARI MOPIOHE

³⁰ Wau olo pilohutu polomu lonto hulawa tutu, tuoto deu̒ timongolio mapilohetu ode Eeya. To polomu boito uu̒ukili tataa-heyaalo “Pilopo tolomodu ode Eeya”.

PILOTIMUA̒TA 39:30 ပူးပေါင်းရင်းမြစ်များ

PILOTIMUA̒TA 26:36

Pohutua mao̒ podehu ode huhebu lo Kema monto kaingi lineni moa̒aluti u hilewo wolo lambuto himba wahue̒nte, lailoumu wau meela, pilakea wolo kalawo.

PILOTIMUA̒TA 39:29

wau bintolo monto kaingi lineni moa̒aluti, lambuto himba umoa̒aluti wahue̒nte, lailowumu wau meela, pilolomu wolo karawo, debo odelo upilo malenta lo Eeya odelei Musa.

PILOTIMUA̒TA 39:31

Polomu boito pilohuli to sulubani wimbihu talulio, tutuuu̒de wolo palenta lo Eeya odelei Musa.

JAKARIA 14:20

To dulahee boito bebee-liyaalo to pakeyangi lowadala mapaisakalo wolo tataa-heyaalo, “Pilopo tolomodu ode Eeya”. Papaa-njiyaalo to Bele lo Eeya mahalagaalo debo odelo mamaa-nggowaalo dewo totalu lomesba.

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 7:26

Oditolio, ti Isa boitolo ti Iimamu Daa̒ tapalaa-luwonto. Tio mantali, to o-Lio diila odungga totala meaalo penu boli dusa wolo. Tio pilohalahu lonto tahi oduusawa, wau pilobotulo demola tambati ulebe molanggato wolo ngoa̒amilalo hulungo.

WAHI 5:10

Yio̒ malo powali olimongolio bangusa tuwau tolomodu lowali mongo iimamu, alihu timongolio momaya Allahu Taa̒alanto, wau momalenta toitaato dunia!”