PILOTIMUA̒TA 32:30 - KITABI HABARI MOPIOHE

³⁰ Loombulio mola tei Musa loloi̒ya mao̒ ode bangusa boito, “Timongoli mai̒lodusa daa̒. Bo botia watia mamuli motao̒de mola hui̒dee boito mola motaalua wolo Eeya; pohileaala dua̒ watia ambunguo mai lo Eeya duo̒lo dusa limongoli.”

PILOTIMUA̒TA 32:30 ပူးပေါင်းရင်းမြစ်များ

OLUO LO SAMUEL 12:9

Yilongola yio̒ diila helo mandungi totoonulalo palentaa-U̒? Wau yilongola hepilo hutumu u moleeto boito? Tei Uria pilei̒ patemu yila-yilateelo mao̒ todelomo popaatea; hiluliyamu mao̒ tio pilatelio yila-yialteelo mao̒ lotau Amon, wau dilelio hilamamu!

OLUO LO SAMUEL 16:12

Tanu Eeya mamo poo̒tuotai polodutolo botie wau mobalakati mai olau̒ odelo tuloo̒ lo laa̒anati boito.”

OLUO MONGO OLONGIA 17:21

Lapatao̒ Eeya lopobua̒ mao̒ Isirai̒lu lonto Yehuda, taulo Isirai̒lu, lomudua̒a olei Yerobeam walae̒e Nebat lowali olongia limongolio. Lapatao̒ tei Yerobeam lohutu olimongolio lololaa mao̒ to Eeya wau helohutu duduu-sawaalo u udaa̒.

JABURU 99:6

Tei Musa wolei Haruna tuwotuwoto mongo iimamu lo Eeya, tei Semuel tala ngota lo tahelodua̒ mola to Eeya. Timongolio hipongiibode meengahu to Eeya, wau Eeya helo lametai.

PILOTIMUA̒TA 32:29

Ualei Musa ode suku Lewi, “Todulahee botie timongoli malo pohetu lobatanga lowali iimamu talomaya to Eeya lou̒ lomate yila-yilateelo mao̒ tau̒kekeei̒ wau mongo wutatumu, yi Eeya mongohi mai balakati-Lio to olemu.”

AMOS 5:15

Lonui̒ilo u moleeto wau tolia̒ngiilo u mopiohe, wau potihulaalo u aadili. Otanu Eeya modehu hilao totau-totauwalo tahe ilolabita monto bangusa lo Isirai̒lu.

YUNU 3:9

Otanu Allahu Taa̒ala mamo lomelao̒ niyati-Lio wau diilalo muluka tilinggula ito diila momata binaasa!”

YIA̒APO 16:47

Tei Haruna helohutu mao̒ wolo uiloi̒ya lei Musa. Tio tilumetea̒ mota ode huungo umati tadonggo hia̒mbua wau ilotuhata lowembelo. Yi tei Haruna lopodutu mao̒ dupa toitaato bohu lotulu, wau helohutu upacala polulutalo dusa duo̒lo umati.

YIA̒APO 25:13

Tio wau waliilio mola tantuwo-U̒ mai odelo iimamu u ohiheo-hiheolo mao̒, sababu tio wolo odito olohu malo poduulua ola-U̒, Allahu Taa̒alaalio, wau malo powoluo mao̒ polodame duo̒lo dusa taulo Isirai̒lu.”

LUKASI 15:18

Wau̒ mamo monggato wau monao̒ odeliyamau̒, wau moloi̒ya olio: Paapa watia mai̒lodusa to Allahu Taa̒ala wau toli Paapa.

LUKASI 7:47

Otutu: tolia̒ngio u udaa̒ boito mopoi̒laalo deu̒ dusalio u dadaata mai̒lambungu! Wonu tau ambunguolo ngoi̒di, tolia̒ngio olo bo ngoi̒di.”

ROMA 9:3

sababu mongo wutato lowatia tango bangusa wolaatia. Sababu ode limongoliolo, watia lohihilao iloheela lohilao yilanaa̒tia lo Allahu Taa̒ala wau biluaa̒ala lonto li Almasi.

GALATIA 3:13

Boti Almasi lopo lopato mai olanto lonto laa̒nati butoo̒ lo agama. Tio lohutu uito lou̒ lopoluli mai batanga-Lio laa̒laa̒nati sababu ito. Sababu todelomo Kitabi tulatulade, “Malaa̒-laa̒natilo tailate ntilayango towolihi lo ayu.”

2 TIMOTIUS 2:25

Tio musi wolo molumboyoto mongaajali tau-tauwalo tao̒hilaa moluwali; pohileaala dua̒ Allahu Taa̒ala mongohi hiyango ode tau-tauwala boito u molilihu to duduu-sawaalo limongolio wau motota lo pongaajali u otutu.

YAKOBUS 5:16

Sababu uito, mamusi timongoli mongaa-ngaakua totala wau moduu-duua̒wa mola, alihu timongoli poo̒luli-Lio mai. Dua̒ lotaa umodudua̒ u otohilaa lo Allahu Taa̒ala okawasa daa̒.

BOHULO SEMUEL 12:17

Wau̒ mamo ngiibode to Eeya, wau eleponu masaatia sembo lo polohengu, Eeya mamopo tuhutai bulonggodu wau didi odelo tameto todua̒au̒. Tou̒ boito, timongoli mamongalati mao̒ deu̒ malo odito udaa̒alio dusa limongoli to Eeya sababau malohile olongia ngota.”

BOHULO SEMUEL 12:19

Lapatao̒ malo loi̒ya timongolio odelei Semuel, “Tulungia mai, Paaa̒, podua̒alo mola duo̒lo olamiaatia botie ode Eeya Allahu Taa̒ala li Paaa̒, alihu amiaatia diila tamate. Botia amiaatia malongalati deu̒ ngopohia dusa lamiaatia omoo̒omolu, amiaatia maluli ilodusa sababu helohile olongia ngota.”

BOHULO SEMUEL 12:20

Tei Semuel olo malo lametao̒, “Diila mao̒ oohe, eleponu timongoli malohutu u moleeto boito, diila mao̒ pohei monto Eeya, bo debo pomayaalo to Olio wolo lealeaatu lo hilaamu.

BOHULO SEMUEL 12:23

Tomimbihu batangau̒, pohileaala dua̒ wau̒ diila bolo odusa to Eeya sababu diila helodua̒ mao̒ olimongoli. Bolii̒o mao̒ wau̒ olo madebo mopoo̒latao̒ olimongoli susuu-aliyaalo u mopiohe wau u otutu.

BOHULO SEMUEL 2:17

Odi-odieelo mola walae̒e Eli taduulota boito heilodusa daa̒ to mato lo Eeya, sababu bo hea̒nggapuo limongolio gambangi dewo lobake ode Eeya.