PILOTIMUA̒TA 32:32 - KITABI HABARI MOPIOHE

³² Ambunguolo Eeya bolo potala mongabungu mao̒ dusa limongolio; wonu diila, mamo luluto tanggulo watotia monto buku lotaa u hitumula.”

PILOTIMUA̒TA 32:32 ပူးပေါင်းရင်းမြစ်များ

OLUO LO SAMUEL 18:33

Loo̒dungohe uito ti olongia masiluukali daa̒, lapatao̒ lobotula mola ode huwali leidaa̒ toitaato huhebu hulubangi sambela hiyo-hiyongo wolo hemolapali, “Oo walau̒uu̒! Walau̒uu̒ Absalom! Absalom, walau̒uu̒! Lebe mopioheo̒ wau̒lo tamaate motowoli olemu walau̒uu̒! Absalom, walau̒uu̒!”

JABURU 139:16

Eeya momilohe olo watotia tou̒ watotia donggo todelomo talomo; ngoa̒amilalo leituladee todelomo buku lo Eeya; duduulahio matilantu mai tou̒ diipo tuwau mao̒ tilumula.

JABURU 56:8

Tingga woluo oa̒ahu duo̒lo ololeeti mongolio? Pobinasaalo mai timongolio todelomo omuluka lo Eeya, yaa Allahu Taa̒ala!

JABURU 69:28

Poluliaalo mao̒ totala limongolio he oduhenga mola daatalio; diila mao̒ poo̒tutua mai timongolio.

PILOTIMUA̒TA 32:10

Diila mao̒ pohimontala momubula ola-U̒. Wau̒ muluka olimongolio wau mapobinasaa-U̒ timongolio. Bo yio̒ wau waliimu mola mapo waliyo-U̒ bangusa udaa̒ tuwau.”

YESAYA 4:3

Timii̒du taa u meitolaa to Yerusalemu, tau-tauwalo tatilulaoto Allahu Taa̒ala u poa̒ahuwolo mau̒nteelo mantali.

YEHESKIEL 13:9

Wau̒ mamo hukuumani mai olimongoli, wuu mongo nabi tahipo lapalia wimbulo wau hemobayahu bo to pikiilangi bibii-loheyaalo! Timongoli diilalo mowali modudua̒ mongohi putuusani todelomo sisii-dangiyaalo umati-U̒. Tataa-nggulumu mainggilolio monto duputari polemboa̒ lo Isirai̒lu, wau timongoli diilalo mohualinga ode huta u pilohuluta mai loduhumu. Yi mao̒taawa limongoli deu̒ Wau̒ulo Eeya Taa Laba-labaalo molanggato.

DANIALI 12:1

Malai̒kati taa pake-pake pakeeangi lineni boito luli loloi̒ya, “Tou̒ boito maa lumenetai malai̒kati daa̒ Mikhaeli taamoo-duo̒lawa bangusaamu. Lapatao̒ maa woluo mai maasa lou̒ suukali udiaa o baandingilio tumulalo mai woluo babaangusawaala. Bo ngoa̒amila tau monto bangusaamu taa tanggulio u leituladee to delomo buku lo Allahu Taa̒ala mapo aahuwolo.

AMOS 7:2

Bubuu-litaalo boito ngopee̒ lopoo̒pulita ngoa̒amila pipii-lomuwalo tohuta. Lapatao̒ watia loloi̒ya, “Eeya Taa Laba-labaalo molanggato, ambungualo mai umati lo Eeya! Timongolio odito kikiio̒ wau molulupuhu, diila pongalo aakali timongolio moo̒ taahangi?”

MALEAKHI 3:16

Lapatao̒ tau-tauwalo tahi woohea to Eeya loloi̒ya ngota timongota. Eeya lodungohe wau lopoo̒tuoto wolo uiloi̒ya limongolio. Tau-tauwalo tahipo hulumatia o-Lio wau moohe to Olio, tiluladu mao̒ tanggulio todelomo buku daputali tuwau uwoluo totalu-Lio.

MALEAKHI 3:17

Eeya Taa Laba-labaalo kawasa lotahuda mai, “Timongolio mamowali umati-U̒. To dulahe Wau̒ mohutu mai, timongolio mamowali miliki tailo hilaa-U̒. Wau̒ mamomonu olimongolio, debo odelo ngotaalio lotiyamo motolia̒ngo walai̒o tahemo tiwato to olio.

YIA̒APO 11:15

Wonu Eeya debo mohutu mai olo watotia odie, ambunguolo ponuwalo mai watotia; lebe mopioheo̒ hua̒a pateyalo mai mate-mateelo mao̒ olo watotia alihu watotia diilalo momanta polodutolo botie.”

