PILOTIMUA̒TA 34:16 - KITABI HABARI MOPIOHE

¹⁶ Wonu mongo walau̒mu monika wolo mongobua deli, timongolio mapaaluto lo mongobua boito u mololaa mao̒ ola-U̒ wau molubo ila-ila limongolio.

PILOTIMUA̒TA 34:16 ပူးပေါင်းရင်းမြစ်များ

ILOOWALI 24:3

Potadiyalo mola domi Eeya, Allahu Taa̒ala tamotolo kawasa hulungo wau dunia, deu̒ yio̒ diila tamo lolohe dile odelei Isihaka walau̒uu̒ lonto tau-tauwala tohuta lo Kanaa̒n botie.

BOHULO MONGO OLONGIA 11:1

Ti Olongia Salomo heilohilao to mongobua deli dadaata. Ngopohia tipuusili li olongia lo Masiri, tei Salomo helonika olo wolo mongobua lo Het, Moab, Amon, Edom wau Sidon.

BOHULO MONGO OLONGIA 21:25

Diila pee̒enta mao̒ woluo taa uwolo neekati helohutu u moleeto to bibilohu Eeya debo odelo u hepilohutu lei Ahab. Ngoa̒amila ololeeto boito pilohutulio to wuntulo li Isebel dilelio.

OLUO TAWARI 21:11

Tio tumbao̒ helo mongu tataa-mbatiyalo polubowalo balaahala tomadala hihui̒-hui̒dea lo Yehuda, wau heloo̒ sababu ulipu lo Yehuda wau Yerusalemu ilodusa to Eeya.

ESRA 9:12

Mongo nabi boito helodini to mongowatotia monika uu̒ulauwa wolo tau-tauwala boito, meaambo momantu olimongolio mowali maa̒amulu wau moa̒ahu. Wonu mongowatotia modungohe, mongowatotia molotola mola wau moo̒ lamitao̒ tilapulo huta boito wau mopowaarisi mola towali mai lo mongowatotia dilumutu ohiheo-hiheolo mao̒.

ESRA 9:2

Mongo lolai̒ lo Yahudi helonika wolo mongobua bangusa deli, tilinggula umati tolomodu miliki lo Eeya diilalo pulua. Tumbao̒ taleimulo daa̒ helohutu uito yito tahimuloa lo ulipu wau tahidihuma pantungo lo Isirai̒lu.

NEHEMIA 10:30

Ami motadia mai u diila monika uu̒ulauwa wolo babaa-ngusawalo deli tahi biluloa̒wa tolipu lami.

NEHEMIA 10:31

Wonu bolo woluo bangusa deli taa ohilaa mopotali lopale meaambo penu boli wolo ode olami to dulahu Saabati meaalo to dulahu mantali wewolio, ami diila tamotali mao̒. To timii̒du taunu u opitulio, ami diila tamokalaja halabolu wau diila tamolagi biloli.

NEHEMIA 13:23

To maasa boito iloontongau̒ olo deu̒ dadaata taulo Yahudi malonika wolo mongobua lonto bangusa lo Asdod, Amon wau Moab.

NEHEMIA 13:25

Hediliniu̒ wau yilaa̒anatiu̒ timongolio. Woluo tahe pilateu̒ wau pilau̒uu̒ huwoi̒o. Lapatao̒ pilei̒ tadiyau̒ mao̒ timongolio domi tanggulo Allahu Taa̒ala deu̒ timongolio wau mongo walai̒ mongolio diila tamonika uu̒ulauwa poli.

JABURU 106:39

Sababu huhuu-tuwaalo boito timongolio lowali najisi, wau diila tatapu wau molotolo hilao to Allahu Taa̒ala.

HOSEA 1:2

Tou̒ Eeya u bohulo tahuda mai ode bangusa lo Isirai̒lu lotimbulude to olaatia, Eeya lotahuda mai, “Hosea, nikaiilo ngotaalio tamotohilaa motisuntali, wau mongo walau̒mu olo mamowali debo odelo tio. Umati-U̒, tutuuwauwa debo odelo ti dilemu boito; timongolio diila tatapu wau molotolo hilao to Olau̒ wau lololaa ola-U̒.”

IMAAMATI 21:15

Wonu tio molambanga wuu̒du boito, yi mongo walai̒o tapatutilio mantali, mamowali najisi. Wau̒lo Eeya wau Wau̒ mapilo tolomodu mao̒ olio lowali Iimamu Daa̒.”

YOSUA 23:12

Wonu timongoli diila tatapu wau molotolo hilao wau timongoli mou̒ulauwa wolo babaa-ngusawalo tadonggo hibiluloa̒wa towolota limongoli, wau timongoli monika woli mongolio,

YOSUA 23:13

eelai mao̒, tantu Eeya Allahu Taa̒ala limongoli diila tamo polahi babaa-ngusawala boito poli domi olimongoli. Bolii̒o mao̒, timongolio mamoo̒ topotala daa̒ olimongoli, sababu timongolio mamowali debo odelo taalo meaambo debo odelo hentobu ode limongoli. Timongolio olo mamo pohutu olimongoli modutolaa daa̒; sababu timongolio mamowali debo odelo buuboo̒ towulea limongoli meaalo debo odelo duhi todelomo matomu. Timongoli matulusi modutolaa tunggula diaaluo penu boli ngotaa mao̒ towolota limongoli tameitolaa tolipu u mopiohe botie uilohi mai lo Eeya Allahu Taa̒ala limongoli ode limongoli.

MONGO HAKIMU 14:3

Bo mongo dulaa̒lio loloi̒ya mao̒, “Yilongola musi monao̒ mola ode taulo Pilistin u poo̒tapulalo dile, hiambola timongolio diila tuwotuwoto umati lo Allahu Taa̒ala? Wolo todelomo kaumunto lohihilao meaanto towolota ngoilanggubu bangusaanto diaaluo ngotaalio tadulahu tamotuuu̒de?” Tametao̒ lei Simson ode liyamolio, “Bo tadulahu lo Pilistin boitolo tao̒tohilaa laatia. Wau watia mohalapu tipaapa mohuto motolo balango olio ode laatia.”

MONGO HAKIMU 3:5

Uitolo sababuulio tau-tauwalo Kanaa̒n, Het, Amori, Peris, Hewi wau Yebus debo hibiluloa̒wa tolipu boito pee̒-pee̒enta wolo umati lo Isirai̒lu.

MONGO HAKIMU 3:6

Umati lo Isirai̒lu helonika lou̒ulauwa wolo babaa-ngusawalo boito, wau lodudua̒ helolubo dedeewaalo limongolio.

MONGO HAKIMU 8:27

Monto hulawa boito, tei Gideon malohutu bui̒ balaahala tuwau, lapatao̒ lopo tambati mao̒ to kambungulio, deu̒yito-yito to Ofra. Ngoa̒amila taulo Isirai̒lu lonao̒ mola helolubo bui̒ balaahala boito, tunggula timongolio diilalo mopoo̒tuoto Allahu Taa̒la. Wau sua̒li boito lowali debo odelo hentobu odelei Gideon wau ngaalaa̒lio.