PILOTIMUA̒TA 32:6 - KITABI HABARI MOPIOHE

⁶ Loombulio mola didimodupo daa̒, tau-tauwalo Isirai̒lu helodelo mai dengolo bibiahe duo̒lo bake yilalango wau dengolo poli duo̒lo bake lo polodame. Timongolio lotihuloa̒a lolamela wau longilu, lapatao̒ timihulo u helo tisana-sanangi.

PILOTIMUA̒TA 32:6 ပူးပေါင်းရင်းမြစ်များ

PILOTIMUA̒TA 32:5

Lapatao̒ tei Haruna lopo tihulao̒ mesba tuwau totalu losapi hulawa boito wau lopo malalumu mao̒, “Loombu woluo potihunggu u mohulumati Eeya.”

AMOS 2:8

To timii̒du tambati potabiyalo, tau-tauwalo hituluhe wolo boo̒ u hilama lomongolio odelo pongaku tobiloli lotaa himosikinia. To Bele lo Allahu Taa̒ala limongolio, timongolio helongilu angguru u hilama limongolio lonto taa u obiloli toli mongolio.

AMOS 8:10

Raraa-meyangimu malomelo-U̒ mowali lapali pololimi, wau lalaahumu mowali hilimuta. Wau̒ mamohutu mai olimongoli monguluheo̒ huwou̒mu wau momake kaingi yute tuoto lou̒ suukali lohilao. Timongoli mamowali debo odelo tiilo wau tiyamo tamo hiyongao̒ opopate lo walai̒o tatuwa-tuwaulo. Dulahee boito mamo paluto wolo laba-labaalo moo̒suukali hilao.”

YIA̒APO 25:2

Mongobua boito helo heinga olimongolio ode popoo-tibungguwala lobake u mohulumati ila limongolio. Taulo Isirai̒lu olo lodudua̒ lolamela bake boito wau helolubo ila taulo Moab.

1 KORINTUS 10:7

Odito olo alihu ito diila mao̒ molubo balaahala debo odelo u hepilohutu lou̒ ngotayadi mongolio. Todelomo Kitabi tulatulade, “Yi bangusa boito lolumulo lolamela longilu wau longelungo u lolubo balaahala.”

WAHI 11:10

Tuango dunia mamoti wengahe to opopate losakusi duulota boito. Timongolio mamopolame wau molalaawola palaseni, sababu nabi duulota boito malo podungga mai dadaata sikisaa ode ngoa̒amila taa todunia.