PILOTIMUA̒TA 34:7 - KITABI HABARI MOPIOHE

⁷ Wau̒ tatapu momonu to hilihu-lihua wali wau mongambungu totala wau dusa; bo taa ototala sama-samaata diila lopato-U̒ monto hukuu-manilio, wau hukuu-maniyo-U̒ olo tau̒kekeei̒ wau mongo wombu tunggula wali u otolulio wau opatio kalana dusa lomongo dulaa̒ limongolio.”

PILOTIMUA̒TA 34:7 ပူးပေါင်းရင်းမြစ်များ

ILOOWALI 19:16

Tei Lot malolingu. Bo Eeya lodehu hilao olio; sababu uito tamulio duulota boito malodelo olei Lot wolo dilelio wau walai̒o duulota ode bulemengo kota.

BOHULO MONGO OLONGIA 8:32

yaa Eeya, ambunguolo patutilio Eeya modungoheo̒ to sologa wau momutoo̒ palakala lomongo wato lo Eeya botie. Ambunguolo hukuu-maniyalo mai tao̒totala motuuu̒de wolo huhutuulio wau lopatalo mai tadiila ototala.

OLUO TAWARI 30:9

Wonu timongoli muli motiwato to Eeya, yi tau-tauwalo tahe lomintaa̒ mongo ilaatumu odelo tawalo, mamodehu hilao wau mopoluli olimongoli muli mohualingo. Eeya Allahu Taaa̒la limongoli yito Allahu Taa̒ala tamopio wau odehu hilao; Eeya mamololimo olimongoli wonu timongoli muli mohualinga ode Eeya.”

NEHEMIA 1:5

“Yaa Eeya Allahu Taa̒ala takawa-kawasa tosologa. Eeya Allahu Taa̒ala taa Udaa̒ wau mongo watotia motitalu ode Eeya wolo lealeaatu rasa woohe. Eeya debo molotolo hilao wau hemodihu danti lo Eeya totaa u motolia̒nga to Eeya wau modungohe palenta lo Eeya.

NEHEMIA 9:32

Yaa Allahu Taa̒ala, Allahu Taa̒ala lo mongowatotia tamolotolo! Allahu Taa̒ala taa udaa̒ wau laba-labaalo! Wolo tatapu wau molotolo hilao dilihuma lo Eeya dadaanti; totoonulalo danti lo Eeya piloo̒polu mai lo Eeya wau piloponao̒ lo Eeya. Tumulalo mai mongo olongia lo Asyur helodeehe olo mongowatotia demai botia, sikisaa u helo toduo mai to mongowatotia. Mongo olongia lo mongowatotia, iimamu, nabi wau tahimuloa lo ulipu, olo loluuhuru wau ulipu, masilikisa ngoa̒amila. Ambunguolo diila mao̒ lipata totoonulalo sikisa boito! Ambunguolo diila mao̒ poo̒olia monto pikiilangi lo Eeya!

AYUBA 10:14

He ilimatoa lo Eeya watotia wonu bolo watotia mohutu totala alihu mowali potouli lo Eeya u mongohi mai ambungu.

JABURU 103:3

Eeya talo ngambungu mai ngoa̒amila dusaamu, talo poo̒luli mai totoonulalo ngongotumu,

JABURU 109:14

Huliaalo mao̒ ololeeto loluuhurulio debo ileela lo Eeya, wau dusa liilolio diila yiluluto.

JABURU 130:4

Bo Eeya motohilaa mongambungu, alihu tau mowali saale.

JABURU 136:10

Hepilate lo Eeya yila-yilateelo mao̒ tau̒kekeei̒ mohuhula daa̒ lo Masiri; ponu lo Eeya ohiheo-hiheolo mao̒ diila opulitio.

JABURU 136:15

Bo olongia lo Masiri wau suludadulio pilopoa̒humo Eeya; ponu lo Eeya ohiheo-hiheolo mao̒ diila opulitio.

JABURU 25:11

Yaa Eeya, ambungualo mai watotia motuuu̒de wolo danti lo Eeya, sababu udaa̒ totala lowatotia.

JABURU 86:15

Bo Eeya, yaa Eeya, Allahu Taa̒ala tamoomonua, wau tao̒odehu hilao, sabali, lealeaatu loponu wau tatapu molotolo hilao.

