PILOTIMUA̒TA 33:4 - KITABI HABARI MOPIOHE

^4-6 Lapatao̒ Eeya lopoa̒hu olei Musa loloi̒ya mao̒ ode bangusa lo Isirai̒lu, “Timongoli bangusa tabaa̒ngiyolo Humayaalio Wau̒ moduduo̒ woli mongoli penu bo ngopee̒ mola, tantu timongoli pobinasaa-U̒ sama-samaata. Lopatalo totonulalo polomu limongoli, oo̒dito wau̒ mamolantu mai wolo u mapo hutuwo-U̒ olimongoli.” Tou̒ maloo̒ dungohe didini lo Eeya boito, timongolio masiluukali daa̒ debo odelo taa ulimilimi. Lapatao̒ timongolio malo hinggi mao̒ pake limongolio. Oditolio, lapatao̒ lololaa mao̒ Hui̒dee Sinai, bangusa lo Isirai̒lu diilalo lomake pake.

PILOTIMUA̒TA 33:4 ပူးပေါင်းရင်းမြစ်များ

OLUO LO SAMUEL 19:24

Wau olo tei Mepiboset wombu lei Saul, lonao̒ mai u lodudua̒ lolutulao̒ oli olongia. Tio diila helongulo oa̒ato, diila helo huntinga danggulio, wau diila helo moboa̒ pakeyangilio anggadu ti Olongia Dauda lololaa mao̒ Yerusalemu dilumutu tio luli lohualingai wolo loa̒ahu.

BOHULO MONGO OLONGIA 21:27

Lapatao̒ tei Elia yilapato lobisala, tei Ahab malo ngaidinga pakeyangilio wau lomake mao̒ kaingi kado odelo tuoto ololee̒lio, lapatao̒ lopuasa. Penu boli motuluhe olo tio helomake kaingi kado, wau wonu monao̒, bayalio wunu-wunula tulusi.

OLUO MONGO OLONGIA 19:1

Tou̒ ti Olongia Hiskia loo̒dungohe podulohu lo tatoulota boito, tio malo ngaidinga pakeyangilio wau lomake kaingi kado tuotio siluukali lohilao, lapatao̒ lonao̒ mota ode Bele lo Eeya.

ESRA 9:3

Loo̒dungohe sua̒li boito, wau̒ loraasa lolee̒e daa̒ tilinggula helo ngaidingao̒ pakeyangiu̒ wau lomahutao̒ huwoo̒ wau dangguu̒, tulusi lotihuloa̒a wolo hilaa u lotoyopu.

AYUBA 1:20

Lapatao̒ tilimihula mola tei Ayuba wau helo ngaidinga pakeyangilio tuotio limilimi. Tio longuluheo̒ lunggongio, tulusi losujudu

AYUBA 2:12

Bo tou̒ lonto u molamingo timongolio loo̒onto olei Ayuba, timongolio ngopee̒ diilalo moo̒onuhe olio. Yi hilumoyongo timongolio wolo hungga-hunggalao̒ wau helo ngaidingo pakeyangi limongolio boli lomua̒yade mola peyahuo̒ ode dulente wau to lunggongi mongolio.

YESAYA 32:11

Dilumutu saaa̒ti botie timongoli tumutumula molaasa seehati, beebasi monto usuusa. Bo botia, pohuluu heloolo mola lou̒ moohe! Yinggilalo pakeyangimu wau buhuta mao̒ kaingi kado to wohutamu.

YEHESKIEL 24:17

Diila bolo odungohe yio̒ mopotide-tideo̒ lonapasi usuusa! Diila mao̒ poonao̒ lou̒ diila obeleu̒to lunggongo, meaambo diila owaapidu oa̒ato, odelo taa u motilimi. Diila mao̒ olo beleu̒tamu bayamu, wau diila mao̒ polamela roti polotilimi.”

YEHESKIEL 24:23

Timongoli diila tamonao̒ lou̒ diila otau̒ubu lunggongo meaambo owapidu oa̒ato, diila mohilimuta meaambo humoyongo. Timongoli maheelebe mohiheo mola mongongoto sababu duduu-sawaalo limongoli; timongoli mamopo ilaalo suusa ngota timongota.

YEHESKIEL 26:16

Moo̒onto paladumu, mongo olongia monto babaa-ngusawalo tobiihu deheto matimihulo monto tambati huhuloa̒ li olongia, mohinggi jumba odudaa̒ wau boo̒ limongolio u okalawo, lapatao̒ motihuloo̒ hulu-huluhelio tohuta. Timongolio mamoohe daa̒ tilinggula diila moo̒ duo̒oto.

HOSEA 7:14

Timongolio diila tio̒otutua helodua̒ ode Olau̒. Wonu timongolio modua̒, timongolio hemo pomahulo batanga ode tambati potuluhelo, wau hemoyongo debo odelo u pilohutu lotau-tauwalo tadiila palacaya to Olau̒. Wonu timongolio modua̒ u mohile pale wau angguru, timongolio momali mao̒ batanga debo odelo u pilohutu lotau-tauwalo tahi polubowa dewa. Timongolio tio̒otutua moluwali ola-U̒!

IMAAMATI 10:6

Lapatao̒ tei Musa loloi̒ya mao̒ odelei Haruna wau mongo walai̒o wewo, deu̒yito-yito tei Eleajar wolei Itamar, “Diila mao̒ polulia huwou̒mu moa̒puto, wau diila mao̒ kaidinga pakeyangimu u mopo biloheo̒ deu̒ timongoli hisuusawa wau limilimi. Wonu timongoli mohutu mao̒ odito, timongoli maamate, wau ngoilanggubu umati lo Isirai̒lu muluka mai lo Eeya. Bo ngoa̒amila taulo Isirai̒lu wewolio mowali motilimi duo̒lo ilopatea lo taduulota uilate sababu tulu lonto Eeya.

YUNU 3:6

Tou̒ ti olongia lo Niniwe loo̒dungohe habari boito, tio hua̒a lolaahu lonto yilaidiaalio. Yilopatio jumba lo Yilaidiaalio wau lomake kaingi yute, tulusi tio lotihuloa̒ toitaato peaahuo̒.

JAKARIA 7:3

Timongolio olo ilahulalio lohintu tomongo iimamu wau mongo nabi odie, “Donggo palalu ami mohilimutao̒ oa̒antulu Bele lo Eeya wolo mopuasa totimii̒du hulalo olimolio debo odelo u mapilohutu lami otaa-taunuwa mola hiheolio?”

JAKARIA 7:5

Tahudaa-Lio, “Potunggula mao̒ ode ngoilanggubu tuango lipu botie wau ode mongo iimamu deu̒ puasa wau hilimuta u pilohutu limongolio tohulalo olimolio wau opitulio ngotilonggadu pitu lopulu lotaunu mola botie diila polo hulumati ode Olau̒.

YIA̒APO 14:1

Ilo-iloonua umati lo Isirai̒lu hiwuwaatia̒ wau hehiyonga.

YIA̒APO 14:39

Lapatao̒ tei Musa lopo tunggulao̒ tahuli lo Eeya ode bangusa lo Isirai̒lu, bangusa boito helo tilimi lou̒ suukali.

BOHULO SEMUEL 6:19

Bo sababu tau-tauwalo Bet-Semes boito helo hedupao̒ ode delomo Bulua Daantia lo Eeya, yi pitu lopulu lota towolota limongolio pilate lo Eeya yila-yilateelo mao̒. Lapatao̒ ulipu helo tilimi sababu Eeya lolemba olimongolio wolo baala umalo odito udaa̒alio.