PILOTIMUA̒TA 32:9 - KITABI HABARI MOPIOHE

⁹ Otaawa-U̒ deu̒ bangusa boito baa̒ngiola daa̒.

PILOTIMUA̒TA 32:9 ပူးပေါင်းရင်းမြစ်များ

OLUO MONGO OLONGIA 17:14

Bo Isirai̒lu wau Yehuda diila mohuto modungohu. Timongolio baaa̒ngiolo odelo loluuhuru limongolio tadiila palacaya to Eeya, Allahu Taa̒ala limongolio.

OLUO TAWARI 30:8

Diila mao̒ potibaaa̒ngi debo odelo timongolio, bo podungohulo to Eeya. Ponao̒lo mai ode Yerusalemu, ode bele lo Eeya u mapilo tolomodu lo Eeya Allahu Taa̒ala limongoli ode batanga-Lio u ohiheo-hiheolo mao̒. Duloolo poi̒baadatilo to Eeya alihu mooleelo mola omulukaa-Lio toli mongoli.

NEHEMIA 9:16

Bo loluuhuru lo mongowatotia soombongi wau baaa̒ngiolo; totoonulalo palenta lo Eeya diila dilungohe limongolio.

NEHEMIA 9:17

Timongolio diila lodungohe, wau totoonulalo opopiohu lo Eeya hepilalongi mongolio, wau ngoa̒amila huhutu u moo̒linggolabe lonto Eeya heilooli lonto pikiilangi limongolio. Wolo mangimangi timongolio helo lulaotao̒ tau̒wa ngota, u lodelo olimongolio ode Masiri, luli lowali wato. Bo Eeya Allahu Taa̒ala tamotohilaa momaa̒apu mai, diila opulita lo sabali, mura lohilao wau polupolu lo ponu. Ponu lo Eeya otutu polu-polutuo̒; Eeya diila lololaa olimongolio.

JABURU 78:8

alihu timongolio diila debo odelo tinene moya limongolio tao̒hilaa momalakala wau momaahe parenta; hilaide taloe̒etu iimanilio, wau diila tatapu wau molotolo hilao to Allahu Taa̒ala.

PILOTIMUA̒TA 33:3

Timongoli motidulungo ode huta ukaya wau molomiyodu. Bo Wau̒ lohihilao diila moduduo̒ wolimongoli, alihu timongoli diila mao̒ pobinasa-U̒ tohungo dalaalo, sababu timongoli yito bangusa tabaa̒ngiyolo.”

PILOTIMUA̒TA 34:9

Ualio mao̒, “Eeya, wonu Eeya tio̒otutua motuuu̒de wolaatia, watia momolohone, ambunguolo Eeya moduduo̒ wolamiaatia. Bangusa boito memangi baa̒ngiyolo, bo ambungua mao̒ ololeeto wau dusa limongolio wau tolimoa mao̒ amiaatia odelo umati lo Eeya lohihilao.”

POHUMAYA 29:1

Tatoonu taa tulusi baaa̒ngiolo wonu naseehatiyalo, tou̒ wakutu tuwau mamoa̒ntulu wau diilalo mowali poo̒piohulo.

YESAYA 48:4

Otaawa-U̒ deu̒ yio̒ diila mohuto modungohe, baaa̒ngiola wau abaloolo.

YEREMIA 13:27

Wau̒ maloo̒onto mai olimongoli he lohutu susuua̒liyalo u yilonuu̒-U̒. Wau̒ maa loo̒onto mai olimongoli helo hilapita ila-ila wewo tohuludu wau to halabolu, debo odelo talolai̒ ngoto olo biyongao̒-biyongao̒ todile lotaa wewo meaambo debo odelo wadala ulai̒ onapusu to wadala bilango. Ulipu lo Yerusalemu, matopotala timongoli! Omolua timongoli mamolopato monto ngoa̒amila u moleeto?”

HOSEA 6:10

To Isirai̒lu iloontonga-U̒ hitua-tuawua u moo̒tihela hapato: umati-U̒ loponajisi batangalio wolo helolubo balaahala.

YIA̒APO 14:11

Eeya lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio?

WUNGGULI LOMONGO RASULU 7:51

Donggo boli baaa̒ngilio lo Mongo wutato wau odito totolio modungohe to Allahu Taa̒ala! Bulongamu bungolo tio̒otutua to tahuda lo Allahu Taa̒ala! Timongoli tutuuwauwa woli nenemoya limongoli; laito hemoluwali Rohullah!

TINGULI 10:16

Oditolio tumulalo mai botia timongoli musi modungohe to Eeya wau diilalo potibaa̒ngi poli.

TINGULI 31:27

Otaawa lowatia timongolio baa̒ngiyolo daa̒ wau ohilaa momalakala. Penu boli watia donggo tumu-tumula olo timongolio hemo malakala to Eeya; tidiyolo de, wonu watia mailate mao̒!

TINGULI 9:13

Eeya olo lotahuda mai olaatia, ‘Otaawa-U̒ bangusa boito baa̒ngiyolo daa̒.

TINGULI 9:6

Poyakinilo deu̒ Eeya Allahu Taa̒ala limongoli diila mohudu mai huta u molomiodu boito ode limongoli masababu timongoli patuti mololimo mao̒. Diila! Timongoli botie bangusa tabaa̒ngiyolo.