JABURU 99:8

Yaa Eeya Allahu Taa̒ala lo mongowatotia, Eeya hemo lametai umati lo Eeya; ode limongolio Eeya Allahu Taa̒ala tao̒hilaa mongambungu, eleponu timongolio hukuumanio mai lo Eeya sababu totala limongolio.

PILOTIMUA̒TA 23:21

Poo̒tuota mao̒ wau dungohilo tio. Diila pomalakala wolio sababu tio utoliya-U̒, wau tio diila tamo ngambungu totalaamu.

PILOTIMUA̒TA 23:7

Polaminga mao̒ potuludu paluti wau diila mao̒ pohutua umoo̒ sababu taa u diila ototala hukuu-maniyola mate, kalana Wau̒ diila mopo banali mai taa mohutu u moleeto debo odelo uito.

PILOTIMUA̒TA 33:19

Tametao̒ lo Eeya. “Wau̒ malumaodeo̒ wolo totoonulalo odudaa̒a-U̒ totalumu, sambela mohulitao̒ tanggulu-U̒ umantali. Wau̒lo Eeya, wau Wau̒ mopo bilohei omuura lohilao wau odehu lohilao totau-tauwala tatilulaotu-U̒.

PILOTIMUA̒TA 34:9

Ualio mao̒, “Eeya, wonu Eeya tio̒otutua motuuu̒de wolaatia, watia momolohone, ambunguolo Eeya moduduo̒ wolamiaatia. Bangusa boito memangi baa̒ngiyolo, bo ambungua mao̒ ololeeto wau dusa limongolio wau tolimoa mao̒ amiaatia odelo umati lo Eeya lohihilao.”

YESAYA 45:21

Wuduwalo palakalamu, podudulaalo bubuu-kutiilio, ooo̒, huliaalo mao̒ timongolio moheeluma pee̒-pee̒enta. Tatoonu talo pohabari mai sua̒li boito wau lopoo̒otai tumulalo muloololio mai? Diila maa Wau̒, Eeya? Diaaluo ila wewo ngopohia Wau̒. Wau̒ulo Allahu Taa̒ala taa̒adili tamoo-poa̒ahu, diaaluo wewolio ngopohia Wau̒!

YEREMIA 30:11

Wau̒ mamei dungga mai wau timongoli mapoa̒ahuwo-U̒. Babaa-ngusawalo, tambati pilopo bubuua̒laa-U̒ olimongoli ngoa̒amilalo mapobinasaa-U̒, bo timongoli diila pohutuwo-U̒ odito. Memangi timongoli diila tamoo̒ lapato monto hukuumani bo hukuumani-U̒ olimongoli yito aadili motuuu̒de wolo putuusani. Wau̒, Eeya, malo tahuda mai.”

YEREMIA 32:18

Eeya lopobilohei ponu lo Eeya u diila opulitio to helihu-lihua tau, bo Eeya olo mohukuumani tau sababu dusa lomongo dulaa̒lio. Eeya Allahu Taa̒ala tau̒daa̒ wau molotolo boli buheli daa̒; tanggulo Eeya yito Eeya Taa Laba-labaalo kawasa.

YEREMIA 9:24

Tatoonu tao̒hilaa motiwengahu pasali lou̒ hitua-tuawua, maamusi motiwengahu deu̒ tio motota wau mongalati ola-U̒; deu̒ otaawalio Wau̒ momonu u ohiheo-hiheolo mao̒ wau Wau̒ mopotihula butoo̒ boli ua̒adili todunia. Ngoa̒amilalo boito moposanangi hilaa-U̒. Wau̒, Eeya talo tahuda mai uito.”

DANIALI 9:4

Totoonulalo dusa lobangusa lowatia hei̒laku lowatia to Eeya Allahu Taa̒ala lowatia. Loi̒ya lowatia, “Eeya Allahu Taa̒ala, Eeya udaa̒, wau mongowatotia mohulumati to Eeya. Eeya laito moe̒ela mai daantia lo Eeya wau hemo pobilohei ponu lo Eeya udiila opulitio ode limongolio tamo tolia̒nga to Eeya wau hemohutu wolo u pomalentai lo Eeya.

DANIALI 9:9

Eeya polupolu lopongo ngambungu wau odehu hilao, eleponu mongowatotia malo luwali to Eeya.

