PILOTIMUA̒TA 34:4 - KITABI HABARI MOPIOHE

⁴ Lapatao̒ tei Musa lomaisaka mao̒ botu dulopita poli, wau loloombulio mola didimodupo daa̒ dilelolio mola lotao̒de Hui̒dee Sinai odelo upilo malenta mai lo Eeya olio.

PILOTIMUA̒TA 34:4 ပူးပေါင်းရင်းမြစ်များ

PILOTIMUA̒TA 19:20

Eeya lotuhutai ode balitutuo̒ Hui̒dee Sinai, wau lotianga olei Musa u motao̒de mola ode balitutuo̒ hui̒dee boito. Lapatao̒ tei Musa malo tao̒dee mola,

PILOTIMUA̒TA 19:3

wau tei Musa lotao̒de mola ode hui̒dee boito u lodunggaya wolo Allahu Taa̒ala. Eeya lotahuda mai odelei Musa lonto hui̒dee boito wau lopoa̒hu olio mopo malalumu mao̒ ode taulo Isirai̒lu, wali mai lei Yako,

PILOTIMUA̒TA 32:16

Allahu Taa̒ala lohihilao malohutu botu boito wau helo maisaka mao̒ palentaa-Lio teto.

PILOTIMUA̒TA 34:1

Lapatao̒ Eeya lotahuda odelei Musa, “Pahatia mao̒ dulopita botu odelo u muloololio mai. Tobotu boito Wau̒ mamo luladei tataa-heyaalo u tutuuwauwa wolo uwoluo tobotu u mapiloo̒mu boito.

TINGULI 10:1

“Lapatao̒ Eeya lotahuda mai ode laatia, ‘Musa, pahaatia mao̒ duluo botu dembela molipa debo odelo u bohulio, wau pohutua mao̒ olo bulua lo ayu tuwau u podutualio, lapatao̒ ponao̒lo mai ode ola-U̒ to bolitutuo̒ hui̒du.

TINGULI 10:3

Lapatao̒ watia lohutu mao̒ bulua lonto ayu aakasia wau helo maahati botu duluo debo odelo u omoo̒omolu wau lodelo mola ode yitaato hui̒du.