PILOTIMUA̒TA 34:6 - KITABI HABARI MOPIOHE

⁶ Lapatao̒ Eeya yilumaodeo̒ totalu lei Musa wau lotahuda mao̒, “Wau̒ Eeya, deu̒yito-yito Allahu Taa̒ala tapolu-polu lo omuura lohilao wau odehu lohilao. Ponu-U̒ lepa-lepato dadaata daa̒, Wau̒ tatapu wau molotolo hilao wau diila hua̒a moingo.

PILOTIMUA̒TA 34:6 ပူးပေါင်းရင်းမြစ်များ

ILOOWALI 24:27

Ualio mao̒, “Pujiaalo mola Eeya, Allahu Taa̒ala lei Abraham tituani lo watotia. Eeya lopoilaalo mai tatapu molotolo hilao wau ohilaa mopiohe toli tuani lo watotia tei Abraham. Eeya hua̒a lodelo mai olo watotia ode mongo ilaatolio.”

OLUO LO SAMUEL 24:14

Tei Dauda lolametao̒, “Aduu! Matopotala wau̒! Bo tumbao̒ wau̒ maa hukuumanio lo manusia, yi lebe mopioheo̒ ito ngoa̒amila hukuumanio mai lo Eeya, sababu udaa̒ ponu-Lio.”

BOHULO MONGO OLONGIA 19:11

“Lualoolo monto gowa boito,” tahuda mai lo Eeya olio, “wau tihuloolo motitalu ode ola-U̒ toitaato hui̒du.” Lapatao̒ Eeya yilumaodeo̒ teto, tilolode lodupoto u hihiipa loo̒ohuu̒ daa̒ tilinggula huhuu-luduwaala lobutao̒ wau huhuu-ideyaalo lopoo̒. Bo Eeya diila lopo bilohei batanga todelomo dupoto boito. Lapatao̒ dupoto boito yiloole mao̒, malowali mai liluhu, bo todelomo liluhu boito olo Eeya diila lopo bilohei batangaa.

OLUO TAWARI 30:9

Wonu timongoli muli motiwato to Eeya, yi tau-tauwalo tahe lomintaa̒ mongo ilaatumu odelo tawalo, mamodehu hilao wau mopoluli olimongoli muli mohualingo. Eeya Allahu Taaa̒la limongoli yito Allahu Taa̒ala tamopio wau odehu hilao; Eeya mamololimo olimongoli wonu timongoli muli mohualinga ode Eeya.”

NEHEMIA 9:17

Timongolio diila lodungohe, wau totoonulalo opopiohu lo Eeya hepilalongi mongolio, wau ngoa̒amila huhutu u moo̒linggolabe lonto Eeya heilooli lonto pikiilangi limongolio. Wolo mangimangi timongolio helo lulaotao̒ tau̒wa ngota, u lodelo olimongolio ode Masiri, luli lowali wato. Bo Eeya Allahu Taa̒ala tamotohilaa momaa̒apu mai, diila opulita lo sabali, mura lohilao wau polupolu lo ponu. Ponu lo Eeya otutu polu-polutuo̒; Eeya diila lololaa olimongolio.

JABURU 108:4

Yaa Eeya, watotia ohilaa mosukuru mola to Eeya towolota lo babaa-ngusawalo. Otohilaa lowatotia mopolahu mola poloilaalo momuji ode Eeya towolota umati lomanusia.

JABURU 111:4

Eeya boito tamoomonua wau tamoo-tolia̒ngoa, Eeya hemohutu mai huhuu-hutuwaalo u moo̒linggolabu, alihu ito debo moe̒ela to Eeya.

JABURU 111:8

Butoo̒ Eeya moo̒taahangi mololaalaaita, yilohi mai todelomo u otutu wau oa̒adili.

JABURU 112:4

Mobaango motinela todelomo u modio̒lomo ode taa juujulu, ode taa ua̒adili, tamoo-tolia̒ngoa wau tamodehu hilao.

JABURU 116:5

Eeya yito tamoomonua wau aadili; Allahu Taa̒alanto lealeaatu odehu hilao.

