PILOTIMUA̒TA 33:12 - KITABI HABARI MOPIOHE

¹² Todulahee tuwau tei Musa loloi̒ya ode Eeya, “Eeya, Eeya lomalenta olaatia modelo mota bangusa botia ode lipu u pilodanti mai lo Eeya. Bo Eeya diila lotahuda mai tatoonu tamaa laolo lo Eeya u motulungi olaatia. Eeya, Eeya lotahuda mai deu̒ Eeya motota olaatia, wau lotuhatawa wolaatia.

PILOTIMUA̒TA 33:12 ပူးပေါင်းရင်းမြစ်များ

PILOTIMUA̒TA 33:17

Tahuda mao̒ lo Eeya odelei Musa, “Hihiilemu madungohe-U̒, sababu Wau̒ moo̒nuhe olemu wau Wau̒ motuhatawa olemu.”

YEREMIA 1:5

“Tou̒ Wau̒ diipo lopowali mai olemu todelomo talomo liilamu, wau tou̒ yio̒ diipo pilotutulio mai, Wau̒ malo lulaota olemu wau lomudua̒ olemu u lowali nabi ode babaa-ngusawalo.”

PILOTIMUA̒TA 32:34

Ponao̒lo botia, wau deloa mao̒ timongolio boito ode tambati umaa tilanggulu-U̒ olemu. Malai̒kati-U̒ mamodelo olemu, bo saaa̒tilio mamei dungga tau-tauwala boito hukuumaniyo-U̒ sababu duduu-sawaalo limongolio.”

2 TIMOTIUS 2:19

Bo daasali motoheeto u pilohutu mai lo Allahu Taa̒ala diila mowali etuwolo. Toitaatio tulatulade utie, “Eeya moo̒onuhu tau-tauwalo miliki-Lio”, wau “Taa u moloi̒ya deu̒ tio miliki lo Eeya, tau boito musi mohuheli mohutu huhutu utalatala”.

YESAYA 43:1

Isirai̒lu, odie mola tahuda mai lo Eeya, “Wau̒ulo talo powali wau lohutu mai olemu, diila mao̒ oohe, yio̒ tantu poa̒ahuwo-U̒ mai! Wau̒ malo tianga olemu wolo tanggulumu, yio̒ yito milikii-U̒.

ILOOWALI 18:19

Tio maa tilulaotu-U̒ alihu momalenta mongo walai̒o wau waliilio u modungoheo̒ ola-U̒ wau mohutu wolo u mopiohe wau aadili. Wonu sua̒li boito pohutuo limongolio, totoonulalo danti-U̒ odelei Abraham mapoo̒ poluwo-U̒ mai.”

PILOTIMUA̒TA 33:1

Lapatao̒ Eeya lotahuda odelei Musa, “Tolailo mao̒ tambati boito wau ponao̒lo pee̒-pee̒enta wolo bangusa tadilelomu mai lonto Masiri boito odelipu u pilodanti-U̒ odelei Abraham, Isihaka wau Yako wau wali mai limongolio.

PILOTIMUA̒TA 3:10

Botia yio̒ laolo-U̒ mola motaalua woli olongia lo Masiri alihu yio̒ mowali modelo bangusaa-U̒ lumualao̒ monto lipu boito.”

JABURU 1:6

Sababu taa modungohe deloolio wau duo̒la lo Eeya, bo taa moleeto dulu-dulunga ode obobinasa.

PILOTIMUA̒TA 33:2

Wau̒ mamolao mai malai̒kati ngota u modelo olimongoli. Wau̒ mamopolahi bangusa lo Kanaa̒n, Amori, Het, Peris, Hewi wau Yebus.

YESAYA 45:3

Yi yio̒ mawohiya-U̒ mai halata okokaya u tuutuuo̒, alihu otaawamu Wau̒ulo Eeya, Allahu Taa̒ala lo Isirai̒lu, tamalo tianga olemu wolo tanggulumu.

HAGAI 2:5

Tou̒ timongoli yilumualai lonto Masiri, Wau̒ malo danti malaito moduo̒la olimongoli. Wau botia olo Wau̒ debo donggo moduo̒la olimongoli. Oditolio, diila palalu timongoli molawalo.

PILOTIMUA̒TA 3:4

Eeya loo̒onto olei Musa lohimbideo̒ ode tambati boito, yi Tio longiibodei lonto huungo diu̒to boito, “Musa! Musa!” “Watotia mai teea,” tuaheo̒ lei Musa.

PILOTIMUA̒TA 34:9

Ualio mao̒, “Eeya, wonu Eeya tio̒otutua motuuu̒de wolaatia, watia momolohone, ambunguolo Eeya moduduo̒ wolamiaatia. Bangusa boito memangi baa̒ngiyolo, bo ambungua mao̒ ololeeto wau dusa limongolio wau tolimoa mao̒ amiaatia odelo umati lo Eeya lohihilao.”

OLUO LO SAMUEL 15:25

Lapatao̒ loloi̒ya mao̒ ti olongia odeli Iimamu Jadok, “Powalingalo mota Bulua Daantia boito ode kota. Wonu Eeya aahudu olau̒, tantuulo mao̒ wau̒ mawohi-Lio mohualingai wau muli moo̒onto Bulua Daantia boito wolo tambati poti biluloa̒alio.