PILOTIMUA̒TA 32:34 - KITABI HABARI MOPIOHE

³⁴ Ponao̒lo botia, wau deloa mao̒ timongolio boito ode tambati umaa tilanggulu-U̒ olemu. Malai̒kati-U̒ mamodelo olemu, bo saaa̒tilio mamei dungga tau-tauwala boito hukuumaniyo-U̒ sababu duduu-sawaalo limongolio.”

PILOTIMUA̒TA 32:34 ပူးပေါင်းရင်းမြစ်များ

JABURU 99:8

Yaa Eeya Allahu Taa̒ala lo mongowatotia, Eeya hemo lametai umati lo Eeya; ode limongolio Eeya Allahu Taa̒ala tao̒hilaa mongambungu, eleponu timongolio hukuumanio mai lo Eeya sababu totala limongolio.

PILOTIMUA̒TA 15:17

Lapatao̒ Isirai̒lu dilepitu-Mu ode tambati u tilulaotu-Mu upoti biluloa̒a-Mu. Timongolio lotitatapu to huludu-Mu u mantali, to Bele u bilongu-Mu lohihilao.

PILOTIMUA̒TA 20:5

Diila mao̒ polubo bui̒ debo odelo uito, sababu Wau̒lo Eeya Allahu Taa̒ala limongoli, wau Wau̒ diila motohilaa potutuu-wauwolo penu boli wolita. Tau-tauwalo tahi polonua̒wa ola-U̒, hukuu-maniyo-U̒ demola wali otolulio wau opatio.

PILOTIMUA̒TA 23:20

“Wau̒ mamolao mai malai̒kati-U̒ meimulo limongoli u moduo̒la olimongoli todelomo nonao̒ wau modelo olimongoli ode tambati u podapato-U̒.

PILOTIMUA̒TA 3:17

Wau Wau̒ malolantu mai u modelo olimongolio lumualo lonto Masiri, tambati u hepilo deehelio olimongolio, wau modepito olimongolio ode lipu tuwau u kaya wau molomiodu, lipu lobangusa Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 33:12

Todulahee tuwau tei Musa loloi̒ya ode Eeya, “Eeya, Eeya lomalenta olaatia modelo mota bangusa botia ode lipu u pilodanti mai lo Eeya. Bo Eeya diila lotahuda mai tatoonu tamaa laolo lo Eeya u motulungi olaatia. Eeya, Eeya lotahuda mai deu̒ Eeya motota olaatia, wau lotuhatawa wolaatia.

PILOTIMUA̒TA 33:2

Wau̒ mamolao mai malai̒kati ngota u modelo olimongoli. Wau̒ mamopolahi bangusa lo Kanaa̒n, Amori, Het, Peris, Hewi wau Yebus.

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

YEREMIA 14:10

Pasali lo bangusa boito Eeya lotahuda mai, “Wau̒ diila sanangi wolo tau-tauwalo boito tao̒hilaa mopolahi batanga monto ola-U̒, wau diila mohuto mongotonga batanga. Wau̒ diila tamo lipata totala limongolio, Wau̒ mamo hukuumani mai olimongolio sababu dusa limongolio.”

YEREMIA 5:29

Bo, Wau̒, Eeya, mamo hukuumani mai olimongolio sababu ngoa̒amilalo boito; Wau̒ mamotuli mai ngoa̒amila huhutu lo bangusa botie.

YEREMIA 5:9

Wolo diila paatutilio Wau̒ mohukuumani mai bangusa tadebo odelo uito wau molontuli mai wolo u mapilohutu limongolio?

HOSEA 8:13

Timongolio motohilaa mopodewo bake ode Olau̒, wau molamela tapu lobake boito, bo Wau̒ Eeya, diila sanangi wolo babaa-keyaalo boito. Botia Wau̒ mamoe̒ela mai dusa limongolio wau mohukuumani olimongolio sababu duduu-sawaalo boito; Wau̒ mamolao mola olimongolio muli mohualinga ode Masiri!

AMOS 3:14

To dulahee Wau̒ mohukuumani taulo Isirai̒lu sababu dusaalio, Wau̒ mamopo binasa memees-bawaalo to Betel. Timii̒du mesba maboliyolo huhuudio tunggula modehu mola ode huta.

AMOS 3:2

“Monto ngoa̒amila bangusa todunia timongolilo tatuwa-tuwaulo bangusa tao̒onuhe-U̒ wau piloo̒tuotu-U̒. Uitolo sababuulio dusamu udaa̒, wau Wau̒ tantu mohukuumani mai olimongoli.”

YIA̒APO 20:16

wau amiaatia longiibode mola to Eeya lei̒tulungi mai. Eeya malo dungohe wuwaatii̒ lamiaatia wau lolao mai ngotaalio lo malai̒kati. Malai̒kati boito malodelo olamiaatia yilumualao̒ lonto Masiri. Botia amiaatia woluo to Kades, kota tuwau to sipatana lomadala li Tuaniu̒.

MATIUSI 23:35

Sababu uito, timongoli mamoo̒tapu hukuumani sababu polomatea yila-yilateelo mao̒ u hepilohutu limongoli ode ngoa̒amila taadiila ototala tumulalo mai polomatea yila-yilateelo mao̒ olei Habel tadiila ototala tunggula polomatea yila-yilateelo mao̒ olei Jakaria walae̒e Berekhya, tapilate limongoli yila-yilateelo mao̒ towolota Bele lo Eeya wau mesba.

TINGULI 32:35

Eeya mamolontuli wau mohukuumani olimongolio, wau diilalo mohiheo timongolio modehu wau binasa; saaa̒ti obobinasa limongolio hua̒a meidungga.