JABURU 138:2

Watotia mosujudu ode ambahu Bele lo Eeya u mantali sambela momuji mola tanggulo Eeya, sababu Eeya tatapu wau molotolo hilao wau laito momonu. Eeya lebe mopou̒daa̒ danti lo Eeya wolo huhaama lotau pasali batanga lo Eeya.

JABURU 145:8

Eeya boito tamoo-monua wau tamoo-tolia̒ngowa, moboyu momuluka wau laito momonu.

JABURU 146:6

Eeyaalo talo powali hulungo wau dunia, deheto wau totoonulalo tuangio; Eeya tatapu wau molotolo hilao ohiheo-hiheolo mao̒.

JABURU 31:19

Pambolilo ngango lo tahi pohimbuloa u wolo batingga hemo henteo̒ taa juujulu.

JABURU 57:10

Yaa Eeya watotia ohilaa mosukuru mola to Eeya to wolota lo babaa-ngusawalo. Otohilaa lo watotia mopolahu mola poloi̒laalo momuji ode Eeya to wolota umati lo manusia.

JABURU 86:15

Bo Eeya, yaa Eeya, Allahu Taa̒ala tamoomonua, wau tao̒odehu hilao, sabali, lealeaatu loponu wau tatapu molotolo hilao.

JABURU 86:5

Eeya mopiohu, yaa Eeya, wau ohilaa mongambungu, taa u hemodua̒ mola to Eeya debo ponuo mai lo Eeya wolo ponu u diilalo o eenggadelio.

JABURU 91:4

Eeya mamolau̒bei olemu wolo polipi-I̒o, tilinggula yio̒ aamani todelomo wolungo Eeya; otatapu wau molotolo hilao lo Eeya debo odelo porisai u moduo̒lai olemu.

PILOTIMUA̒TA 20:5

Diila mao̒ polubo bui̒ debo odelo uito, sababu Wau̒lo Eeya Allahu Taa̒ala limongoli, wau Wau̒ diila motohilaa potutuu-wauwolo penu boli wolita. Tau-tauwalo tahi polonua̒wa ola-U̒, hukuu-maniyo-U̒ demola wali otolulio wau opatio.

PILOTIMUA̒TA 22:27

sababu kaingi boito yito haku utuwa-tuwaulo u moo̒patu batangalio. Wonu diila pohuwalingo mao̒ ode olio, donggo wolo poli umusi pomakelio duo̒lo pohuloto tou̒ motuluhu? Wonu tio mongiibode mei̒ tulungi to ola-U̒, yi Wau̒ mamo dungohe olio sababu Wau̒ odehu hilao.

PILOTIMUA̒TA 33:19

Tametao̒ lo Eeya. “Wau̒ malumaodeo̒ wolo totoonulalo odudaa̒a-U̒ totalumu, sambela mohulitao̒ tanggulu-U̒ umantali. Wau̒lo Eeya, wau Wau̒ mopo bilohei omuura lohilao wau odehu lohilao totau-tauwala tatilulaotu-U̒.

POHUMAYA 3:3

Mamusi yio̒ debo yakini wau tatapu molotolo hilao to Allahu Taa̒ala wau timongotamu. Eelailo uito wau tahuwalo todelomo hilaamu,

TAMOO-HUTUBAWA 8:11

Yilongola odito gaambangi tau mohutu u moleeto? Sababu hukuumani diila hua̒a yilohi mai.

YESAYA 12:4

Mamei dungga wakutuulio timongoli mamoloi̒ya, “Posukurulo mola to Eeya, wau poluboolo to Eeya. Pohabaria mao̒ to babaa-ngusawalo odudaa̒ wau totoonulalo huhutu lo Eeya.

YESAYA 65:16

Timii̒du taa u tolipu boito tamei̒ balakati, mamohile balakatia lo Allahu Taa̒ala utatapu wau molotolo hilao. Timii̒du taa u motohilaa motadia, mamotadia domi tanggulo Allahu Taa̒ala utatapu wau molotolo hilao. Sababu polodutolo u muloololio mai mailooli wau yilipatio.”

