PILOTIMUA̒TA 33:3 - KITABI HABARI MOPIOHE

³ Timongoli motidulungo ode huta ukaya wau molomiyodu. Bo Wau̒ lohihilao diila moduduo̒ wolimongoli, alihu timongoli diila mao̒ pobinasa-U̒ tohungo dalaalo, sababu timongoli yito bangusa tabaa̒ngiyolo.”

PILOTIMUA̒TA 33:3 ပူးပေါင်းရင်းမြစ်များ

OLUO MONGO OLONGIA 17:14

Bo Isirai̒lu wau Yehuda diila mohuto modungohu. Timongolio baaa̒ngiolo odelo loluuhuru limongolio tadiila palacaya to Eeya, Allahu Taa̒ala limongolio.

JABURU 78:8

alihu timongolio diila debo odelo tinene moya limongolio tao̒hilaa momalakala wau momaahe parenta; hilaide taloe̒etu iimanilio, wau diila tatapu wau molotolo hilao to Allahu Taa̒ala.

PILOTIMUA̒TA 13:5

Wolo tadia Eeya helodanti mai odeli nenemoyamu u mohudu mao̒ olemu lipu lo bangusa Kanaa̒n, Het, Amori, Hewi wau Yebus. Lapatao̒ Eeya modelo olimongoli ode lipu ukaya wau molomiodu boito, timii̒du taunu todelomo hulalo Abib, timongoli musi mohutu mao̒ upacala botie.

PILOTIMUA̒TA 23:21

Poo̒tuota mao̒ wau dungohilo tio. Diila pomalakala wolio sababu tio utoliya-U̒, wau tio diila tamo ngambungu totalaamu.

PILOTIMUA̒TA 3:17

Wau Wau̒ malolantu mai u modelo olimongolio lumualo lonto Masiri, tambati u hepilo deehelio olimongolio, wau modepito olimongolio ode lipu tuwau u kaya wau molomiodu, lipu lobangusa Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 3:8

Sababu uito Wau̒ lolaahei mai molopata olimongolio lonto uluu̒ taulo Masiri wau mamodelo olimongolio lumualao̒ monto lipu boito motidulungo ode lipu tuwau u luasi. Hutalio kaya wau molomiodu, wau botia hiluloa̒a lobangusa lo Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 32:14

Yi Eeya lolomelao̒ niyati-Lio wau diila lomata loponao̒ anjamu-Lio u mopo dungga mai baala ode bangusa boito.

PILOTIMUA̒TA 34:9

Ualio mao̒, “Eeya, wonu Eeya tio̒otutua motuuu̒de wolaatia, watia momolohone, ambunguolo Eeya moduduo̒ wolamiaatia. Bangusa boito memangi baa̒ngiyolo, bo ambungua mao̒ ololeeto wau dusa limongolio wau tolimoa mao̒ amiaatia odelo umati lo Eeya lohihilao.”

YESAYA 48:4

Otaawa-U̒ deu̒ yio̒ diila mohuto modungohe, baaa̒ngiola wau abaloolo.

YEREMIA 11:5

Wonu timongolio moponao̒ ngoa̒amilalo boito, Wau̒ mamoe̒elao̒ danti-U̒ to loluuhuru limongolio deu̒ lipu u molomiodu wau maa̒amulu, u masaatia piloti biluloa̒ limongolio boito, mawohi-U̒ olimonglio.” Watia lolametao̒, “Mopio, yaa Eeya.”

YEHESKIEL 20:6

Tou̒ boito Wau̒ lotadia mamodelo olimongolio u lumuala monto Masiri motidulunga ode lipu u tilulaotu-U̒ ode limongolio. Lipu boito kaya wau molomiodu, huta u mopiohe daa̒ to ngoilnggubu dunia.

IMAAMATI 20:24

Huta ukaya wau molomiodu boito mapilo danti-U̒ mai olimongoli, oditolio wohi-U̒ mai olimongoli mowali haku limongoli. Wau̒lo Eeya Allahu Taa̒ala limongoli talo pohalahe olimongoli lonto babaa-ngusawalo wewo.

YUNU 3:10

Allahu Taa̒ala loo̒onto ngoa̒amila huhutu limongolio; Tio loo̒onto deu̒ timongolio malo lolaa pii̒li limongolio u moleeto. Yi Tio lolomelo putuusani-Lio, wau diila lomata lohukuumani mai olimongolio.

YUNU 3:4

Tei Yunu tilumuwota ode kota boito lapatao̒ lojalena ngotupa lodulahu, tio lolumula lohutuba, ualio mola, “Donggo wopato pulu hui mola, Ninwie mamoa̒ntulu!”

YIA̒APO 13:27

Uali mongolio odelei Musa, “Amiaatia malo tulete mao̒ lipu boito wau iloontonga lamiaatia deu̒ hutalio kaya wau molomiodu, wau botie ngoi̒di huhuu-ngowaalo mola lonteeto mai.

YIA̒APO 14:12

Wau̒ mamopo binasa mai olimongolio lou̒ mopodungga ngongoto u moe̒embita. Bo yio̒ mapo waliyo-U̒ tiyamo lobangusa tuwau ulebe udaa̒ wau lebe molotolao̒ woli mongolio!”

YIA̒APO 14:8

Wonu Eeya motuhatawa to olanto, yi Tio mamodelo olanto odito mola wau mongohi mao̒ huta ukaya wau molomiodu boito to olanto.

YIA̒APO 16:13

Debo diipo lotuuheta yio̒ malodelo mai olami yilumualao̒ lonto huta lo Masiri u molomiyodu boito wau momate olami mate-mateelo mao̒ tohuta datahu wau luasi udelita botie? Wolo yio̒ musi momalenta olami olo?

YIA̒APO 16:21

“Potoulilo monto tau-tauwalo boito; Wau̒ ohilaa mopobinasa mai olimongolio botiyaalo olo.”

YIA̒APO 16:45

“Potoulilo monto tau-tauwala boito. Wau̒ mamopo binasa mao̒ olimongolio totambati boito olo!” Timongolio duulota losujudu lomola wau lolubo,

WUNGGULI LOMONGO RASULU 7:51

Donggo boli baaa̒ngilio lo Mongo wutato wau odito totolio modungohe to Allahu Taa̒ala! Bulongamu bungolo tio̒otutua to tahuda lo Allahu Taa̒ala! Timongoli tutuuwauwa woli nenemoya limongoli; laito hemoluwali Rohullah!

TINGULI 4:24

sababu Eeya Allahu Taa̒ala limongoli debo odelo tulu umoo̒ pobu. Tio diila mohuto potutuu-wauwola penu boli loolo.

BOHULO SEMUEL 2:30

Wau̒ Eeya Allahu Taa̒ala lo Isirai̒lu, muloololio mai malodanti mai, deu̒ ngaalaa̒mu wau malagaamu mamomaya to ola-U̒ odelo iimamu u ohiheo-hiheolo mao̒. Bo botia Wau̒ diilalo mokahandaki sua̒li boito! Sababu tamo hurumati ola-U̒, mahurumatio-U̒ bo tamohina ola-U̒, mahinaa-U̒.