YIA̒APO 11:25

Lapatao̒ Eeya lolaahei todelomo heengo wau lotahuda odelei Musa. Eeya lohama ngotayadu kawasa u mailohi-Lio odelei Musa wau yiludu-Lio ode tau̒wa pitu lopulu lota boito. Tou̒ Rohullah boito lolaahei ode yitaati mongolio, yi malo ngiibodu timongolio debo odelo nabi, bo diila lohiheo.

YIA̒APO 14:19

Botia, Eeya, sababu udaa̒lio odehu hilaa lo Eeya wau Eeya tatapu wau molotolo hilao todanti lo Eeya, watotia momolohone ambungualo mai dusa lotau-tauwala botie tumulalo mai timongolio lololaa mao̒ huta lo Masiri.”

LUKASI 10:20

Openu boli odito diila mao̒ potiwengahu timongoli sababu roroo-huwaalo u moleeto modungohe olemu. Lebe mopiohu timongoli motiwengahu sababu tanggulumu leitulade tosologa.”

LUKASI 23:34

Tulusi ti Isa malodua̒, “Paapa, ambunguwalo mai timongolio! Diila otaawa limongolio wolo upilohutu limongolio.”

ROMA 9:3

sababu mongo wutato lowatia tango bangusa wolaatia. Sababu ode limongoliolo, watia lohihilao iloheela lohilao yilanaa̒tia lo Allahu Taa̒ala wau biluaa̒ala lonto li Almasi.

TINGULI 25:19

Masababu uito, wonu Eeya Allahu Taa̒ala limongoli malongohi mai lipu boito ode limongoli wau timongoli aamani monto ngoa̒amila muusu tahi biluloa̒wa topalito limongoli, yi ngoa̒amila taulo Amalek boito musi pateelo mate-mateelo mao̒ limongoli alihu timongolio diilalo o eela. Diila mao̒ lipata!”

TINGULI 29:20

Eeya diila tamo ngambungu mai taa u debo odelo uito. Boliio̒ mao̒, tio mao̒tuhata lo omuluka lo Eeya uwali-walihuhu, wau totoonulalo baala utula-tuladee todelomo buku botie mamotoduo mai to olio, tunggula tio pobinasaa mao̒ lo Eeya.

TINGULI 9:14

Diila mao̒ pohimontala momubula ola-U̒. Wau̒ ohilaa mopobinasa mai olimongolio tilinggula diilalo oe̒ela. Bo yio̒ mapowaliyo-U̒ mai tiyamo lobangusa tuwau talebe udaa̒ wau lebe molotolao̒ woli mongolio.’

PILIPI 4:3

Duo̒lo sahabati lowatia taa tatapu wau molotolo hilao, pohile lowatia olo alihu Wutato momantu taabua duulota boito. Timongolio malo kalaja tio̒otutua wolaatia helo pohabari Habari Mopiohe lonto Allahu Taa̒ala; tutuuwauwa debo odelo tei Klemen wau ngoa̒amila taa wewolio tahemo kalaja pee̒-pee̒enta wolaatia. Tataa-nggulalo limongolio woluo todelomo Kitabi Taa Tumutumulo.

WAHI 17:8

Binatangi boito muloololio mai tilumumulai, bo botia diilalo tilumumulo. Tio ngopee̒epo mola malumualo monto pangato lomautu wau mamonao̒ moti dulungo ode obobinasa. Tau-tauwalo tahitumula todunia, u tanggulio diila leidaputali todelomo Buku Taa Tumutumulo tou̒ dunia botie diipo pilowali mai mamo linggolabu wonu moo̒onto binatangi boito. Sababu binatangi boito muloololio mai mapee̒enta tilumumulo. Botia tio diilalo tilumumulo, bo tio mamuli lumenetai.

WAHI 21:27

Bo taa umohutu susuu-aliyaalo umoo̒ lonuo̒, meaalo taa u mohimbulo – limbui̒o mao̒ penu boli wolo unajisi wambai̒o, sama-samaata diila tatumuwota ode delomio. Tamaa tumuwotao̒ bo taa u tanggulio tulatulade todelomo Buku Taa Tumutumulo, buku lo Walao̒ Himba boito.

WAHI 22:19

Wau wonu taa mopo kulangi mao̒ hitua-tuawua monto loloo-iyaala lo nubuwati botie, yi Allahu Taa̒ala olo mamopo kulangi tayadio upilo bayahei todelomo buku botie – deu̒ito-yito tayade monto bungo lo ayu tutumulo wau monto kota mantali boito.

WAHI 3:5

Toli mongolio tamoo̒haama mapakealio jumba moputio̒. Bo timongolio diila taluluto-U̒ monto Buku lo Taa Tumutumulo. Wau totalu li Paapa-U̒, wau mamaa-lai̒kati-Lio Wau̒ mamotolo akuo deu̒ timongolio yito miliki-U̒.