PILOTIMUA̒TA 32:14 - KITABI HABARI MOPIOHE

¹⁴ Yi Eeya lolomelao̒ niyati-Lio wau diila lomata loponao̒ anjamu-Lio u mopo dungga mai baala ode bangusa boito.

PILOTIMUA̒TA 32:14 ပူးပေါင်းရင်းမြစ်များ

ILOOWALI 6:6

Tio olo malolee̒e lopowali olimongolio wau lopo tambati olimongolio todunia. Tio malo ilokikiio̒ hilao,

OLUO LO SAMUEL 24:16

Malai̒kati lo Eeya talo podungga mai mautu boito malei dungga ode polumbetaa̒lo pale haku lei Arauna, taulo Yebus. Tou̒ Eeya loo̒onto deu̒ malai̒kati boito malei dapato u mopobinasa mao̒ Yerusalemu, Eeya lolomela putuusani-Lio, wau Eeya lohuheli lohukuumani mai bangusa boito. Tahuda lo Eeya ode malai̒kati boito, “Malotuuu̒de! Pohuhelilo!”

BOHULO TAWARI 21:15

Lapatao̒ Eeya lolao mai ngotaalio lo malai̒kati u lopobinasa Yerusalemu. Bo tou̒ malai̒kati boito malei dungga mota totili lo polumbetaa̒lo pale haku lei Arauna taulo Yebus, Eeya lolomela putuusani-Lio u mohukuumani bangusa boito. Eeya lotahuda ode malai̒kati boito, “Totoonggade! Pohuhelilo!”

JABURU 106:23

Yi Allahu Taa̒ala oniyati mopobinasa umati-Lio, bo yilabuta lei Musa, taa tilulao-Tio. Tei Musa talowali lotiwolota toli mongolio, tilinggula omuluka lo Allahu Taa̒ala yiloole.

JABURU 106:45

Domi timongolio Eeya loe̒elai daantia-Lio wau lodehu hilao olimongolio sababu ponu lo Eeya u udaa̒.

PILOTIMUA̒TA 33:13

Wonu odito, ambunguolo Eeya mopoo̒taa mai wolo lanjana lo Eeya, Eeya, alihu watia mowali momaya to Eeya wau debo moo̒sanangi hilaa lo Eeya. Eelailo mao̒ olo deu̒ bangusa botie matilulaoto lo Eeya lowali haku lo Eeya.”

YEREMIA 18:8

lapatao̒ bangusa boito molilihu monto dusalio, yi Wau̒ mamopo lohudu niyati-U̒ boito.

YEREMIA 26:13

Sababu uito lomelaalo dudelo tutumuli mongoli wau ngoa̒amila huhutu limongoli; podungohulo to Eeya Allahu Taa̒ala limongoli, alihu Eeya mopolodu mai niyaati-Lio u mopo topotala olimongoli.

YEREMIA 26:19

Bo ti Olongia Hiskia wau taulo Yehuda diila lomate yila-yilateelo mao̒ olei Mikha. Tei Hiskia tumbao̒ yiloohe to Eeya wau lei̒ ponu mai. Yi Eeya luli lopotouli aanjamu-Lio u mopo topotala olimongolio. Wau botia, ngopee̒ wambai̒o ito botie lopotoduo mai topotala daa̒ to batangaanto.”

YOEL 2:13

Antangaalo hilaamu wau diila pakeyangimu.” Pomalingolo ode Eeya Allahu Taa̒alamu. Tio sabali diila o enggadelio wau tamoomonua muura lohilao wau lealeaatu lo odehu hilao. Sanangi mongambungu wau diila mohuto moponao̒ lo hukuumani.

AMOS 7:3

Eeya lolomelao̒ patujuu-Lio wau lotahuda mai, “U iloontongamu boito diila tamotoduo mai.”

AMOS 7:6

Eeya luli lolomelao̒ patujuu-Lio wau lotahuda, “Utie olo diila tamotoduo mai.”

YUNU 3:10

Allahu Taa̒ala loo̒onto ngoa̒amila huhutu limongolio; Tio loo̒onto deu̒ timongolio malo lolaa pii̒li limongolio u moleeto. Yi Tio lolomelo putuusani-Lio, wau diila lomata lohukuumani mai olimongolio.

YUNU 4:2

Lapatao̒ tio lodua̒ mola, “Yaa Eeya, diila mailoi̒ya lowatotia tou̒ dipo lomonggata lonto bele lowatotia muloolo, deu̒ Eeya tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ Eeya Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

YIA̒APO 14:20

Lapatao̒ Eeya, “Mopiohulo, Wau̒ mamo ngambungu mai olimongolio debo odelo u pilohilemu.

TINGULI 10:10

“Wopato pulu hui wau dulahu watia bilu-biluloa̒ toitaato hui̒du debo odelo u pilohutu lowatia bohulio. Pee̒entapo Eeya lodungohei olaatia, wau Tio akolo u diila mopobinasa mai olimongoli.

TINGULI 32:26

Wau̒ ohilaa mopo loloopu olimongolio sama-samaata, alihu timongolio diilalo o eela.

TINGULI 32:36

Eeya mamo poa̒ahu mai umati-Lio wau momonu mongo wato-Lio, wonu Tio moo̒onto olimongolio diila olotolo wau mai̒lo pulita lo lotolo.

MONGO HAKIMU 2:18

Wonu bolo Eeya mongohi mai tau̒wa ngota ode bangusa lo Isirai̒lu, Eeya laito hemo tulungi mao̒ tau̒wa boito. Wau ngotilonggadu tau̒wa boito donggo tumutumulo, Eeya laito hemo lopata olimongolio monto mumuu-suuwaalo limongolio. Tio momonu olimongolio wonu bolo odungohe-Lio timongolio hiwuwaatia̒ longongoto sababu alinaya wau hedeehelio.

BOHULO SEMUEL 15:11

“Wau̒ lolee̒e malo mudua̒ olei Saul lowali olongia, sababu tio malohei lonto ola-U̒, wau diila helo ponao̒ palentaa-U̒.” Tei Semuel masiluukali, wau ilo-iloonua tio helo poi̒laalo suusa to Eeya.