PILOTIMUA̒TA 37:17 - KITABI HABARI MOPIOHE

¹⁷ Tei Bejaleel lohutu oa̒ato tohe lonto hulawa tutu. Wumbato wau didihimalio pilohutu lonto hulawa dilupa. Bubuu-ngawaalo polomu, leituwoto toyungo wau kolopaalio pilopowali tuwau wolo didihimalio.

PILOTIMUA̒TA 37:17 ပူးပေါင်းရင်းမြစ်များ

BOHULO TAWARI 28:15

ode timii̒du tohe wau oa̒ato tohe,

OLUO TAWARI 13:11

Timii̒du dimodupo wau lolaango timongolio hemo mobu dupa wau hemo podewo bake yilalango ode Eeya, wau hemo podapato roti pohinta. Timii̒du hui timongolio hemo polei̒ta totoo-heheyaalo to oa̒ato tohe hulawa. Ami debo hemo dungohe totoonulalo palenta lo Eeya, bo timongoli malo lolaa to Eeya.

PILOTIMUA̒TA 31:8

deu̒yito-yito meja wau powimumutio, oa̒ato tohe monto hulawa tutu wolo powimumutio, mesba tambati pomobuwalo dupa,

PILOTIMUA̒TA 37:16

Tio olo helohutu pipii-nggeyaalo, mamaa-nggowaalo, gigii-ntiyaalo wau momoo-kuwaalo duo̒lo dewo taluhu lo angguru. Ngoa̒amila powimumuto meja boito pilohutulio monto hulawa tutu.

PILOTIMUA̒TA 37:18

To didihima boito pilohutua tango mohelu wolomo, tango mohelu totolu totimii̒du biihio.

IMAAMATI 24:4

Tei Haruna musi mongulusi mao̒ totoo-heyaalo to oa̒ato tohe monto hulawa tutu alihu debo lei̒-lei̒ita todelomo Kema lo Eeya.

JAKARIA 4:11

Lapatao̒ watia luli lohintu mao̒ olio, “Wolo boliilo odulo batango lojaitun to olowala wau oloihi oa̒ato tohe boito?

JAKARIA 4:2

“Wolo u iloontongamu?” yilintulio. “Oa̒ato tohe tuwau monto hulawa,” tametao̒ lowatia mao̒. “Tohuudu yitaatio woluo tambati lo winulio, wau topalitio woluo tohe mohelu pitu, u tinggai woluo tambati losumbu mohelu pitu.

YIA̒APO 8:4

Tambati lotohe boito, dilumutu ode yitaatio wau bubuu-ngawaalo pakelio pohutuwolo monto hulawa dilupa, moduduo̒ bayahu upilo bilohei lo Eeya odelei Musa.

MATIUSI 5:15

Diaaluo tamopo lei̒ita tohe, lapatao̒ molau̒be tohe boito wolo tombe. Tio tumbaa̒ mamopodutu mao̒ tohe boito totambati lotohe, alihu moo̒baango motii̒du tau todelomo bele.

PILIPI 2:15

Lou̒ odito timongoli mopo biloheo̒ deu̒ timongoli yito mongo walao̒ Allahu Taa̒ala tadiila oa̒aibu, tatumu-tumula wolo hilaa tuulusi wau otutu tohuungo lotaa moleeto wau odusa. Wau tou̒ timongoli mopo tunggulao̒ olimongolio habari u mongohi tutumulo, mamusi timongoli mowali ode limongolio debo odelo tinelo u molinelai mopobaango dunia. Wonu timongoli tumumulo debo odelo uito, de woluo alaasani olaatia u molaasa meengahe tomimbihu olimongoli tou̒ ti Isa Almasi muli meidungga mai. Uito bukutilio deu̒ pilo tipaatea lowatia ilohuna wau tolopani lowatia otilapulio.

IBRANI 9:2

Kema tuwau bilongu u ambahu talulio ilunte Huwali Leidaa̒ Mantali. Teto woluo pakaakasi polumude tohe, wau woluo olo meja wolo roti upodewo ode Allahu Taa̒ala.

WAHI 1:12

Watia loili mao̒ ode wulea u momilohe tatoonu uito tahemo bisala mai olaatia. Lapatao̒ watia loo̒onto pitu oa̒ato tohe u pilohutu lonto hulawa.