YEREMIA 32:18

Eeya lopobilohei ponu lo Eeya u diila opulitio to helihu-lihua tau, bo Eeya olo mohukuumani tau sababu dusa lomongo dulaa̒lio. Eeya Allahu Taa̒ala tau̒daa̒ wau molotolo boli buheli daa̒; tanggulo Eeya yito Eeya Taa Laba-labaalo kawasa.

YEREMIA 9:24

Tatoonu tao̒hilaa motiwengahu pasali lou̒ hitua-tuawua, maamusi motiwengahu deu̒ tio motota wau mongalati ola-U̒; deu̒ otaawalio Wau̒ momonu u ohiheo-hiheolo mao̒ wau Wau̒ mopotihula butoo̒ boli ua̒adili todunia. Ngoa̒amilalo boito moposanangi hilaa-U̒. Wau̒, Eeya talo tahuda mai uito.”

HIYONGO MOPOILAALO SUUSA 3:23

laito bohu timii̒du dimodupo otutu, Eeya tatapu wau molotolo hilao!

YOEL 2:13

Antangaalo hilaamu wau diila pakeyangimu.” Pomalingolo ode Eeya Allahu Taa̒alamu. Tio sabali diila o enggadelio wau tamoomonua muura lohilao wau lealeaatu lo odehu hilao. Sanangi mongambungu wau diila mohuto moponao̒ lo hukuumani.

YUNU 4:2

Lapatao̒ tio lodua̒ mola, “Yaa Eeya, diila mailoi̒ya lowatotia tou̒ dipo lomonggata lonto bele lowatotia muloolo, deu̒ Eeya tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ Eeya Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

MIKHA 7:18

Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

MIKHA 7:20

Ode umati lo Eeya, wali mai lei Abraham wolei Yako, Eeya mamo pobilohei otatapu wau olootolo hilao lo Eeya wau ponu lo Eeya udiila eenggadelio boito debo odelo u pilodanti mai lo Eeya ode loluuhuru lo mongowatotia muloololio daa̒.

NAHUM 1:3

Memangi Eeya, diila hua̒a momuluka; bo Tio olo okawasa daa̒ tilinggula titaalo tita mohutu totala diila talopato-Lio monto hukuumani. Tou̒toonu ponao̒wa lo Eeya, teto tumoodei dutalo; totambati potidutaa̒ lo oa̒a-Tio teto peaahuo̒ mowali heengo.

YIA̒APO 12:8

Wau Wau̒ helo bisala wolio tataalua baya, wolo mopatato wau diila wolo tataapulawa. Tumbao̒ baya-U̒ maa iloontongalio! Yilongola timongoli buheli moluwali olei Musa, wato-U̒ boito?”

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

ROMA 2:4

Meaalo timongoli diila botie paduli omuula lo Allahu Taa̒ala wau otanggalo hilaa boli osabali-Lio u odito udaa̒? Tantu otaawa limongoli deu̒ Allahu Taa̒ala mopo bilohei opopiohu hilaa-Lio sababu Tio motohilaa alihu timongoli molilihu monto dusa limongoli.

TINGULI 32:3

Wau̒ mamomuji mola tanggulo Eeya. Pohabariyalo odudaa̒ lo Allahu Taa̒alanto!

TINGULI 4:31

Eeya Allahu Taa̒ala limongoli yito Allahu Taa̒ala talaba-labaalo odehu hilao. Tio diila tamololaa mao̒ meaalo mopobinasa olimongoli, meaalo molipata daantia u pilohutu-Lio lohihilao wolo loluuhuru limongoli.

TINGULI 5:10

Bo Wau̒ mopo bilohei ponu-U̒ ode hilihu-lihua wali monto tau-tauwalo tamo tolia̒nga ola-U̒ wau modungohe palentaa-U̒

YAKOBUS 5:11

Timongolio ilunte sanangi tutu sababu timongolio taaba. Timongoli maloo̒ dungohe pasali osabali lei Ayuba, wau otaawa limongoli woloolo mola Eeya tou̒ pulitio lobalakati olio. Sababu lodehu daa̒ hilaa lo Eeya wau mopiohe hale.