PILOTIMUA̒TA 32:8 - KITABI HABARI MOPIOHE

⁸ Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

PILOTIMUA̒TA 32:8 ပူးပေါင်းရင်းမြစ်များ

BOHULO MONGO OLONGIA 12:28

Lapatao̒ helo timbangi mola sua̒li boito, tio malohutu bui̒ mahelu duluo lonto sapi hulawa tulusi loloi̒ya mao̒ ode ulipu, “Bangusa lo Isirai̒lu! Malo tuuu̒de hiheolio timongoli helonao̒ ode Yerusalemu mola loi̒baadati. Botia, uti-utieelo ila-ila limongoli u malodelo olimongoli yilumualao̒ lonto Masiri!”

NEHEMIA 9:18

Timongolio helohutu balahala debo odelo sapi. Lapatao̒ timongolio helo loi̒ya, ‘Uti-utieelo Allahu Taa̒alamu, talodelo olimongoli lonto Masiri, lonto polowato.’ Yaa Allahu Taa̒ala, Eeya lohihilao tahilina limongolio!

JABURU 106:19

To Hui̒dee Sinai timongolio helohutu walao̒ sapi hulawa, wau helolubo bui̒ dilupa boito.

JABURU 78:36

Bo timongolio helo himbulo to Eeya, tataa-heyaalo limongolio wimbulo ngoa̒amilalo.

PILOTIMUA̒TA 20:23

Diila mao̒ pohutua duo̒lo batangamu bubuu-iyaalo talaa̒ meaalo hulawa u tuboo limongoli ngopohia Wau̒.

PILOTIMUA̒TA 22:20

Tatoonu tamopodewo bake ode ila-ila wewo ngopohia ode ola-U̒, Eeya, musi hukuu-maniyola mate.

PILOTIMUA̒TA 32:4

Tei Haruna lohama mao̒ ante-ante boito. Lapatao̒ pilopo didiilio wau tiluwatio mao̒ ode delomo paisaka tuwau wau pilohutulio bui̒ losapi tuwau. Bangusa boito loloi̒ya mao̒, “Wuu Isirai̒lu uti-utieelo ilaanto talo depitai olanto yilumualao̒ lonto Masiri!”

PILOTIMUA̒TA 34:15

Diila mao̒ pohutu daantia wolo bangusa tolipu boito, sababu tou̒ timongolio molubo wau mopodewo mao̒ bake ode ila-ila limongolio, timongolio mamo heinga olimongoli, wau timongoli mamo dudua̒a olo.

YESAYA 46:6

Tau momuo̒ doompeti wau moluwangao̒ hulawalio, lapatao̒ motimenga talaa̒alio wolo titimenga. Tio mongohi wuupa pani lohulawa u mohutu bui̒ balaahala, lapatao̒ tio molubo bui̒ huhutuulio.

YEREMIA 31:32

Bo daantia boito diila debo odelo daantia u pilohutu-U̒ wolo loluuhuru limongolio tou̒ lodepita olimongolio yulumualai lonto Masiri. Eleponu boli Wau̒ debo odelo ngotaali lodile talolao̒ ode limongolio, bo timongolio lomaahe daantiaa-U̒ woli mongolio.

IMAAMATI 17:7

Bangusa lo Isirai̒lu musi debo molotolo hilao to Eeya wau sama-samaata diila mowali mongolota binatangi to hahaa-laboluwalo ode dewo to lalaa-tiyaalo u moleeto. Wuu̒du boito musi dungohelo u ohiheo-hiheolo mao̒.

TINGULI 32:17

Timongolio helo podewo bake ode roroo-huwaalo moleeto udiila Allahu Taa̒ala, ode ila-ila udiila otaawa limongolio, ila-ila bohu udiila oohe lo loluuhuru limongolio.

TINGULI 9:12

Lapatao̒ Eeya lotahuda mai olaatia, ‘Hua̒a potuhutolo mola, sababu bangusaamu tadilelomu mai yilumualao̒ lonto Masiri malohutu u moleeto. Timongolio malo bolia̒ lonto papaa-lentaa-U̒, wau helohutu bui̒ u hetuboo limongolio.’

TINGULI 9:16

Watia loo̒onto deu̒ timongoli malo lambanga palenta lo Eeya Allahu Taa̒ala limongoli. Timongoli mailodusa to Eeya sababu helohutu duo̒lo batanga limongoli bui̒ losapi tuwau lonto logamu.

YOSUA 22:15

Yi malei dungga mota timongolio totambati losuku Ruben, Gad wau suku Manasye tomadala lo Gilead.

MONGO HAKIMU 2:17

Bo timongolio diila helo mandungi tomongo tau̒wa boito. Timongolio hipo lubowa ila-ila wewo, wau diila tatapu wau molotolo hilao to Eeya. Timongolio diila heloo̒ baaya toli nenemoya limongolio tamo dungohe papaa-lentawaalo Eeya.

MONGO HAKIMU 8:24

Bo lapatao̒ tei Gideon luli loloi̒ya mao̒, “Bo tuwau hihiile laatia: ante-ante u yilambato limongoli lonto musu, mamusi wuduo mai limongoli ngoa̒amilalo ode laatia.” (Taulo Midian biasaalio hemomake ante-ante hulawa; tutuuwauwa debo odelo tau-tauwalo wewolio tahi biluloa̒wa to huta ohungayo u luasi daa̒.)