MIKHA 6:11

Diila pongalo aakali Wau̒ mongambungu taa u hipomakea titimenga u paluti?

MIKHA 7:18

Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

NAHUM 1:6

Tatoonu tamoo̒ taahangi wonu Eeya muluka? Diaaluo tamoo̒ lopato monto omulukaa-Lio? Eeya mopomukaa̒i omulukaa-Lio uwali-walihuhu botu motoyopu mowali peaahuo̒ totalu-Lio.

MATIUSI 12:31

Masababu uito, ototai mao̒, wonu tau mohutu dusa wau moloi̒ya u mohina, tio mowali ambunguolo! Bo wonu tio mohina Rohullah, tio diila mowali ambunguolo!

MATIUSI 6:12

Ambungua mai mongowatotia monto totala lo mongowatotia, debo odelo mongowatotia malo ngambungu taa u ototala to mongowatotia.

LUKASI 7:42

Duduulotalo diila loo̒bayali biloli boito, yi biloli limongolio mailulutio. Nte tatoonu towolota limongolio duulota boito talebe motolia̒ngo totaa lopobulota doi boito?”

LUKASI 7:48

Lapatao̒ ti Isa lotahuda mao̒ to taabua boito, “Duduusaamu mai̒lambungu.”

WUNGGULI LOMONGO RASULU 13:38

Sababu uito Mongo wutato, wajibulio otaawa mao̒ limongoli deu̒ motimbulude li Isa botieelo habari pasali lou̒ pongambungualo dusa pilopo habari de olemu; wajibu otaawa mao̒ limongoli deu̒ timii̒du taa palacaya o-Lio, lopato-Lio monto totoonulalo dusa udiila mowali lulutolo motimbulude to papaa-lentawalo Allahu Taa̒ala upilopo tunggulai lei Musa.

WUNGGULI LOMONGO RASULU 5:31

Wau Allahu Taa̒ala malohudu o-Lio huhuloa̒a wau okokawasa ulailaio̒ odelo Tau̒wa wau Tamoo-poa̒ahua; alihu bangusa lo Isirai̒lu moo̒toduo wakutu u molilihu monto ngoa̒amila dusalio wau moo̒toduo pongo ngambungu.

EPESUS 1:7

Sababu, lo opopate li Almasi, ito yilopatio lo Allahu Taa̒ala, bolilio mao̒ Tio malo ngambungu olanto lonto duduu-saanto.

EPESUS 4:32

Bolii̒o mao̒, mamusi timongoli o hilao u mopiohe wau modehu hilao ode ngota-timongota, wau mongaa-ngambungua tutuuwauwa debo odelo Allahu Taa̒ala olo longambungu mai olimongoli lotimbulude li Almasi.

TINGULI 32:35

Eeya mamolontuli wau mohukuumani olimongolio, wau diilalo mohiheo timongolio modehu wau binasa; saaa̒ti obobinasa limongolio hua̒a meidungga.

TINGULI 7:10

Bo wolo diila moomu-moomu Tio mohukuumani mai olimongolio tamolonua̒ o-Lio.

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

IBRANI 12:29

Sababu Allahu Taa̒alanto debo odelo tulu umoo̒pobu.

YOSUA 24:19

Lapatao̒ tei Yosua loloi̒ya, “Bo timongoli otanu diila tamambo motiwato to Eeya, sababu Tio Allahu Taa̒ala tamantali, Taa Laba-labaalo Tuwaulo. Tio diilo mohuto o tuwaliilio. Wonu timongoli mololaa mao̒ o-Lio wau motiwato to ila-ila wewo, yi Tio diila tamo ngambungu dusa limongoli. Bolii̒o mao̒, Tio mamoluwali wau mohukuumani mai olimongoli. Tio mamopo binasa olimongoli, eleponu muloololio mai Tio mopiohe toli mongoli.”

1 YAHYA 1:9

Bo wonu ito motolo akuo duduu-saanto to Allahu Taa̒ala, Tio mamoe̒elai danti-Lio wau mohutu wolo u aadili. Tio mamo ngambungu duduu-saanto wau mopobelesi olanto monto totoonulalo huhutuunto utilala.

WAHI 20:15

Tau-tauwalo tadiila hitulade tanggulio todelomo Buku lo Taa Tumutumulo, pilomahulo ode delomo auhu lotulu.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”